Comhairliúchán ar an Dréacht-Straitéis Náisiúnta Bithmheatáin

Cé go bhfuil an tionscal bithmheatáin in Éirinn ag luathchéim dá fhorbairt faoi láthair, tá acmhainneacht shuntasach aige go fóill. Tá acmhainneacht ag bithmheatán ionad gáis iontaise a ghlacadh ina lán earnálacha a bhfuil sé deacair iad a dhícharbónú agus imreoidh sé ról suntasach i gcur ar ár gcumas aistriú chuig geilleagar glan-nialasach, agus ról suntasach á imirt aige an tráth céanna in earnáil talmhaíochta na hÉireann a dhícharbónú.

Aithnítear sa Phlean Gníomhaithe ar son na hAeráide 2023 an deis chun tionscal mór dúchasach bithmheatáin a fhorbairt, ar plean é ina ngealltar tacú le suas le 5.7 TWh de bhithmheatán a tháirgtear go dúchasach a sholáthar faoin mbliain 2030.

Ceann amháin de na príomhchéimeanna tosaigh i dtreo an sprioc uaillmhianach sin a chomhlíonadh is ea Straitéis Náisiúnta Bithmheatáin a fhorbairt, rud ar fhorbair an Roinn Talmhaíochta, Bia agus Mara é i gcomhar leis an Roinn Comhshaoil, Aeráide agus Cumarsáide.

Bunaíodh grúpa oibre tiomnaithe um Dhíleá Anaeróbach/Bithmheatán faoi choimirce an Tascfhórsa um Theas agus an Timpeallacht Thógtha chun formhaoirseacht a dhéanamh ar fhorbairt na Straitéise Náisiúnta Bithmheatáin agus ar na cineálacha tacaíochtaí agus beart beartais is gá chun an tionscal a mhúscailt.

Tar éis caidreamh a dhéanamh le príomh-gheallsealbhóirí agus le saineolaithe tionscail, forbraíodh Dréacht-Straitéis Náisiúnta Bithmheatáin. Tá tuairimí á lorg againn anois ó pháirtithe leasmhara maidir leis na príomhghníomhartha atá le déanamh, agus maidir leis an treochlár atá beartaithe, chun tionscal mór bithmheatáin a fhorbairt in Éirinn.

Táimid tiomanta do dhul i dteagmháil le geallsealbhóirí ar bhealach soiléir, oscailte agus trédhearcach. Ní dhearnadh aon chinntí deiridh go fóill maidir leis an Dréacht-Straitéis ná maidir leis an dóigh a gcuirfear chun feidhme í. Úsáidfear an t-aiseolas a gheofar mar chuid den phróiseas comhairliúcháin seo chun bonn eolais a chur go díreach faoin leagan deiridh den Straitéis.

Tá an leagan Gaeilge den Dréacht-Straitéis ar fáil, ach é a iarraidh.

D’fhorbraíomar suirbhé ar líne chun aiseolas a ghabháil, agus chuirfimis fáilte ar leith roimh thuairimí ó sholáthraithe teasa nó ó aon duine a bhfuil spéis aige/aici i dtionscal breosla in-athnuaite na hÉireann.

Is é an dáta deiridh ar a nglacfar le haighneachtaí ná 5.30pm an 5 Márta 2024.

Dá mba mhaith leat an suirbhé comhairliúcháin a chomhlánú i bhformáid chruachóipe, nó trí Ghaeilge, déan teagmháil linn trí ríomhphost a sheoladh chuig

NationalBiomethaneStrategyConsultation@decc.gov.ie nó le casadh an phoist ag:

An Rannán Beartais Teasa

An Roinn Comhshaoil, Aeráide agus Cumarsáide

29 – 31 Bóthar Adelaide,

Baile Átha Cliath,

D02 X285

Táimid tiomanta do dhul i dteagmháil le gach geallsealbhóir ar bhealach soiléir, oscailte agus trédhearcach. Féadfaidh aon duine nó eagraíocht aighneacht a dhéanamh i ndáil leis an gcomhairliúchán seo. Breithneoimid na haighneachtaí uile agus an t-aiseolas ar fad sula bhfoilseoimid an leagan deiridh den Chreat Náisiúnta Oiriúnaithe.

Beidh do fhreagra ar an gcomhairliúchán seo faoi réir na nithe seo a leanas:

• an tAcht um Shaoráil Faisnéise, 2014
• na Rialacháin um Rochtain ar Fhaisnéis maidir leis an gComhshaol, 2007 go 2018
• an tAcht um Chosaint Sonraí, 2018

Freagraí a fhoilsiú

Tá sé de rún againn a bhfuil sna haighneachtaí uile a gheofar mar fhreagra ar ár gcomhairliúcháin a fhoilsiú ar ár suíomh gréasáin. Cuirfimid sonraí pearsanta i bhfolach (bainfimid iad) roimh fhoilsiú.

Leag béim ar aon fhaisnéis atá íogair

Agus freagra á thabhairt agat ar an gcomhairliúchán seo, leag béim go soiléir ar na háiteanna ina gcuimsítear i do fhreagra aon fhaisnéis nár mhaith leat go n-eiseofaí í faoi Shaoráil Faisnéise nó faoi Rochtain ar Fhaisnéis maidir leis an gComhshaol ná go bhfoilseofaí í ar shlí eile. Is féidir na nithe seo a leanas a bheith i gceist leis sin:

• faisnéis phearsanta
• faisnéis atá íogair ó thaobh na tráchtála de
• faisnéis rúnda

Léigh ár bhFógra Príobháideachta Sonraí

Ba mhaith linn d’aird a tharraingt ar ár bhFógra Príobháideachta Sonraí, rud ina mínítear na nithe seo a leanas:

• conas agus cén uair a bhailímid sonraí pearsanta
• cén fáth a mbailímid iad
• conas a chaithimid leis an bhfaisnéis sin
• na cearta atá agat i ndáil le bailiú faisnéise pearsanta
• conas a fhéadfaidh tú na cearta sin a fheidhmiú