Fógraíonn an tAire Humphreys cur chun feidhme na reachtaíochta suntasaí chun an córas cothabhála leanaí a athchóiriú

• Reachtaíocht atá á cur chun feidhme le héifeacht ón 4 Meitheamh
• Fágfar íocaíochtaí Cothabhála Leanaí as gach tástáil acmhainne leasa shóisialaigh amach anseo
• Rachaidh athchóirithe chun tairbhe do níos mó ná 16,000 tuismitheoir aonair agus cuideoidh siad le bochtaineacht leanaí a laghdú

Tá sé fógartha ag an Aire Coimirce Sóisialaí, Heather Humphreys TD, inniu go dtiocfaidh athruithe ar an tástáil acmhainne leasa shóisialaigh a fhágfaidh go ndéanfar neamhaird ar íocaíochtaí cothabhála leanaí, i bhfeidhm ón 4 Meitheamh.

Foráiltear leis an Acht Leasa Shóisialaigh agus Dlí Shibhialta (Forálacha Ilghnéitheacha) 2024 d’athchóirithe suntasacha do thuismitheoirí aonair, go háirithe íocaíochtaí cothabhála leanaí a eisiamh ó thástálacha acmhainne leasa shóisialaigh den chéad uair.

Ciallaíonn an t-athrú ar an tástáil acmhainne go dtiocfaidh méadú ar a n-íocaíocht do go leor tuismitheoirí aonair a bhfuil rátaí laghdaithe íocaíochta acu agus d’fhéadfadh sé go mbeadh siad siúd nach bhfuil cáilithe ar chor ar bith go dtí seo in ann rochtain a fháil ar an íocaíocht seo anois.

Meastar go rachaidh an beart seo chun tairbhe do bhreis is 16,000 tuismitheoir aonair agus go gcosnóidh sé thart ar €10 milliún in aghaidh na bliana.

Ní gá do dhaoine aon ghníomh a dhéanamh chun leas a bhaint as an mbeart seo a d’fhéadfadh méadú ar a n-íocaíocht a fheiceáil. Tá an Roinn ag tabhairt faoi thionscadal suntasach chun na héilimh sin a aithint agus a athbhreithniú i gcás ina ndearnadh measúnú ar íocaíocht chothabhála cheana féin. Rachaidh an Roinn i dteagmháil leo siúd lena mbaineann sna seachtainí beaga amach romhainn chun iad a chur ar an eolas faoin athbhreithniú agus faoi aon athruithe ar a n-íocaíocht dá bharr. Ní gá do dhaoine teagmháil a dhéanamh leis an Roinn chun athbhreithniú ar éileamh a iarraidh mar go dtarlóidh sé seo go huathoibríoch.

Agus í ag labhairt inniu, dúirt an tAire Humphreys:

Nóta d’Eagarthóirí:

Athruithe Measúnaithe Acmhainne - Athbhreithnithe Íocaíochta

Ón tseachtain dar tús 4 Meitheamh 2024, ní dhéanfar aon chothabháil leanaí a fhaigheann duine a mheasúnú a thuilleadh sa tástáil acmhainne nó ioncaim le haghaidh aon íocaíochtaí leasa shóisialaigh. Ciallaíonn sé sin go bhféadfadh méadú teacht ar íocaíocht duine.

Ní gá do dhaoine aon ghníomh a dhéanamh.

Tá athbhreithniú á dhéanamh ag an Roinn ar íocaíochtaí agus déanfaidh sí athbhreithniú ar íocaíocht daoine i bhfianaise an athraithe sin más cuí.

Rachaidh an Roinn Coimirce Sóisialaí i dteagmháil le faighteoirí sna seachtainí amach romhainn chun toradh an athbhreithnithe agus aon athruithe dá thoradh sin ar a n-íocaíocht a chur in iúl dóibh.

Má fhaigheann duine íocaíocht chothabhála nach cothabháil leanaí í, leanfar de mheasúnú a dhéanamh air seo mar is gnách. Míneofar sa litir a fhaigheann daoine maidir le toradh an athbhreithnithe ar a n-éileamh go bhfuil dualgas orthu an Roinn a chur ar an eolas faoi aon íocaíochtaí den sórt sin.

Tuarascáil an Ghrúpa Athbhreithnithe Cothabhála Leanaí

Tá scor an mheasúnaithe ar íocaíochtaí cothabhála leanaí sna tástálacha acmhainne nó sna tástálacha ioncaim le haghaidh íocaíochtaí leasa shóisialaigh, deireadh a chur leis na forálacha gaoil faoi dhliteanas agus deireadh a chur leis an gceanglas atá ar fhaighteoirí Íocaíochta Teaghlaigh Aontuismitheora agus Íocaíochta Idirthréimhsí Cuardaitheora Poist iarrachtaí a dhéanamh cothabháil a lorg ó thuismitheoir eile a linbh, bunaithe ar mholtaí Thuarascáil an Ghrúpa Athbhreithnithe um Chothabháil Leanaí, ar ghlac an Rialtas leo maidir leis an gcóras leasa shóisialaigh.

Bhunaigh an Rialtas an Grúpa Athbhreithnithe chun scrúdú a dhéanamh ar raon saincheisteanna a bhaineann le cothabháil leanaí in Éirinn. Rinne iar-Bhreitheamh Cúirte Cuarda Catherine Murphy cathaoirleacht ar an ngrúpa, agus bhí gairmithe beartais, dlí agus acadúla mar chuid de.

Tá Tuarascáil an Ghrúpa Athbhreithnithe Cothabhála Leanaí ar fáil anseo