EURES: Conas obair a aimsiú in Éirinn
- Foilsithe: 24 Deireadh Fómhair 2019
- An t-eolas is déanaí: 16 Deireadh Fómhair 2025
Is féidir le EURES Éireann tacú leat fostaíocht a fháil ar fud réimse leathan earnálacha in Éirinn - lena náirítear Tógáil, Cúram Sláinte, Fáilteachas, Teicneolaíocht, agus cuid mhaith eile.
Cuireann Comhairleoirí Éireannacha de chuid EURES sainfhaisnéis agus sainchomhairle maidir le cuardach poist in Éirinn ar fáil agus is féidir leo thú a chur i dteagmháil le fostóirí féideartha. Cuireann siad treoir phraiticiúil maidir le dálaí maireachtála agus oibre ar fáil freisin, chomh maith le comhairle réamhimeachta agus teachta.
Cuir do CV i ríomhphost chuig: eures@welfare.ie nó déan teagmháil le comhairleoir Éireannach de chuid EURES chun cúnamh a fháil maidir le post a fháil in Éirinn.
Sula bhfágann tú le dul go hÉirinn, ba cheart duit breathnú ar dheiseanna fostaíochta in Éirinn ar dtús agus comhairle agus faisnéis réamh-imeachta a lorg ó Chomhairleoir EURES i do thír féin nó ó dhuine de na Comhairleoirí EURES atá lonnaithe in Éirinn.
Ar theacht duit, ba chóir go mbeadh Comhairleoir EURES Éireannach nó d’oifig Intreo áitiúil ar cheann de na chéad phointí teagmhála le haghaidh cúnamh chun fostaíocht agus faisnéis eile faoi Éirinn a fháil (tabhair faoi deara le do thoil go mb’fhéidir go mbeidh Uimhir Phearsanta Seirbhíse Poiblí (PSP) ag teastáil chun teacht a bheith agat ar aon cheann de na seirbhísí a chuireann Intreo ar fáil). Tá rochtain saor in aisce ag náisiúnaigh an AE nó an LEE ar sheirbhísí sheirbhís fostaíochta na hÉireann.
Is féidir rochtain a fháil ar shonraí faoi fholúntais in Éirinn trí www.jobsireland.ie.
Scéim Soghluaisteachta Spriocdhírithe na hEorpa
Is scéim soghluaisteachta poist de chuid an Aontais Eorpaigh í an Scéim Soghluaisteachta Spriocdhírithe Eorpach (TMS) a chuireann cúnamh airgeadais ar fáil do shaoránaigh an AE atá 18 mbliana d’aois nó níos sine agus iad ag bogadh go tír eile san AE, san Iorua nó san Íoslainn, le haghaidh oibre nó chun freastal ar agallamh. Le haghaidh tuilleadh eolais féach ar an leathanach Tacaíochtaí Soghluaisteachta Poist.