Gradaim na Seirbhísí Poiblí Níos Fearr

Gradaim na Seirbhísí Poiblí Níos Fearr (2026)
(ar a dtugtaí Gradaim Feabhais agus Nuálaíochta na Státseirbhíse)
Ceiliúradh bliantúil a thugann onóir do scoth na n-éachtaí sa nuálaíocht, comhoibriú agus soláthar ar fud na státseirbhíse agus na seirbhíse poiblí.

Ócáid bhliantúil is ea Gradaim na Seirbhísí Poiblí Níos Fearr ina n-aithnítear feabhas, dea-chleachtas agus nuálaíocht laistigh den státseirbhís agus den tseirbhís phoiblí. Bunaíodh na gradaim in 2015, agus is deis iad le haird a tharraingt ar nuálaíochtaí i soláthar polasaí agus seirbhíse ar fud na státseirbhíse agus na seirbhíse poiblí mar ar féidir straitéisí agus ceachtanna éifeachtacha a chomhroinnt.

Ó thaobh Ghradaim 2026 de, rinneadh an cinneadh go dtreiseofaí an t-ailíniú le polasaí na Seirbhísí Poiblí Níos Fearr trí na nithe seo a dhéanamh:
- na Gradaim a oscailt do gach Comhlacht den tSeirbhís Phoiblí
- éileamh gur iarratas comhpháirteach é gach iarratas – ina ndéanfaidh comhlachtaí den státseirbhís agus den tseirbhís phoiblí iarratas le chéile
- ainm nuashonraithe - Gradaim na Seirbhísí Poiblí Níos Fearr
- na catagóirí a athailíniú chun dtiocfaidh siad le polasaí agus creat na Seirbhísí Poiblí Níos Fearr
- critéir nua agus faomhadh iontrála nua chomh maith le leathnú ar phainéal na meastóirí chun oibrithe deonacha ó réimse níos leithne de chomhlachtaí seirbhíse poiblí a chuimsiú.

Tá Comhlachtaí den tSeirbhís Phoiblí incháilithe chun iarratas a dhéanamh anois: Tá iarratais ar oscailt anois do gach comhlacht den tseirbhís phoiblí, seachas comhlachtaí den státseirbhís amháin, i gcomhréir le polasaí na Seirbhísí Poiblí Níos Fearr.

Comhoibriú de dhíth: Chun comhoibriú idir comhlachtaí den státseirbhís agus den tseirbhís phoiblí a spreagadh, éileoidh na hiarratais go mbeidh dhá iarratasóir (dhá chomhlacht) ar a laghad i gceist leis, nach mór ceann amháin acu ar a laghad a bheith ina roinn rialtais. Ní mheasfar iarratais roinne aonair ach amháin ar bhonn eisceachtúil más féidir leis an Roinn a léiriú go raibh an tseirbhís/polasaí/tionscadal nó clár thar a bheith luachmhar chun fís na Seirbhísí Poiblí Níos Fearr a bhaint amach agus sa chás go raibh an comhoibriú (go hinmheánach nó le comhlachtaí eile) i gcroílár na seirbhíse/an pholasaí/an tionscadail nó an chláir.

Líon na n-iarratas: Tugadh isteach uasteorainn nua, faoina bhfuil gach roinn rialtais in ann sé iarratas ar a mhéad a chur isteach i gcomhar leis an gcomhlacht/na comhlachtaí den tseirbhís phoiblí dá rogha.

Is féidir le ranna rialtais cinneadh a dhéanamh chun comhoibriú lena chéile, chomh maith le comhoibriú le comhlachtaí den tseirbhís phoiblí. Is féidir le ranna rialtais comhoibriú le comhlachtaí den tseirbhís phoiblí nach bhfuil faoi choimirce dhíreach acu.

Ceaptar Pointí Teagmhála Speisialta (SPOC) i ngach Roinn/Eagraíocht agus iad freagrach as faisnéis a sheoladh amach faoi na gradaim. Is féidir leis na daoine áirithe seo aighneachtaí tionscadail a fháil freisin agus iad a chur ar aghaidh chuig a nArd-Rúnaí/Ceann Eagraíochta lena mbreithniú. Cuirtear tionscadail roghnaithe, laistigh den teorainn chuóta, faoi bhráid fhoireann Ghradaim na Seirbhísí Poiblí Níos Fearr (BPSA) ansin lena mbreithniú ag an bhFoireann Athbhreithnithe.

