Fógraíonn an tAire Humphreys os cionn €1 billiún i bhfeabhsuithe nua ar chosaint shóisialta a thiocfaidh i bhfeidhm ón tseachtain seo chugainn
- Foilsithe: 31 Nollaig 2022
- An t-eolas is déanaí: 19 Eanáir 2023
- sraith spriocbhearta a thiocfaidh i bhfeidhm ón 1 Eanáir
- méadú €12 ar íocaíochtaí seachtainiúla – an méadú is mó le breis agus deich mbliana
- an leathnú is mó riamh ar an scéim Liúntais Breosla
- méadú €40 in aghaidh na seachtaine ar thairseacha na hÍocaíochta do Theaghlaigh i bhFostaíocht
- méadú €25 in aghaidh na seachtaine ar neamhaird tuillimh do dhaoine faoi mhíchumas
- méadú €20.50 ar ráta míosúil an Liúntais Cúraim Baile
D’fhógair an tAire Coimirce Sóisialaí, Heather Humphreys inniu, go dtiocfaidh os cionn €1 billiún i méaduithe Coimirce Sóisialaí i bhfeidhm ón tseachtain seo chugainn.
Soláthraíonn na feabhsuithe, a daingníodh mar chuid de Bhuiséad 2023, raon tacaíochtaí do phinsinéirí, cúramóirí, daoine faoi mhíchumas agus teaghlaigh ar ioncam íseal.
Ag labhairt i mBaile Átha Cliath inniu, thug an tAire breac-chuntas ar na hamlínte do na feabhsuithe, atá leagtha amach thíos.
I measc na bhfeabhsuithe atá ag teacht i bhfeidhm tá méaduithe uileghabhálacha in íocaíochtaí seachtainiúla a rachaidh chun sochair breis agus 1.5 milliún duine.
Sna hathruithe seo tá an leathnú is mó riamh ar an scéim Liúntais Breosla agus feabhsuithe suntasacha ar an Íocaíocht do Theaghlaigh i bhFostaíocht san áireamh.
I measc na mbeart a thiocfaidh i bhfeidhm i mí Eanáir tá:
- méadú 12 euro ar uasráta na mbuníocaíochtaí seachtainiúla ar fad – rud a théann chun sochair breis agus 1.5 milliún duine
- an leathnú is mó riamh ar an scéim Liúntais Breosla a cháileoidh thart ar 81,000 teaghlach breise don íocaíocht den chéad uair
- méadú €40 sa tseachtain ar thairseacha na nÍocaíochtaí do Theaghlaigh i bhFostaíocht do gach méid teaghlaigh
- méadú €25, ó €140 go €165, leis an neamhaird ioncaim (an t-ioncam ar a ndéantar neamhaird sa tástáil acmhainne) do dhaoine atá ag fáil Liúntas Míchumais nó Pinsean na nDall
- méadú €20.50 ar ráta míosúil an Liúntais Cúraim Baile ag tabhairt na híocaíochta go dtí €330 sa mhí. Tá an méadú seo ann chun tacú le daoine a bhfuil ról luachmhar acu i sochaí na hÉireann – tuismitheoirí nó caomhnóirí a thugann aire do leanbh faoi mhíchumas trom
- méadú €2 ar íocaíochtaí i leith leanaí faighteoirí leasa shóisialaigh, rud a thugann an íocaíocht go €42 sa tseachtain do leanaí faoi bhun 12 agus €50 sa tseachtain do leanaí atá 12 bhliain d’aois nó níos sine;
- teaghlaigh feirmeoireachta – dúbailt ar an méid ioncaim is féidir a fháil ó scéimeanna agra-chomhshaoil (e.g., Glas, ACRES) agus is féidir a chomhaireamh agus acmhainní á measúnú don scéim Cúnamh Feirme. Mar thoradh ar an mbeart sin, is féidir neamhaird a thabhairt ar €5,000
- méadú ar thuilleamh, rud a mheallann an ráta níos ísle ÁSPC Fostóra de réir an mhéadaithe ar an íosphá náisiúnta a thacaíonn le fostaíocht
Tá na bearta seo sa bhreis ar na hocht gcnapíocaíocht - a íocadh cheana i mí Dheireadh Fómhair, i mí na Samhna agus i mí na Nollag - a fuair an tAire Humphreys mar chuid de Bhuiséad 2023, chun cabhrú le teaghlaigh leis an gcostas maireachtála.
I measc na n-íocaíochtaí seo tá Íocaíocht Costas Maireachtála an Fhómhair, íocaíocht dhúbailte den Sochar Linbh, €400 breise d’fhaighteoirí an Liúntais Breosla, €200 breise d’fhaighteoirí an Liúntais Maireachtála Aonair, €500 breise d’fhaighteoirí na hÍocaíochta do Theaghlaigh i bhFostaíocht, Íocaíocht €500 do Chúramóirí agus Deontas Tacaíochta Míchumais €500.
Is é €1.2 billiún costas iomlán na n-íocaíochtaí cnapshuime seo.
Agus na bearta Coimirce Sóisialaí á bhfógairt aige, bhí an méid seo a leanas le rá ag an Aire Humphreys:
“Tá lúcháir orm a fhógairt go mbeidh breis is €1 billiún i bhfeabhsuithe Coimirce Sóisialaí le teacht i bhfeidhm amárach.
