Seirbhísí Poiblí Níos Fearr: Imeachtaí

Tar ar ais anseo chun eolas a fháil ar imeachtaí atá le teacht.

Díríodh sa chomhdháil seo ar Fhórsa Saothair agus Eagraíocht na Todhchaí a Thógáil, ar téama lárnach é sa straitéis maidir le Seirbhísí Poiblí Níos Fearr. Is é uaillmhian na straitéise sin fórsa saothair a chruthú don tSeirbhís Phoiblí atá éagsúil, sofhreagrúil agus ionchuimsitheach, a bheidh oilte don todhchaí agus a bheidh ina rogha fostóra d’fhostaithe atá ann anois agus a bheidh ann amach anseo.

Bhí thart ar 400 ceannaire sa tSeirbhís Phoiblí agus gairmí AD i láthair go pearsanta nó ar líne ag an imeacht, agus ba í Sinéad Burke – Príomhfheidhmeannach Tilting the Lens – bean an tí. I measc na n-imeachtaí a bhí ann i rith an lae, bhí seisiúin ar phríomhthreochtaí don AD agus don Ghairm um Dhaoine in 2024, dul i ngleic le héagothroime agus obair sa tsochaí, cineálacha cur chuige i leith an Ghaeilge a chomhtháthú in ionaid oibre na Seirbhíse Poiblí, Plean Printíseachta nua na Seirbhíse Poiblí agus ár mbealach a dhéanamh trasna thírdhreach na scileanna a bheith ag teastáil amach anseo chun seirbhís phoiblí níos fearr a sheachadadh.

Tá tuilleadh imeachtaí a bhaineann le Seirbhísí Poiblí Níos Fearr, atá dírithe ar Dhigiteach agus Nuálaíocht ar Scála agus Beartas agus Seirbhísí Fianaise-Bhunaithe a bhaint amach, beartaithe i mbliana agus cuirfear chun cinn ar fud na Seirbhíse Poiblí go luath iad.

D’fháiltigh an t-imeacht seo roimh cheannairí, nuálaithe agus gníomhairí an athraithe ar fud na Seirbhíse Poiblí chun fiosrú a dhéanamh ar an gcaoi ar féidir leis an Rialtas a uaillmhian maidir le dul i ngleic le ceisteanna móra na sochaí agus claochlú a stiúradh trí sheirbhísí digiteacha agus nuálaíocht a bhaint amach faoin straitéis chlaochlaithe Seirbhísí Poiblí Níos Fearr.

Bhí grúpa cainteoirí spreagúla mar chuid den chomhdháil agus d’fhiosraigh siad ceisteanna amhail an ionchuimsitheacht dhigiteach, na féidearthachtaí a bhaineann le teicneolaíochtaí atá ag teacht chun cinn, IS mar shampla, don tSeirbhís Phoiblí, cuir chuige dhearadhbhunaithe chun seirbhísí a fhorbairt agus eispéiris shaoráideacha úsáideoirí a sheachadadh don phobal trí chlár digiteach ‘Imeachtaí Saoil’ an Rialtais.

Thug an chomhdháil seo fostaithe sa tseirbhís phoiblí le chéile ó eagraíochtaí ar fud na tíre, chomh maith le saineolaithe agus smaointeoirí idirnáisiúnta, chun fiosrú a dhéanamh ar an gcaoi ar féidir leis an tSeirbhís Phoiblí beartais agus seirbhísí duinelárnacha a sheachadadh atá níos éifeachtaí agus a dearadh bunaithe ar fhianaise agus léargais ó shonraí agus ó thaighde.

Ba dheis é an t-imeacht chun plé a dhéanamh ar dhul chun cinn agus chun tuilleadh comhoibrithe a éascú faoi straitéis chlaochlaithe Seirbhísí Poiblí Níos Fearr. Bhí an t-imeacht bunaithe ar thrí phríomhthéama:

• leas a bhaint as sonraí chun forbairt beartais agus seachadadh seirbhísí a neartú
• cuir chuige nuálacha a úsáid chun claochlú i seachadadh beartais agus seirbhísí a stiúradh
• ag baint tionchar amach agus ag forbairt iontaoibhe agus dlisteanachta

Bhí an chomhdháil ar an tríú himeacht i sraith imeachtaí suaitheanta a eagraíodh mar chuid d’iarrachtaí an Rialtais chun an straitéis Seirbhísí Poiblí Níos Fearr a chur chun cinn.

