Fógraíonn an tAire Calleary sonraí maidir le hÍocaíochtaí Bhónas na Nollag
- Foilsithe: 5 Nollaig 2025
- An t-eolas is déanaí: 5 Nollaig 2025
- Bónas na Nollag le híoc le 1.5 milliún daoine
- Íocaíochtaí do Phinsinéirí, Cúramóirí agus Daoine faoi Mhíchumas
- Íocaíochtaí luach €370 milliún eisithe ón lá inniu
D’fhógair an tAire Coimirce Sóisialaí, Dara Calleary TD, sonraí maidir le Bónas na Nollag, a íocfar le thart ar 1.5 milliún daoine an tseachtain seo lena n-áirítear Pinsinéirí, Cúramóirí agus Daoine faoi Mhíchumas.
Beidh íocaíochtaí ar luach €370 milliún á n-eisiúint ón lá inniu, agus gheobhaidh daoine a mBónas Nollag ar an lá céanna is a fhaigheann siad a bpríomhíocaíocht de ghnáth.
Bhí an méid seo a leanas le rá ag an Aire Calleary inniu:
“Tuigim go maith an brú atá ar theaghlaigh go háirithe roimh shaoire na Nollag. Is tacaíocht ríthábhachtach é Bónas na Nollag, go háirithe go sheanóirí. Sin an chúis go bhfuil áthas orm sonraí Íocaíochtaí Bhónas na Nollag a fhógairt inniu. Bainfidh breis is 1.5 milliún daoine tairbhe as na híocaíochtaí seo lena n-áirítear ár bpinsinéirí, daoine faoi mhíchumas, cúramóirí agus tuismitheoirí aonair.
Gheobhaidh daoine a n-íocaíocht bhónais ar an lá céanna is a fhaigheann siad a bpinsean seachtainiúil nó íocaíocht phríomhúil eile de ghnáth.
Mar is iondúil, mholfainn do dhaoine, más féidir, a gcuid siopadóireachta a dhéanamh i siopaí áitiúla roimh an Nollaig i mbliana. Trí shiopadóireacht a dhéanamh go háitiúil, tá tú ag tacú le do gheilleagar áitiúil, le do phobal áitiúil agus le do ghnóthaí beaga áitiúla.”
Nótaí:
Íoctar Bónas na Nollag le faighteoirí fadtéarmacha íocaíochtaí leasa shóisialaigh cosúil le pinsinéirí, cúramóirí, daoine faoi mhíchumas, tuismitheoirí aonair agus daoine atá dífhostaithe go fadtéarmach.
Tá an liosta iomlán d’íocaíochtaí cáilitheacha do Bhónas na Nollag le fáil ar ár suíomh gréasáin anseo.
Miondealú Contae Fhaighteoirí Bhónas na Nollag
|
Contae |
Faighteoirí measta bhónas na Nollag |
|
Ceatharlach |
19,600 |
|
An Cabhán |
22,900 |
|
An Clár |
36,400 |
|
Corcaigh |
159,100 |
|
Dún na nGall |
54,900 |
|
Baile Átha Cliath |
348,200 |
|
Gaillimh |
72,700 |
|
Ciarraí |
50,000 |
|
Cill Dara |
57,000 |
|
Cill Chainnigh |
28,900 |
|
Laois |
24,800 |
|
Liatroim |
11,800 |
|
Luimneach |
64,300 |
|
An Longfort |
14,900 |
|
Lú |
42,300 |
|
Maigh Eo |
45,100 |
|
An Mhí |
50,500 |
|
Muineachán |
18,600 |
|
Uíbh Fhailí |
25,400 |
|
Ros Comáin |
21,500 |
|
Sligeach |
22,500 |
|
Tiobraid Árann |
54,800 |
|
Port Láirge |
39,000 |
|
An Iarmhí |
29,100 |
|
Loch Garman |
52,900 |
|
Cill Mhantáin |
42,400 |
|
Daoine eile lena n-áirítear iad siúd atá ina gcónaí thar lear nó nach bhfuil an contae ina bhfuil siad ar eolas |
61,400 |
|
Iomlán |
1,471,000 |