LLF - Forlíonadh Téimh

Is íocaíocht í Forlíonadh Téimh chun cabhrú leat leis na costais bhreise a bhaineann le do theach a théamh i gcás ina bhfuil riachtanais téimh bhreise agat mar gheall ar dhrochshláinte nó míchumas.

Is féidir leat iarratas a dhéanamh ar an bhforlíonadh thar ceann céile nó páirtí nó linbh chleithiúnaigh freisin.

Caithfidh costais bhreise téimh a bheith agat mar gheall ar do dhrochshláinte nó míchumas féin nó drochshláinte nó míchumas do chleithiúnaithe le bheith incháilithe le haghaidh Forlíonadh Téimh.

Beidh ar do liachleachtóir (Dochtúir Ginearálta/Comhairleoir) an fhoirm a chomhlánú

De ghnáth, ní bheidh tú incháilithe má bhaineann na nithe seo a leanas leatsa (an t-iarratasóir):

• tá rochtain agat ar acmhainní eile chun an costas a chlúdach
• tá tú i mbun obair lánaimseartha (30 uair an chloig nó níos mó in aghaidh na seachtaine)
• tá tú i mbun oideachas lánaimseartha
• tá tú páirteach i ndíospóid trádála nó ar stailc

Níl aon ‘ráta íocaíochta’ seasta ann don Fhorlíonadh Téimh.

Braithfidh an íocaíocht a gheobhaidh tú ar ioncam seachtainiúil do theaghlaigh, do choigiltis agus d’infheistíochtaí, do chostais teaghlaigh, costais an téimh bhreise a theastaíonn uait, agus do chumas na costais sin a íoc.

Chun iarratas a dhéanamh, bailigh foirm iarratais in aon Ionad Intreo nó Oifig Brainse agus líon isteach ansin í. Níl aon ghá le coinne a chur in áirithe.

An méid is gá duit a sholáthar chun gur féidir linn cabhrú leat le d’éileamhnasc

Chun cabhrú le d’éileamh a phróiseáil, ba cheart go mbeadh an méid seo a leanas agat:

• Uimhreacha Pearsanta Seirbhíse Poiblí (UPSPanna) duit féin, do do chéile, do pháirtí sibhialta nó do do chomhchónaitheoir agus do do leanaí
• cruthúnas aitheantais, mar shampla: Cárta Seirbhísí Poiblí (má tá ceann agat), pas, ceadúnas tiomána, cead oibre, cead cónaithe Éireannach
• cáipéisí le d’ioncam, costais agus cás airgeadais a thaispeáint, amhail duillíní pá agus ráitis bhainc
• cáipéisíocht tacaíochta, lena n-áirítear billí téimh a fuarthas le déanaí más ábhartha, i ndáil le costais téimh a thabhaíodh

Déanann treoirlínte oibríochtúla cur síos ar na próisis agus ar na nósanna imeachta a leanann baill foirne na roinne iad agus iad i mbun a gcuid oibre.

Treoirlínte Oibríochtúla: LLF - Forlíonadh Téimh