Sochar Cuardaitheora Poist le haghaidh Asleagan Sealadacha lena n-áirítear Oibrithe san Earnáil Oideachais

Féadfaidh tú Sochar Cuardaitheora Poist a fháil má tá tú leagtha amach go sealadach agus:

• go bhfuil patrún soiléir agat maidir le leagan amach sealadach athfhillteach

nó

• is Oibrí san Earnáil Oideachais thú agus leanann do chuid oibre an bhliain scoile nó acadúil

Ní mór duit rialacha eile na scéime um Shochar Cuardaitheora Poist a chomhlíonadh freisin, lena n-áirítear a bheith ar fáil le haghaidh oibre lánaimseartha agus obair a lorg i ndáiríre. Chun tuilleadh eolais a fháil, tabhair cuairt ar an leathanach Sochar Cuardaitheora Poist.

Mura bhfuil dóthain ranníocaíochtaí árachais shóisialaigh agat le haghaidh Sochar Cuardaitheora Poist, féadfaidh tú Liúntas Cuardaitheora Poist a fháil ina ionad. Ní mór duit a bheith ar fáil le haghaidh obair lánaimseartha agus obair a lorg i ndáiríre. Déantar tástáil acmhainne ar Liúntas Cuardaitheora Poist. Chun tuilleadh eolais a fháil, tabhair cuairt ar leathanach an Liúntais Cuardaitheora Poist.

Is éard is Oibrí san Earnáil Oideachais (OEO) ann ná duine a bhfuil a phost bunaithe ar an scoilbhliain nó ar an mbliain acadúil.

Áirítear anseo:

• múinteoirí sealadacha nó múinteoirí ionaid
• cúntóirí riachtanas speisialta (CRS)
• tiománaithe bus scoile
• coimhdeachtaí bus scoile
• oideoirí luathbhlianta
• foireann trasnaithe scoile (maor tráchta)

Ní féidir leat íocaíocht cuardaitheora poist a fháil d’aon lá a fhaigheann tú pá saoire ó d’fhostóir.

Ní mór duit líon na laethanta saoire a bhfuil d’fhostóir ag tabhairt íocaíocht duit a insint dúinn mura bhfuil tú fostaithe ag an Roinn Oideachais agus Óige.

Mura bhfuil tú ag obair don Roinn Oideachais agus Óige, ní gá duit an t-eolas seo a thabhairt toisc gur sheol d’fhostóir chugainn cheana féin é.

Bileog Chabhrach maidir le Teidlíocht Saoire

Tá Bileog Chabhrach um Theidlíocht Saoire cruthaithe againn chun cabhrú leat féin nó le d’fhostóir líon na laethanta saoire a bhfuil íocaíocht á fáil agat ina leith a ríomh.

I gcásanna áirithe, ní mór duit an bhileog chabhrach seo a chur san áireamh le d’iarratas. Mínítear na cásanna seo sna rannóga thíos.

Ba chóir duit iarratas a dhéanamh ar d’íocaíocht cuardaitheora poist ar an gcéad lá a bheidh tú dífhostaithe.

Ní mór duit iarratas nua a dhéanamh ar gach sos i do chuid oibre. Ná déan iarratas ar sosanna iomadúla ag an am céanna.

Déan iarratas ar líne

Má tá cuntas fíoraithe MyGovID agat, is féidir leat iarratas a dhéanamh ar líne ar MyWelfare.ie.

Faigh rochtain ar an tseirbhís anseo

Más Oibrí san Earnáil Oideachais thú agus má tá iarratas á dhéanamh agat ar líne, féach an chuid thíos faoin gCód Tagartha Grúpa.

Mura féidir leat iarratas a dhéanamh ar líne

Mura féidir leat iarratas a dhéanamh ar líne, is féidir leat foirm pháipéir a fháil ó d’IonadIntreo nó ó d’Oifig Brainse áitiúil.

Braitheann an cineál foirme a theastaíonn uait ar do chás. Mínítear sna rannóga thíos cén fhoirm atá le húsáid agus cé na doiciméid nach mór duit a chur san áireamh.

Tá an chuid seo duitse má oibríonn tú san earnáil oideachais, ach nach hé an Roinn Oideachais agus Óige d’fhostóir.

Ní mór duit líon na laethanta saoire a bhfuil íocaíocht á fáil agat ina leith a insint dúinn agus b’fhéidir go mbeidh ort an Bhileog Chabhrach um Theidlíocht Saoire a chomhlánú.

Iarratas a dhéanamh ar líne

Má dhéanann tú iarratas ar Shochar Cuardaitheora Poist ar líne

• Má tá a fhios agat líon na laethanta saoire a bhfuil íocaíocht á fáil agat ina leith, cuir an t-eolas seo san áireamh i d’iarratas ar líne.
• Mura bhfuil líon na laethanta ar eolas agat, iarr ar d’fhostóir an Bhileog Chabhrach um Theidlíocht Saoire a líonadh isteach.
• Ní gá duit an bhileog chabhrach seo a uaslódáil le d’iarratas ar líne. Níl ann ach chun cabhrú leatsa agus le d’fhostóir an líon ceart laethanta a ríomh.

Má dhéanann tú iarratas ar Liúntas Cuardaitheora Poist ar líne

• Ní mór duit an bhileog chabhrach chomhlánaithe a uaslódáil le d’iarratas ar líne.
• Má tá a fhios agat líon na laethanta saoire a bhfuil íocaíocht á fáil agat ina leith, comhlánaigh an Bhileog Chabhrach um Theidlíocht Saoire tú féin.
• Mura bhfuil líon na laethanta ar eolas agat, iarr ar d’fhostóir an bhileog chabhrach a chomhlánú

Tabhair faoi deara: Féadfaimid cruthúnas ar shonraí d’íocaíochta saoire a iarraidh ort ag am ar bith.

