Liúntas Tacaíochta Teileafóin

Is éard atá sa Liúntas Tacaíochta Teileafóin ná íocaíocht sheachtainiúil le haghaidh daoine atá ina gcónaí ina n-aonar agus íocaíochtaí leasa shóisialaigh áirithe eile á bhfáil acu cheana. Cabhraíonn sé chun costas cumarsáide nó réitigh slándála tí a íoc.

Íoctar é ag ráta aonair €2.50 in aghaidh na seachtaine.

Íoctar an liúntas go huathoibríoch le daoine a bhfuil ceann de na híocaíochtaí cáilitheachta thíosluaite á fáil acu chomh maith leis an Liúntas Maireachtála Aonair agus an Liúntas Breosla.

Níl aon fhoirm iarratais i gceist.

• Pinsean Stáit (Ranníocach) agus Pinsean Stáit (Neamhranníocach)
• An Pinsean (Ranníocach) Páirtnéara faoi Mhéala
• Pinsean Easláine
• Liúntas Míchumais
• Pinsean na nDall
• Forlíonadh Éagumais
• Sochar Banchéile Thréigthe
• Pinsean Baintrí, Pinsean Baintrí Fir nó Pinsean Páirtí Sibhialta Marthanach (Ranníocach) faoin Scéim um Shochair Dhíobhálacha Ceirde

Is íocaíocht bhreise €2.50 in aghaidh na seachtaine é an Liúntas Tacaíochta Teileafóin, anuas ar do bhun-íocaíocht, do Liúntas Maireachtála Aonair agus do Liúntas Breosla.

Is ionann é agus €130 sa bhliain.

Má mheasann tú go bhfuil tú cáilithe chun an Liúntas Tacaíochta Teileafóin a fháil, ach nach bhfuil sé á fháil agat i ndiaidh 4 Meitheamh 2018, is féidir teagmháil a dhéanamh le ceann de na hoifigí seo a leanas ag brath ar cén íocaíocht atá á fáil agat.

An Longfort

Liúntas Míchumais / Pinsean Easláine / Pinsean Míchumais (Forlíonadh Éagumais) / Pinsean Baintrí, Pinsean Baintrí Fir nó Pinsean Páirtí Sibhialta Marthanach (Ranníocach) faoin Scéim um Shochair Dhíobhálacha Ceirde:

Teil: (043 ) 334 0000

Sligeach

Pinsean Stáit (Ranníocach/Neamhranníocach) /An Pinsean (Ranníocach) Páirtnéara faoi Mhéala/ Pinsean na nDall / Sochar Banchéile Thréigthe:

Teil: (071 ) 915 7100