Imeachtaí Oibre agus Scileanna October 2025

Tá Intreo ag óstáil sraith imeachtaí Oibre agus Scileanna a bheidh ar siúl i mbailte agus i gcathracha ar fud na hÉireann ó 29 Meán Fómhair go 10 Deireadh Fómhair 2025.

Le himeachtaí Oibre agus Scileanna Intreo, tugtar an deis duit eolas breise a fháil ar na deiseanna fostaíochta lánaimseartha, páirtaimseartha agus solúbtha atá ar fáil i do cheantar áitiúil. Tá roghanna ar fáil freisin chun oiliúint agus uasoiliúint a dhéanamh.

Trí imeachtaí earcaíochta Oibre agus Scileanna, is féidir leat bualadh le fostóirí agus iarratas a dhéanamh ar fholúntais phoist.

Tá fostóirí ó go leor tionscail éagsúla ag earcú ag ár n-imeachtaí Oibre agus Scileanna.

Cuidíonn imeachtaí Oibre agus Scileanna Intreo le fostóirí teacht ar raon leathan cuardaitheoirí poist.

Cuireann ár n-imeachtaí earcaíochta ardán ar fáil d’fhostóirí chun folúntais phoist a roinnt agus chun bualadh le hiarrthóirí féideartha.

Is féidir le fostóirí tuilleadh eolais a fháil freisin faoinár dtacaíochtaí earcaíochta agus airgeadais chun foireann nua a fhostú.

Níl aon chostas ar fhostóir as a bheith ag earcú ag ár n-imeachtaí.

Chun a bheith páirteach, seol ríomhphoist chuig employer@welfare.ie le do thoil.

Le himeachtaí Oibre agus Scileanna Intreo, cuirtear conair ar fáil d’fhostóirí chun a bheith páirteach sa Chairt Fostaíochta agus Rannpháirtíochta Óige.

Is tionscnamh í an Chairt Fostaíochta agus Rannpháirtíochta Óige a thacaíonn le fostóirí a bheith mar chuid de phobal fostóirí ionchuimsitheacha. Cuireann fostóirí ionchuimsitheacha deiseanna ar fáil do chuardaitheoirí poist a mbeadh deacracht acu dul ar aghaidh chuig fostaíocht seachas sin.

Is féidir le fostóirí a chláraíonn don Chairt fóirdheontais stáit a fháil chun cuardaitheoirí poist nua a fhostú. Tuilleadh eolais ar gov.ie/Charter.

Baile Átha Cliath

Cill Dara

Gaillimh

Maigh Eo

Ros Comáin

Co. na hIarmhí

An Cabhán

Lú

Corcaigh

Ciarraí

Luimneach

Tiobraid Árann

Port Láirge

Loch Garman