Scéim na mBéilí Scoile
- Foilsithe: 23 Iúil 2019
- An t-eolas is déanaí: 25 Samhain 2025
- Nuashonrú ar Sholáthar Béilí Scoile
- Cad í Scéim na mBéilí Scoile
- Conas cáiliú
- Rátaí Íocaíochta
- Déan iarratas
- Teagmháil
- Naisc Úsáideach
- Treoirlínte Oibríochtúla
- Freagraí ar do chuid ceisteanna
Leathnófar Scéim na mBéilí Te Scoile chuig gach bunscoil atá fágtha ar bhonn céimnithe ó mhí Aibreáin 2025
Nuashonrú ar Sholáthar Béilí Scoile
Faoi bhráid na bPríomhoidí agus na mBord Bainistíochta
Tá doiciméid tairisceana nua ar fáil anois ag Aonad Soláthair Scoileanna.
Is féidir leat féachaint ar an doiciméad Ceisteanna Coitianta (CCanna) d’Aonaid Soláthair Scoileanna anseo freisin le haghaidh aon cheist a d’fhéadfadh a bheith agat maidir le soláthar.
Maidir le socruithe chun Béilí Scoile a sholáthar, ní mór do Phríomhoidí i scoileanna an BOO teagmháil a dhéanamh le Rannóg Soláthair Phríomhoifigí an BOO maidir leis na socruithe don earnáil BOO.
Cad í Scéim na mBéilí Scoile
Cuirtear airgead ar fáil faoi Chlár na mBéilí Scoile chun seirbhísí bia a sholáthar do dhaltaí scoile trí dhá scéim:
- tá Scéim Uirbeach na mBéilí Scoile reachtúil do bhunscoileanna á reáchtáil ag údaráis áitiúla agus á maoiniú i bpáirt ag an Roinn Coimirce Sóisialaí
- cuireann Scéim na mBéilí Scoile (Tograí Áitiúla) maoiniú ar fáil go díreach ón Roinn Coimirce Sóisialaí do bhunscoileanna, do mheánscoileanna agus do ghrúpaí áitiúla agus d’eagraíochtaí deonacha a fheidhmíonn a dtionscadail béilí scoile féin
Conas cáiliú
Ní chlúdaíonn maoiniú na scéime seo ach bia, agus is gá dó a bheith de cháilíocht agus de luach cothaitheach oiriúnach, agus a bheith ullmhaithe agus ite i dtimpeallacht oiriúnach.
Is iad na grúpaí áitiúla agus na scoileanna aonair a fheidhmíonn na tionscadail a chinneann an cineál agus an raon béilí a chuirtear ar fáil, chomh maith leis an modh agus lóistíocht soláthair na mbéilí.
Rátaí Íocaíochta
Tá maoiniú faoi Scéim na mBéilí Scoile (Tograí Áitiúla) bunaithe ar ráta íocaíochta in aghaidh an bhéile, in aghaidh an linbh, in aghaidh an lae.
Is iad seo a leanas na rátaí íocaíochta reatha atá i bhfeidhm ón 1 Eanáir 2023:
| Béile | Uasráta Íocaíochta (in aghaidh an linbh in aghaidh an lae) | An líon íosta earraí bia | Samplaí de Bhia atá le Soláthar |
| Bricfeasta/Sneaiceanna | €0.75 | 2 earra | Riar amháin de ghránach nó d’arán caiscín nó slánghráinneach agus riar amháin de thorthaí nó bainne, iógart nó cáise. |
| Lón fuar nó i ndiaidh na scoile | €1.40 | 2 earra 1 earra substaintiúil móide 1 earra beag | Ceapaire nó rolla caiscín/lánghráin ina bhfuil 1 riar d’fheoil, éineoil, ubh nó cáis agus 1 riar de shailéad móide 1 riar de thorthaí |
| Lón fuar nó i ndiaidh na scoile | €1.70 | Lón móide deoch | Níor cheart ach uisce, bainne nó sú neamh-mhilsithe (150ml) a bheith ar fáil. Cuir teorainn le sú torthaí go dtí uair sa lá. Is iad uisce agus bainne na roghanna is fearr le haghaidh deochanna mar go bhfuil siad oiriúnach d’fhiacla |
| Dinnéar | €2.20 | Dinnéar | 1 riar feola, éanlaith clóis, uibhe nó cáise agus 1 riar de ghlasraí nó torthaí. |
| Dinnéar | €2.50 | Dinnéar le deoch | Níor cheart ach uisce, bainne nó sú neamh-mhilsithe (150ml) a bheith ar fáil. Cuir teorainn le sú torthaí go dtí uair sa lá. Is iad uisce agus bainne na roghanna is fearr le haghaidh deochanna mar go bhfuil siad oiriúnach d’fhiacla |
| Béile Te | €3.20 | Béile Te | De réir an doiciméid um chaighdeáin chothaitheacha |
Doiciméid spéise
Déan iarratas
Déantar maoiniú a leithdháileadh ar bhonn na scoilbhliana. Ní mór iarratas ar mhaoiniú a dhéanamh gach bliain. Ní mór iarratais a chur isteach roimh thús na scoilbhliana.
Ní mór iarratais ar mhaoiniú a dhéanamh trí úsáid a bhaint as foirm iarratais na Roinne Coimirce Sóisialaí do Scéim na mBéilí Scoile (Tograí Áitiúla).
Ní mór cóip ar leith de Chuid 2 (leathanaigh 3&4) den fhoirm a chomhlánú i leith gach club bia a fheidhmíonn tú. Mar shampla, má fheidhmíonn scoil club bricfeasta agus club lóin, ní mór 2 chóip ar leith de leathanach 3 a chur isteach leis an iarratas.
Ní mór do scoileanna a fuair maoiniú agus ar mian leo iarratas a dhéanamh don bhliain dár gcionn an fhoirm Ioncaim agus Caiteachais (SMLPS2) a chomhlánú freisin.
Teagmháil
School Meals Section
- Seoladh:
- School Meals SWA Section, Department of Social Protection, College Road, Co. Sligo, F91 T384
- Suíomh Gréasáin:
- Ríomhphost:
- Teileafón:
-
071 9138625
Naisc Úsáideach
Treoirlínte Oibríochtúla
Déanann treoirlínte oibríochtúla cur síos ar na próisis agus ar na nósanna imeachta a leanann baill foirne na Roinne agus iad i mbun a gcuid oibre.
Freagraí ar do chuid ceisteanna
Le haghaidh tuilleadh eolais, tabhair cuairt ar ár Scéim na mBéilí Scoile: Leathanach freagraí ar do chuid ceisteanna.