Fógra déanta ag an Aire Humphreys agus ag an Aire Rabbitte maidir le Maoiniú a sholáthar Amach Anseo do Thionscadail do Dhaoine faoi Mhíchumas

Inniu d’fhógair an tAire Coimirce Sóisialaí, Heather Humphreys TD, agus an tAire Stáit atá freagrach as Míchumas, Anne Rabbitte TD, go mbeidh socruithe á ndéanamh chun leanúint le seirbhísí fostaíochta a sholáthar do dhaoine óga atá faoi mhíchumas.

Cuireadh tús leis an gClár Cumais i Meitheamh 2018 agus ba é an aidhm a bhí leis an gclár deis níos fearr a thabhairt do dhaoine óga faoi mhíchumas a bheith páirteach sa mhargadh fostaíochta.

Tá maoiniú luach thart ar €16 milliún luaite leis an gClár seo thar thréimhse trí bliana.

Tá an maoiniú á sholáthar ar bhonn comhpháirteach faoi Chlár Oibríochtúil um Infhostaitheacht, Chuimsiú agus Fhoghlaim CSE 2014-2002 an Aontais Eorpaigh agus Státchiste na hÉireann.

Tá an Clár Cumais á chur ar fáil ag 27 grúpa pobail agus deonach ar fud na tíre.

De bhrí go bhfuil deireadh le teacht leis gClár trí bliana i mí Meithimh 2021, inniu d’fhógair an tAire Humphreys agus an tAire Rabbitte go bhfuil raon beart nua le cur i bhfeidhm d’fhonn a chinntiú go mbeidh tacaíocht maoinithe ar fáil do dhaoine faoi mhíchumas amach anseo. Fógrófar tuilleadh sonraí sna seachtainí beaga amach romhainn agus déanfaidh Pobal agus An Roinn Coimirce Sóisialaí teagmháil le Soláthraithe Chlár Cumais.

Níos túisce inniu, bhuail na hAirí le hionadaithe sholáthraithe Chlár Cumais chun eolas a roinnt leo maidir leis na roghanna a bheidh ann nuair a thagann deireadh leis an gClár ar an 30 Meitheamh 2021. Ar an tslí seo, cinnteofar nach mbeidh aon éiginnteacht ann amach anseo.

Bhí an méid seo a leanas le rá ag an Aire Humphreys:

Bhí an méid seo a leanas le rá ag an Aire Rabbitte:

CRÍOCH

Cuireadh tús leis na gClár Cumais i Meitheamh 2018 agus is clár réamhghníomhachtúcháin do dhaoine óga faoi mhíchumas atá ann. Tá maoiniú luach thart ar €16 milliún luaite leis an gClár seo thar thréimhse trí bliana, maoiniú atá á sholáthar i gcomhpháirt faoi Chlár Oibríochtúil um Infhostaitheacht, Chuimsiú agus Fhoghlaim CSE 2014-2002 an Aontais Eorpaigh agus Státchiste na hÉireann.

Is é an aidhm atá leis an gClár Cumais deis a chruthú do dhaoine faoi mhíchumas nach bhfuil réidh fós le tabhairt faoi phost a bheith páirteach sa mhargadh fostaíochta amach anseo. Tacóidh an Cláir le hionchais fostaíochta agus róil shóisialta lánbhrí do dhaoine óga faoi mhíchumas agus, daoine óga atá scartha ón margadh fostaíochta trí úsáid a bhaint as raon tacaíochtaí duinelárnacha. Tacóidh an Clár le breis is 2,600 duine óg atá faoi mhíchumas idir 15 – 29 bliain d’aois. Beidh an Clár á reáchtáil le haghaidh 3 bliana agus cuirfear críoch leis i Meitheamh 2021. Tá an Clár á chur ar fáil ag 27 grúpa pobail agus deonach ar fud na tíre. Tá conradh bronnta ag An Roinn Coimirce Sóisialaí ar Pobal chun an Clár a bhainistiú.

Cuspóirí an Chláir

• Deis a thabhairt do dhaoine óga faoi mhíchumas nach bhfuil réidh fós le tabhairt faoi phost a bheith páirteach sa mhargadh fostaíochta amach anseo trí úsáid a bhaint as raon tacaíochtaí duinelárnacha.
• Cabhrú le daoine óga faoi mhíchumas scileanna saoil a fhorbairt a theastaíonn uathu chun páirt a ghlacadh in oideachas, oiliúint agus fostaíocht.
• Cabhrú le daoine faoi mhíchumas ag príomhphointí aistrithe idir oideachas, oiliúint agus fostaíocht.
• Tacú le daoine óga faoi mhíchumas nach bhfuil páirteach in oideachas, fostaíocht nó oiliúint deis a bheith acu chun oideachas, oiliúint agus fostaíocht a rochtain.
• An acmhainn a fhorbairt chun seirbhísí fostaíochta, soláthraithe oideachais agus oiliúna a phríomhshruthú chun tacú le daoine óga faoi mhíchumas dul chun cinn a dhéanamh.
• Acmhainn fostóirí a fhorbairt chun daoine óga faoi mhíchumas a earcú agus a choimeád páirteach sa mhargadh fostaíochta.

Tá meastóireacht láidir ar sheirbhísí riachtanach chun eispéiris agus eolas a bhailiú le haghaidh clár a bheidh á reáchtáil amach anseo. Tá meastóireacht leanúnach ar an gClár Cumais á déanamh. I rith na meastóireachta scrúdófar éifeachtacht na gcur chuige agus na ngníomhartha difriúla atá in úsáid chun deis a thabhairt do dhaoine óga faoi mhíchumas, nach bhfuil réidh fós le glacadh le post, a bheith páirteach sa mhargadh fostaíochta amach anseo mar aon le scrúdú a dhéanamh ar na tionchair a bheidh ag a leithéid ar rannpháirtithe. Tá an mheastóireacht á déanamh i rith thréimhse an Chláir agus cuirfear críoch leis i Meitheamh 2021. Beidh an mheastóireacht seo mar bhonn le cláir a fhorbrófar sa réimse seo amach anseo.

Pobal

Is eagraíocht sheachbhrabúsach idirghabhálaí é Pobal a bhainistíonn cláir mhaoinithe éagsúla thar ceann Rialtas na hÉireann agus an Aontais Eorpaigh.

Eagraíochtaí Cumais bunaithe ar an gContae