Le linn na seachtaine seo d’óstáil eagraíochtaí Seirbhíse Poiblí ar fud na tíre níos mó ná 30 imeacht aonair dá bhfoireann agus do spriocphobail níos leithne na Seirbhíse Poiblí. Ar áireamh sa chlár bhí seimineáir ghréasáin, ceardlanna agus seisiúin ar an láthair a bhí dírithe ar nuálaíocht na Seirbhíse Poiblí, fadhbréiteach cruthaitheach, dearadh seirbhísí ar son an phobail agus leis an bpobal, úsáid sonraí agus IS a bhrú chun cinn, taighde a chuimsíonn saoránaigh agus neart rudaí eile.

Tháinig os cionn 350 ceannaire agus nuálaí sa tSeirbhís Phoiblí le chéile ag Comhdháil Chlaochlú na Seirbhíse Poiblí Dé Luain an 23 Deireadh Fómhair in Ionad Comhdhála Ríoga Bhaile Átha Cliath chun smaointe agus samplaí dea-chleachtais a roinnt agus chun deiseanna a shainaithint le hobair a dhéanamh le chéile ar réitigh threisithe ar dhúshláin.

Ba é an tAire Donohoe a d’oscail an chomhdháil agus dúirt sé go raibh áthas air “an obair ar fad ar bun chun an chaoi a gcuirimid ár seirbhísí poiblí ar fáil a chlaochlú agus an tionchar ollmhór atá ag an teicneolaíocht ar an gcaoi a ndéanaimid seirbhísí a dhearadh agus a sheachadadh do shaoránaigh” a fheiceáil.

Ba é ‘Claochlú i nGníomh’ téama ar Seachtain Chlaochlú na Seirbhíse Poiblí 2024. Tarraingíonn Seachtain Chlaochlú na Seirbhíse Poiblí aird ar fhairsinge na nuálaíochta agus an chlaochlaithe atá ag tarlú inár Seirbhís Phoiblí faoin straitéis Seirbhísí Poiblí Níos Fearr. Taispeánann eagraíochtaí Seirbhíse Poiblí a ghlacann páirt tionscadail agus tionscnaimh a bhfuil seirbhísí feabhsaithe agus níos ionchuimsithí á gcur ar fáil acu do mhuintir na hÉireann.

Leagadh béim faoi leith ar thionscnaimh atá bunaithe ar inscálaitheacht; a bhfuil bonn taca fúthu sa Phlean Gníomhaíochta chun Seirbhísí Poiblí Níos Fearr a Dhearadh; a spreagann an traschomhoibriú, atá iomlánaíoch agus duinelárnach agus a úsáideann sonraí chun bonn eolais a chur faoin gclaochlú.

Bhí os cionn 40 imeacht ar siúl, 77% acu sin ar líne agus a bhain lucht féachana de 2,000 amach thar na líonraí ar fad. Bhain na seimineáir is mó freastal leis an Intleacht Shaorga, Bainistíocht Taifead Seirbhísí Poiblí agus Dearadh.

Bhí Seachtain Chlaochlú na Seirbhíse Poiblí ar an gceathrú imeacht suaitheanta arna eagrú ag an Roinn in 2024 a dhírigh ar sheachadadh na straitéise maidir le Seirbhísí Poiblí Níos Fearr. Tháinig sé i ndiaidh imeachtaí a dhírigh ar na téamaí seo a leanas den straitéis: Seirbhísí Digiteacha agus Nuálaíocht ar Scála; Lucht Saothair agus Eagraíocht na Todhchaí agus; Beartais agus Seirbhísí Fianaisebhunaithe atá Deartha ar son ár bPobail agus lenár bPobal.

Tá taifeadtaí de rogha imeachtaí a bhí ar siúl le linn Sheachtain an Chlaochlaithe ar fáil sa seinnliosta YouTube seo.