Is oibrithe deonacha ón Státseirbhís agus ón tSeirbhís Phoiblí atá ar an bhFoireann Athbhreithnithe, agus déanann siad athbhreithniú agus measúnú ar na haighneachtaí tionscadail de réir chatagóir roghnaithe na ngradam agus molann gearrliosta a chuirtear ar aghaidh chuig an gCoiste Roghnúcháin.

Déanann an Coiste Roghnúcháin measúnú ar na tionscadail ar an ngearrliosta, agus deimhníonn sé na trí ainmní i ngach catagóir, agus fógrófar na buaiteoirí foriomlána ag Searmanas na nGradam.

Moltar do chomhlachtaí den Státseirbhís agus den tSeirbhís Phoiblí cláir ghradaim inmheánacha a reáchtáil ag druidim leis an tréimhse roimh oscailt na n-aighneachtaí BPSA. Tugann sé seo deis chun aitheantas a thabhairt do thionscadail nuálacha agus iad a chur chun cinn laistigh de Ranna/Eagraíochtaí. Úsáideann roinnt Ranna/Eagraíochtaí an clár gradaim inmheánach seo chun cinneadh a dhéanamh ar a n-aighneachtaí chuig an bhfoireann BPSA.

Chun eolas níos mionsonraithe a fháil ar gach catagóir féach ar an mbileog CC thíos sa rannán Acmhainní.

Bunchloch 1 Digiteach agus nuálaíocht ar scála
Catagóirí: Digiteach chun tosaigh, Seirbhísí poiblí comhtháite agus Nuálaíocht ar scála

Bunchloch 2 Lucht saothair agus eagraíocht na todhchaí
Catagóirí: Ag treorú tríd an bhfoghlaim, Comhionannas, éagsúlacht agus cuimsiú a chur chun cinn agus Ag múnlú lucht saothair na todhchaí

Bunchloch 3 Polasaí agus seirbhísí a ndéantar eolas dóibh le fianaise, arna ndearadh dár bpobal agus in éineacht leo
Catagóirí: Dearadh duinelárnach polasaí agus seirbhísí, Úsáid straitéiseach na sonraí chun éifeachtúlacht a sholáthar i seirbhísí poiblí agus Úsáid straitéiseach na sonraí chun feabhsuithe ar fhorbairt agus ar chur i bhfeidhm polasaí a threorú

Seirbhísí Poiblí Níos Fearr: Fís dár dtodhchaí
Catagóirí: Beart a dhéanamh de réir briathair i dtimpeallacht dhinimiciúil, Gníomhú ar son na haeráide agus rialtas inbhuanaithe agus Státseirbhís agus Seirbhís Phoiblí den scoth

Ainmniúcháin: beidh trí ainmní ann in aghaidh na catagóire x 12 chatagóir thuas. Ainmneofar 36 tionscadal san iomlán.

Beidh ainmniúcháin do na gradaim ar oscailt idir Nollaig 2025 agus an 27 Feabhra 2026. Iarrfar ort Foirm Iarratais ar líne a chur isteach le haghaidh d’ainmniúchá(i)n, a bheidh le comhaontú ag d'Ard-Rúnaí/Ceann Oifige agus Ceann na hEagraíochta/ nEagraíochtaí Seirbhíse Poiblí atá ag comhoibriú.

• Dáta oscailte le haghaidh aighneachtaí: Nollaig 2025
• Dáta deiridh le haghaidh aighneachtaí: 27 Feabhra 2026
• Cruinnithe athbhreithnithe ar mheastóireacht: Márta/Aibreán 2026
• Fógairt an Ghearrliosta: go déanach in Aibreán 2026
• Laethanta na nAinmnithe: go luath i mí Bealtaine 2026
• Beidh searmanas na ngradam ar siúl Déardaoin, an 25 Meitheamh 2026