Liúntas Banchéile Thréigthe

Is íocaíocht de réir tástála acmhainne é an Liúntas Banchéile Thréigthe a dhéantar le mná atá faoi 66 bliain d’aois nach bhfuil aon leanaí cleithiúnacha acu, ar thréig a bhfear céile iad agus nach bhfuil cáilithe le haghaidh Deserted Wife's Benefit.

Níltear ag glacadh le hiarratais nua ar an Liúntas Banchéile Thréigthe ón 2 Eanáir 1997 tráth ar bunaíodh One-Parent Family Payment.

Tá an Liúntas Banchéile Thréigthe fós á fháil ag roinnt ban mar gur cháiligh siad don íocaíocht roimh an 2 Eanáir 1997 agus go bhfuil na critéir cháilithe fós á gcomhlíonadh acu.

Is íocaíocht é an Liúntas Banchéile Thréigthe a dhéantar le bean ar thréig a fear céile í agus nach raibh cáilithe don Sochar Banchéile Thréigthe (mar nach raibh dóthain ranníocaíochtaí ÁSPC taifeadta ar a taifead árachais féin nó ar thaifead árachais a fhir chéile roimh dháta an tréigin).

Íoctar an Liúntas Banchéile Thréigthe go dtí go slánaítear 66 bliain d’aois. Ansin is féidir iarratas a dhéanamh ar Phinsean Stáit (Neamhranníocach).

Tá an Liúntas Banchéile Thréigthe cothrom le €244 sa tseachtain.

Ní féidir iarratas a dhéanamh ar an Liúntas Banchéile Thréigthe níos mó. Níltear ag glacadh le hiarratais nua ar an íocaíocht seo ó Eanáir 1997.

Má tá an Liúntas Banchéile Thréigthe á fháil agat, b’fhéidir go mbeifeá i dteideal sochar breise ón roinn lena n-áirítear an Liúntas Maireachtála Aonair agus Household Benefits Package nuair a bhíonn tú 66 bliain d’aois.

Ní mór duit i gcónaí a chur in iúl don roinn má thagann aon athrú ar d’imthosca fad is atá an Liúntas Banchéile Thréigthe á fháil agat.

Má thagann athrú ar do chuid acmhainní nó imthosca, b’fhéidir nach mbeadh tú cáilithe don íocaíocht níos mó nó d’fhéadfaí an íocaíocht a laghdú.

D’fhéadfadh go gciallódh sé seo go mbeadh ort ró-íocaíocht a aisíoc.

Má theastaíonn tuilleadh eolais uait faoin Liúntas Banchéile Thréigthe déan teagmháil le:

Déantar cur síos sna treoirlínte oibríochtúla ar na próisis agus nósanna imeachta a gcloíonn comhaltaí foirne sa roinn leo nuair a bhíonn siad i mbun a gcuid oibre.

• Treoirlínte Oibríochtúla: Liúntas Banchéile Thréigthe
• Treoirlínte Oibríochtúla: Saincheisteanna a bhaineann le hÍocaíocht ]