Deontas Tuismitheora Faoi Mhéala
- Foilsithe: 10 Nollaig 2019
- An t-eolas is déanaí: 28 Iúil 2025
- Cad is Deontas Tuismitheora Faoi Mhéala
- Faisnéis do Chomhchónaitheoirí Cáilithe
- Conas cáiliú
- Rátaí
- Iarratas a dhéanamh
- Teagmháil
- Treoirlínte Oibríochtúla
Cad is Deontas Tuismitheora Faoi Mhéala
Is íocaíocht aonuaire é an Deontas Tuismitheora Faoi Mhéala, a íoctar le baintreacha, baintreacha fir, páirtnéirí sibhialta marthanacha nó comhchónaitheoirí cáilithe marthanacha a bhfuil leanaí cleithiúnacha acu.
Faisnéis do Chomhchónaitheoirí Cáilithe
Ó 21 Iúil 2025 i leith, tá Comhchónaitheoirí Cáilithe atá fós beo incháilithe don Deontas Tuismitheora Faoi Mhéala.
Measfar duine a bheith ina chomhchónaitheoir cáilithe chun críche na híocaíochta má bhí cónaí ar an lánúin chomhchónaithe le chéile mar lánúin i ndlúthchaidreamh agus tiomanta ar feadh tréimhse:
- dhá bhliain i gcás go bhfuil leanaí ón gcaidreamh nó
- cúig bliana i gcás nach bhfuil aon leanaí den chaidreamh.
Conas cáiliú
Baineann an deontas seo le baintreacha, baintreacha fir, páirtnéirí sibhialta marthanacha nó comhchónaitheoirí cáilithe marthanacha a bhfuil leanbh cleithiúnach amháin nó níos mó ina gcónaí leo ar dháta an bháis nó leanbh a rugadh laistigh de 10 mí ó dháta bhás a gcéile nó a bpáirtí nach maireann.
Chun críche an deontais, is leanbh é an "leanbh" atá suas le 18 mbliana d’aois, atá ina chónaí sa Stát de ghnáth agus atá ina chónaí leatsa.
Is leanbh cáilithe é leanbh idir 18 agus 22 bliain d’aois a chónaíonn sa Stát de ghnáth nuair a bhíonn sé/sí in oideachas lánaimseartha i scoil nó i gcoláiste aitheanta.
- Pinsean (Ranníocach) an Pháirtnéara faoi Mhéala
- Íocaíocht Teaghlaigh Aontuismitheora
- An Scéim um Shochar Báis (faoin Scéim um Dhíobhálacha Ceirde)
- Pinsean Stáit (Neamhranníocach)
- Pinsean Stáit (Ranníocach)
lena n-áirítear méadú maidir le leanbh cáilithe.
Ní bheidh comhchónaitheoirí cáilithe atá fós beo incháilithe don Deontas Tuismitheora Faoi Mhéala ach amháin má tharla bás a bpáirtí an 21 Iúil 2025 nó ina dhiaidh.
Rátaí
Is íocaíocht aonuaire de €8,000 é an deontas seo.
Déantar an Deontas Tuismitheora Faoi Mhéala a íoc trí íocaíocht dhíreach isteach i do chuntas reatha nó taisce (coigiltis) in institiúid airgeadais de do rogha féin.
Iarratas a dhéanamh
Ní gá duit foirm iarratais a chomhlánú má tá tú ag cur isteach ar Phinsean (Ranníocach) an Pháirtnéara faoi Mhéala.
Ní fhéadfaidh tú iarratas a dhéanamh ar an Deontas Tuismitheora Faoi Mhéala ach amháin tríd an bpost. Chun iarratas a dhéanamh, líon isteach an fhoirm thíos agus seol chuig:
Deontas Tuismitheora Faoi Mhéala,
An Roinn Coimirce Sóisialaí,
Bóthar an Choláiste, Sligeach, F91 T384
Bain úsáid as dúch dubh agus comhlánaigh na ceisteanna go léir ag úsáid BLOCLITREACHA.
Teagmháil
Rannóg Pinsin an Pháirtnéara faoi Mhéala
Bereaved Partner's Pension Section
- Seoladh:
- Bereaved Parent Grant, Department of Social Protection, College Road, Sligo, Co. Sligo, F91 T384.
- Ríomhphost:
- Teileafón:
-
071 9157100;
0818 200400
Treoirlínte Oibríochtúla
Déantar cur síos i dtreoirlínte oibríochtúla ar na próisis agus na nósanna imeachta faoina dtugann an fhoireann sa roinn nuair a bhíonn a gcuid oibre á déanamh acu.