Ráiteas ón Aire Dara Calleary maidir le Grúpa Nuvion ag dul faoi ghlacadóireacht

Dúirt an tAire Coimirce Sóisialaí, Dara Calleary TD, inniu go bhfuil tacaíochtaí ar fáil d’oibrithe agus do chonraitheoirí atá buailte ag Grúpa Nuvion, lena n-áirítear Parcel Connect, Nügo agus Fastway Couriers

Ag labhairt dó inniu, dúirt an tAire Calleary:

“Tar éis an fhógra ó Ghrúpa Nuvion, tá mé ag cuimhneamh ar na hoibrithe agus a dteaghlaigh atá ag dul i ngleic leis an éiginnteacht a eascraíonn as an nuacht dheacair seo.

“Bhí mo Roinn i dteagmháil cheana féin chun eolas a chur ar fáil maidir leis na tacaíochtaí atá ar fáil chun cabhrú le fostaithe Ghrúpa Nuvion agus le daoine eile a d’fhéadfadh a bheith buailte sna míonna amach romhainn.

“Áirítear orthu sin raon tacaíochtaí ioncaim, agus cúnamh chun bogadh chuig fostaíocht mhalartach, nó chun rochtain a fháil ar roghanna oideachais, oiliúna agus forbartha cuí.

“Tá an Sochar Pá-Choibhneasa nua do Chuardaitheoirí Poist, a thugamar isteach i mí an Mhárta, ar fáil d’fhostaithe a chailleann a bpost agus a chomhlíonann na coinníollacha incháilitheachta. Cuireann an scéim seo uasíocaíocht sheachtainiúil de €450 ar fáil a chabhróidh le daoine agus iad ag lorg fostaíocht nua.

“Is é an bealach is éasca agus is tapúla chun iarratas a dhéanamh ar íocaíocht cuardaitheora poist ná ar líne ag MyWelfare.ie, a sholáthraíonn rochtain shábháilte agus áisiúil ar líne ar sheirbhísí leasa shóisialaigh.”