Dátaí Íocaíochta agus Bónas na Nollaig 2025

Seo a leanas uaireanta oscailte na Nollag le haghaidh Ionaid agus Oifigí Brainse Intreo, Ionaid UPSP agus Ionaid CSP:

Is féidir leat teagmháil a dhéanamh linn ach glaoch a chur ar na huimhreacha thíos ó 10am go 4pm gach lá ach amháin Déardaoin 25 Nollaig, Dé hAoine 26 Nollaig agus Déardaoin 1 Eanáir. Beidh gnáthuaireanta líne ghutháin i bhfeidhm arís Dé hAoine 2 Eanáir.
Ar an nguthán:
0818 405 060
0818 607 080 (Seirbhísí Leasa Pobail)
Ar ríomhphost:
info@welfare.ie
Sa chás go bhfuil Seirbhís Cárta Seirbhísí Poiblí gan réamhchoinne i bhfeidhm, beidh fáil ar an tseirbhís sin chomh fada le 12.30pm ar an 24 Nollaig. Seans go mbeidh laghdú ar an bhfáil ar sheirbhís gan réamhchoinne i gcaitheamh thréimhse na Nollag.
Ar líne ag: www.MyWelfare.ie atá an bealach is tapa agus is fusa le hiarratas a dhéanamh ar thacaíochtaí ioncaim

Guímid go léir sa Roinn Coimirce Sóisialaí Nollaig Shona ort agus Athbhliain faoi mhaise duit.

Má fhaigheann tú íocaíocht leasa shóisialaigh, d’fhéadfadh go n-athródh an dáta ar a bhfaigheann tú d’íocaíocht le linn thréimhse na Nollag agus na hAthbhliana. Tá sonraí na socruithe íocaíochta go léir don tréimhse seo ar fáil thíos.

Íocaíochtaí seachtainiúla

Má fhaigheann tú íocaíocht leasa shóisialaigh sheachtainiúil, gheobhaidh tú d’íocaíocht mar is gnách le linn na seachtaine dar tús Dé Luain an 15 Nollaig, chomh maith le réamhíocaíocht don tseachtain ina dhiaidh sin. Baineann sé sin le híocaíochtaí a dhéantar ag oifigí poist, le seic nó go díreach isteach i do chuntas institiúid airgeadais.

Má tá íocaíocht cuardaitheora poist shealadaigh nó pháirtaimseartha á fáil agat, ní mór duit duillíní a sholáthar roimh ré mar a moladh lena chinntiú go leanfar le híocaíochtaí leat thar thréimhse na Nollag.

Tar éis dúinn na duillíní a fháil, íocfar thú mar a leanas:

• Gheobhaidh daoine ar Liúntas do Chuardaitheora Poist dhá íocaíocht a chlúdóidh na **seachtainí sínithe dar críoch an 16 agus an 23 Nollaig ar an Aoine 19 Nollaig
• Gheobhaidh daoine ar Shochar Cuardaitheora Poist dhá íocaíocht a chlúdóidh na **seachtainí sínithe dar críoch an 17 agus an 24 Nollaig ar an Aoine 19 Nollaig
• beidh gnáthshocruithe íocaíochta le haghaidh na **seachtaine sínithe dar críoch an 30 agus an 31 Nollaig i bhfeidhm arís Dé Máirt, 6 Eanáir 2026

** i gcomhthéacs na scéimeanna seo, tagraítear don tseachtain íocaíochta riaracháin le ‘seachtain sínithe’

D’fhonn a chinntiú go bhfaighidh tú d’íocaíochtaí in am an mhí seo, lean na treoirlínte ar MyWelfare.ie maidir le conas do phatrúin oibre a chur isteach i gceart.

Custaiméirí an tSochair Breoiteachta: coinnigh ort ag seoladh isteach do ‘Deimhniú Éagumais chun Oibre’ i gcaitheamh thréimhse na Nollag agus na hAthbhliana.

Má tá liúntas tacaíochta ioncaim á fháil agat ón Roinn Coimirce Sóisialaí ba chóir duit a chur in iúl dúinn go mbeidh tú as láthair roimh thaisteal, is féidir leat é seo a dhéanamh ach cuairt a thabhairt ar d’Ionad Intreo nó d’Oifig Brainse áitiúil.

Íocfar Bónas Nollag 100% an tseachtain dar tús 1 Nollaig 2025 ach ní le daoine ar Liúntas Corrchuardaitheora Poist, a íocfar an tseachtain dar tús 8 Nollaig 2025.

Tabhair faoi deara go n-íocfar suim bhónais íosta de €20.

Féadfaidh tú an bónas a fháil má fhaigheann tú:

• Liúntas um Fhilleadh ar Oideachas*
• Liúntas Fiontraíochta um Fhilleadh ar Obair
• An Díbhinn Teaghlaigh um Fhilleadh ar an Obair
• Íocaíocht Sheachtainiúil do Thairbhí de Chosaint Shealadach
• Íocaíocht Sochair do Dhaoine 65 Bliain d’Aois
• Pinsean na nDall
• Liúntas do Chúramóirí
• Sochar Cúramóra
• Fostaíocht Pobail
• Liúntas Costais Laethúla*
• Liúntas Banchéile Thréigthe
• Sochar Banchéile Thréigthe
• Liúntas Míchumais
• Sochar Míthreorach
• Liúntas Cúraim Baile
• Cúnamh Feirme
• Íocaíocht Caomhnóra
• Sochar Breoiteachta *
• Pinsean Easláine
• Scéim um Thionscnamh Post
• Liúntas Cuardaitheora Poist *
• Íocaíocht Idirthréimhseach Cuardaitheora Poist
• Scéim Choimisiún Magdalen
• An Scéim um Shochar Báis (faoin Scéim um Dhíobhálacha Ceirde)
• Íocaíocht Aontuismitheora
• Sochar Cumais Pháirtigh
• Scéim Shóisialta Tuaithe
• Pinsean Stáit (Ranníocach)
• Pinsean Stáit (Neamhranníocach)
• Liúntas Leasa Forlíontach (fadtéarmach)
• Tús (tionscnamh pobail um shocrúcháin oibre)
• Pinsean (Ranníocach) an Pháirtnéara faoi Mhéala
• Pinsean (Neamhranníocach) Páirtnéara faoi Mhéala

** Ní íocfar Bónas na Nollag leat ach amháin má bhí tú ag fáil íocaíocht incháilithe le 12 mhí ar a laghad.

Beidh gach oifig roinne, lena n-áirítear Ionaid agus Oifigí Brainse Intreo, dúnta ar an 25 agus ar an 26 Nollaig 2025 agus ar an 1 Eanáir 2026.

Guímid go léir sa Roinn Coimirce Sóisialaí Nollaig Shona ort agus Athbhliain faoi mhaise duit.