Cód Tagartha Grúpa - Nasc Oibrithe san Earnáil Oideachais amháin

Chun cabhrú linn d’éileamh a phróiseáil go tapa, cuir isteach an Cód Tagartha nuair a iarrtar ort é i d’iarratas ar líne.

Is é an cód do d’éileamh: ESWA2026

Ba chóir duit an cód seo a úsáid do gach iarratas amach anseo má tá do phost nasctha leis an scoil nó leis an mbliain acadúil.

Má tá iarratas á dhéanamh agat ag úsáid foirm iarratais ESW1 ar pháipéar, ní gá duit an cód seo a chur isteach.

Iarratas a dhéanamh trí úsáid a bhaint as foirm pháipéir

Más é seo do chéad iarratas

Ní mór duit na nithe seo a leanas a chomhlánú:

• an fhoirm iarratais Cuardaitheora Poist UP1

agus

• an Bhileog Chabhrach um Theidlíocht Saoire

Má fuair tú íocaíocht cuardaitheora poist roimhe seo

• Comhlánaigh foirm ESW1 (athéileamh)
• Má tá líon na laethanta saoire ar eolas agat, cuir isteach é ag ceist 15 ar an bhfoirm ESW1.
• Mura bhfuil líon na laethanta ar eolas agat, iarr ar d’fhostóir an Bhileog Chabhrach um Theidlíocht Saoire a líonadh isteach i gcuid 10 den fhoirm ESW1.

Tabhair faoi deara: Féadfaimid cruthúnas ar shonraí d’íocaíochta saoire a iarraidh ort ag am ar bith.

Má oibríonn tú san earnáil oideachais agus más é an Roinn Oideachais agus Óige d’fhostóir, ní gá duit líon na laethanta saoire a bhfuil íocaíocht á fáil agat ina leith a insint dúinn.

Sheol d’fhostóir an t-eolas seo chugainn cheana féin.

Ba chóir duit an gnáthphróiseas iarratais ar íocaíocht cuardaitheora poist a leanúint fós.

Má dhéanann tú iarratas ar líne, cuir isteach an Cód Tagartha Grúpa thíos nuair a iarrtar ort:

ESWA2026

Ba chóir duit an cód seo a úsáid do gach iarratas amach anseo má tá do phost nasctha leis an scoil nó leis an mbliain acadúil.

Má tá iarratas á dhéanamh agat ag úsáid foirm iarratais ESW1 ar pháipéar, ní gá duit an cód seo a chur isteach.

Tá an chuid seo duitse mura n-oibríonn tú san earnáil oideachais.

Iarratas a dhéanamh ar líne

Má dhéanann tú iarratas ar Shochar Cuardaitheora Poist ar líne

• Má tá a fhios agat líon na laethanta saoire a bhfuil íocaíocht á fáil agat ina leith, cuir an t-eolas seo san áireamh i d’iarratas ar líne.
• Mura bhfuil líon na laethanta ar eolas agat, iarr ar d’fhostóir an Bhileog Chabhrach um Theidlíocht Saoire a líonadh isteach.
• Ní gá duit an bhileog chabhrach seo a uaslódáil le d’iarratas ar líne. Níl ann ach chun cabhrú leatsa agus le d’fhostóir an líon ceart laethanta a ríomh.

Má dhéanann tú iarratas ar Liúntas Cuardaitheora Poist ar líne

• Ní mór duit an bhileog chabhrach chomhlánaithe a uaslódáil le d’iarratas ar líne.
• Má tá a fhios agat líon na laethanta saoire a bhfuil íocaíocht á fáil agat ina leith, comhlánaigh an Bhileog Chabhrach um Theidlíocht Saoire tú féin.
• Mura bhfuil líon na laethanta ar eolas agat, iarr ar d’fhostóir an bhileog chabhrach a chomhlánú

Tabhair faoi deara: Féadfaimid cruthúnas ar shonraí d’íocaíochta saoire a iarraidh ort ag am ar bith.

Iarratas a dhéanamh trí úsáid a bhaint as foirm pháipéir

Más é seo do chéad uair iarratas a dhéanamh

Ní mór duit na nithe seo a leanas a chomhlánú:

• an fhoirm iarratais Cuardaitheora Poist UP1

agus

• an Bhileog Chabhrach um Theidlíocht Saoire

Má fuair tú íocaíocht cuardaitheora poist roimhe seo

Ní mór duit na nithe seo a leanas a chomhlánú:

• an fhoirm iarratais UP6

agus

• an Bhileog Chabhrach um Theidlíocht Saoire

Tabhair faoi deara: Féadfaimid cruthúnas ar shonraí d’íocaíochta saoire a iarraidh ort ag am ar bith.

Seolfaimid d’íocaíocht chuig an Oifig Phoist roghnaithe trí Ríomhaistriú Faisnéise (RAF).

Ní mór duit d’íocaíocht a bhailiú ar an dáta dlite. Mura ndéanann tú, cuirfear ar ais chugainn í agus d’fhéadfadh sé seo moill a chur ar an íocaíocht.

Ní mór duit do Chárta Seirbhísí Poiblí (CSP) a thabhairt leat chun d’íocaíocht a bhailiú.

Má tá tú 62 bliain d’aois nó níos sine, is féidir leat iarraidh orainn tú a íoc trí Ríomhaistriú Airgid (EFT) go díreach isteach i do chuntas bainc nó comhair chreidmheasa.