Liúntas Tacaíochta Teileafóin

Is íocaíocht sheachtainiúil é an Liúntas Tacaíochta Teileafóin le haghaidh daoine atá ina gcónaí leo féin agus a bhfuil íocaíochtaí eile coimirce sóisialta faoi leith á bhfáil acu. Cuirtear cabhair ar fáil dá bharr maidir le costas a bhaineann le cumarsáid agus réitigh slándála tí.

Íoctar é ar ráta aonair €2.50 sa tseachtain.

Íoctar an liúntas go huathoibríoch le daoine a bhfuil ceann amháin do na híocaíochtaí incháilithe seo atá luaite thíos á fháil acu, chomh maith leis an Liúntas Maireachtála Aonair agus Liúntas Breosla araon.

Níl aon fhoirm iarratais ann dó sin.

• Pinsean Stáit (Ranníocach) agus
• Pinsean Stáit (Neamhranníocach)
• Pinsean (Ranníocach) an Pháirtnéara faoi Mhéala
• Pinsean Easláine
• Liúntas Míchumais
• Pinsean na nDall
• Forlíonadh Éagumais
• Sochar Banchéile Thréigthe
• Pinsean Baintrí, Baintrí Fir nó Páirtnéara Shibhialta Mharthanaigh (Ranníocach) faoin Scéim um Shochair Dhíobhálacha Ceirde

Cuirtear €2.50 sa bhreis ar fáil in aghaidh na seachtaine agus an Liúntas Tacaíochta Teileafóin á fháil agat, chomh maith le do phríomhíocaíocht, Liúntas Maireachtála Aonair agus Liúntas Breosla.

Is fiú €130 in aghaidh na bliana é.

Má chreideann tú go bhfuil teidlíocht agat ar an Liúntas Tacaíochta Teileafóin ach nach bhfuil sé á fháil agat tar éis 4 Meitheamh 2018, is féidir leat teagmháil a dhéanamh le ceann amháin de na hoifigí seo a leanas, ag brath ar an gcineál íocaíochta atá á fáil agat.

An Longfort

Liúntas Míchumais / Pinsean Easláine / Pinsean Míthreorach (Forlíonadh Éagumais) / Pinsean Ranníocach Páirtnéara faoi Mhéala faoin Scéim um Shochair Dhíobhálacha Ceirde:

Guthán: (043) 334 0000

Sligeach

Pinsean Stáit (Ranníocach/Neamhranníocach) / Pinsean Ranníocach Páirtnéara faoi Mhéala / Pinsean na nDall / Sochar Banchéile Thréigthe:

Guthán: (071) 915 7100