“Rachaidh na feabhsuithe seo chun tairbhe do na céadta mílte teaghlach ar fud na tíre, lena n-áirítear ár gcúramóirí, pinsinéirí, tuismitheoirí aonair agus daoine faoi mhíchumas.
“Tá áthas orm rátaí lárnacha ár n-íocaíochtaí seachtainiúla a ardú faoi €12 in aghaidh na seachtaine arís. Cuirfidh sé seo níos mó airgid ar ais i bpócaí daoine, go háirithe ag am nuair a bhraitheann daoine an brú a bhaineann leis an gCostas Maireachtála.
“Mar thoradh ar an méadú seo, tá os cionn 1.5 milliún duine le tuilleadh airgid a fháil isteach ina gcuntais an tseachtain seo. Is iad seo na méaduithe is mó ar íocaíochtaí seachtainiúla le breis is deich mbliana.
“Tá áthas orm go háirithe go bhfuil méadú mór ar an Scéim Liúntais Breosla faighte agam, a rachaidh chun tairbhe do suas le 81,000 teaghlach nua den chéad uair.
“Arís eile mhéadaigh mé na híocaíochtaí do Leanbh Cáilithe, bealach cruthaithe chun cabhrú le bochtaineacht a laghdú. Tá na tairseacha ioncaim don Íocaíocht do Theaghlaigh i bhFostaíocht méadaithe agam freisin, rud a chinnteoidh go dtabharfar níos mó teaghlach isteach sa scéim.
“Tá na bearta a rachaidh i bhfeidhm an tseachtain seo sa bhreis ar an tsraith Íocaíochtaí Cnapshuime a eisíodh le déanaí agus tá siad deartha chun níos mó airgid a chur ar ais i bpócaí daoine agus cabhrú le teaghlaigh ar fud na tíre leis an gcostas maireachtála.”
Nótaí
Liosta iomlán feabhsúcháin agus dátaí tosaithe thíos:
| Buiséad 2023 - Bearta dar tosach Eanáir 2023 | Ag tosú |
| Tá uasráta seachtainiúil na n-íocaíochtaí seachtainiúla ar fad ag méadú €12 in aghaidh na seachtaine le harduithe comhréireacha do dhaoine fásta cáilithe agus dóibh siúd ar rátaí laghdaithe íocaíochta | Le héifeacht ón gcéad seachtain i mí Eanáir. |
| Tá ráta seachtainiúil an mhéadaithe um leanbh cáilithe do leanaí de gach aois ag méadú faoi €2, ó €48 go €50 in aghaidh na seachtaine do leanaí 12 bhliain d'aois agus níos sine, agus ó €40 go €42 in aghaidh na seachtaine do leanaí faoi 12 bhliain d'aois | Le héifeacht ón gcéad seachtain i mí Eanáir. |
| Tá méadú €40 ar an tairseach ioncaim don Íocaíocht do Theaghlaigh i bhFostaíocht do gach teaghlach | Le héifeacht ón 5 Eanáir 2023 |
| Tá an íocaíocht bhreise de €22.50 ar Fhostaíocht Phobail, Tús agus Scéim Shóisialta Tuaithe ag méadú €5, agus tá an Tionscnamh Post ag méadú €10 | Le héifeacht ón 5 Eanáir 2023 |
| Tá ráta an Liúntais Cúraim Baile ag méadú go €330 in aghaidh na míosa | Le héifeacht ón 1 Eanáir 2023 |
| Tá an neamhaird d’ioncam a fuarthas ó scéimeanna agra-chomhshaoil do Chúnamh Feirme ag méadú ó €2,540 go €5,000 | Le héifeacht ón 1 Eanáir 2023 |
| Tá an neamhaird tuillimh don Liúntas Míchumais agus do Phinsean na nDall ag méadú ó €140 go €165 in aghaidh na seachtaine | Le héifeacht ón 4 Eanáir 2023 |
| Tá rochtain ar an scéim JobsPlus á leathnú | Le héifeacht ón 1 Eanáir 2023 |
| Tá Liúntas Cúraim Baile á sholáthar do thuismitheoirí babaithe a fhanann in ospidéal géarmhíochaine tar éis breithe ar feadh tréimhse 6 mhí | Le héifeacht ón 1 Eanáir 2023 |
| Tá an Liúntas Breosla á shíneadh chucu siúd atá os cionn 70 bliain d’aois agus faoi bhun na tairsí acmhainne seachtainiúla de €500 do dhuine singil agus €1,000 do lánúin (Tá rialacha tí fós i bhfeidhm) | Le héifeacht ón 2 Eanáir 2023 |
| Athruithe eile ar an Liúntas Breosla: | |
| Méadaigh tairseach acmhainne an Liúntais Breosla go €200 | Le héifeacht ón 2 Eanáir 2023 |
| Déan neamhaird de Shochar Míthreorach i dtástáil acmhainne an Liúntais Breosla | Le héifeacht ón 2 Eanáir 2023 |
| Déan neamhaird de Liúntas Cúramóra ar Leath-ráta i dtástáil acmhainne an Liúntais Breosla | Le héifeacht ón 2 Eanáir 2023 |