Fógraíonn an tAire Stáit Jack Chambers fadú chonradh Eircode

• Fadaíodh an conradh le Capita Business Support Services Ireland go ceann trí bliana eile

An tAire Stáit Jack Chambers, a bhfuil freagracht speisialta air as Éirchóid sa Roinn Comhshaoil, Aeráide agus Cumarsáide, d’fhógair sé inniu gur fadaíodh an conradh le haghaidh Sealbhóir Ceadúnais Bainistíochta Postchód idir an Roinn agus Capita Business Support Services Ireland go ceann trí bliana eile.

Ag trádáil dó mar Eircode, dámhadh an conradh le haghaidh an Córas Náisiúnta Postchód a fhorbairt, a chur i bhfeidhm agus a oibriú do Capita Business Support Services Ireland i mí Dheireadh Fómhair 2013. Ceann de na príomhchúiseanna ar tugadh Éirchóid isteach ba ea déileáil leis na dúshláin a bhaineann le seoltaí neamhuathúla in Éirinn. Áirítear leo sin na deacrachtaí a dtagann na seirbhísí éigeandála orthu agus iad ag iarraidh seoltaí a aimsiú toisc go gcomhroinneann 35% de na réadmhaoine uile sa stát seoladh le réadmhaoine eile. Is é sin an figiúr is airde san Eagraíocht um Chomhar agus Forbairt Eacnamaíochta (ECFE) agus tá tionchar diúltach ar leith aige ar dhaoine agus gnólachtaí i gceantar tuaithe na hÉireann a dteastaíonn rochtain níos fearr ar earraí agus ar sheirbhísí uathu.

Ó thabhairt isteach na nÉirchód i leith, rinneadh dul chun cinn suntasach maidir le hÉirchóid a chur chun feidhme ar fud na hearnála poiblí agus na hearnála príobháidí agus i measc an phobail.

Ón seoladh i mí Iúil 2015 i leith:

• Rinneadh 154.6 milliún cuardach ar an Aimsitheoir ón seoladh i leith
• Rinneadh 2.1 milliún cuardach ar an meán in aghaidh na míosa agus 25.3 milliún cuardach san iomlán sa bhliain 2022
• Rinneadh 2.5 milliún cuardach ar an meán in aghaidh na míosa agus 30.5 milliún cuardach san iomlán sa bhliain 2021
• Sannadh Éirchód do 32,190 seoladh sa bhliain 2021
• Sannadh Éirchód do 38,851 seoladh sa bhliain 2022
• Fuair 229.8k seoladh Éirchód ó sheoladh an tionscadail i leith

Faoi dheireadh mhí Lúnasa 2023, bhí 2,387 gcinn d’eagraíochtaí gnó agus de Ghníomhaireachtaí Stáit ag ceadúnú Éirchóid laistigh dá gcórais ghnó agus dá n-oibríochtaí gnó thar raon leathan earnálacha. Áirítear leo sin an earnáil lóistíochta agus seachadtaí, an earnáil fóntas, an earnáil óstán, an earnáil teileachumarsáide miondíola, an earnáil árachais, an earnáil airgeadais agus an earnáil loingseoireachta satailíte. Rinne na sé sholáthraí loingseoireachta satailíte is mó ar domhan Éirchóid a chomhtháthú isteach ina gcuid táirgí – i.e., Google Maps, Microsoft (Bing/Nokia Maps), TomTom, HERE Navigation, Garmin agus Apple. Dá bharr sin, cuirtear ar chumas daoine den phobal agus gnólachtaí treoracha a fháil agus seoltaí a aimsiú go cruinn, go háirithe i gceantair thuaithe.

Is díol suntais é gurb amhlaidh, tamaillín tar éis an tionscadal Éirchód a sheoladh, a chomhtháthaigh an tSeirbhís Náisiúnta Otharcharranna Éirchóid isteach ina córas seachadta ríomhchuidithe agus tugann sí spreagadh gníomhach do dhaoine a bhfuil otharcharr éigeandála á lorg acu a nÉirchód a bheith ar láimh acu chun é a thabhairt do fhreagraí an ghlao.

Ag labhairt dó faoin bhforbairt an-dearfach seo, dúirt an tAire Chambers:

Dúirt Gillian Chamberlain, Stiúrthóir Bainistíochta Capita Ireland:

Ba chonradh deich mbliana é an conradh a dámhadh do Capita Business Services sa bhliain 2013 agus bhíothas in ann é a fhadú go ceann cúig bliana eile – de réir rogha an Aire Comhshaoil, Aeráide agus Cumarsáide.

CRÍOCH