Rialacháin sínithe do Scéim Tuairisceáin Taiscí do bhuidéil phlaisteacha agus do channaí alúmanaim

Tá an tAire Comhshaoil, Aeráide agus Cumarsáide, Eamon Ryan TD, tar éis na rialacháin reachtacha a shíniú maidir le Scéim Tuairisceáin Taiscí in Éirinn do bhuidéil phlaisteacha agus cannaí alúmanaim, a thiocfaidh i bhfeidhm an bhliain seo chugainn.

Soláthraíonn na Rialacháin um Bailiú ar Leith (Scéim Aischuir Taiscí), Ionstraim Reachtúil Uimh. 599, an creat inar féidir leis an Aire oibritheoir scéime a cheadú. Leagtar amach sna rialacháin freisin na hoibleagáidí a bheidh ar tháirgeoirí, ar mhiondíoltóirí agus ar oibreoirí pointí fillte faoin scéim.

Cuideoidh tabhairt isteach scéim DRS le plaistigh aonúsáide a laghdú, cabhrófar le hÉirinn spriocanna an AE a bhaint amach agus geilleagar ciorclach níos leithne a chur chun cinn.

Is éard is DRS ann ná córas a úsáidtear chun tomhaltóirí a dhreasú chun a gcoimeádáin dí fholmha lena n-athchúrsáil nó lena n-athúsáid a thabhairt ar ais. Tá an DRS atá á chuir i bhfeidhim in Éirinn dírithe ar bhuidéil phlaisteacha agus cannaí alúmanaim, lena chinntiú go ndéantar níos mó díobh sin a ghabháil le haghaidh athchúrsála agus chun nach gcaitear ar leataobh iad mar bhruscar.

agus na rialacháin á ndréachtú, d’oibrigh an Roinn Comhshaoil, Aeráide agus Cumarsáide go dlúth le hionadaithe ón tionscal dí a mhaoineoidh agus a fheidhmeoidh an scéim. Bhí tiomantas chun DRS a bhunú mar chuid de Chlár an Rialtais agus leagadh amach an amlíne chun é a bhunú sa Phlean Gníomhaíochta Dramhaíola do Gheilleagar Ciorclach, a foilsíodh i mí Mheán Fómhair 2020.

Is é an chéad chéim eile ná comhlacht ceadaithe a cheapadh, ag an Aire, chun an scéim a oibriú. Tá gá le tuilleadh rannpháirtíochta le páirtithe leasmhara freisin, chun ráta na taisce a bheidh le híoc ar bhuidéil agus ar channaí laistigh de raon feidhme a shocrú.

Táthar ag súil go mbeidh an scéim ag feidhmiú ar fud na tíre i Ráithe 3 de 2022.

CRÍOCH

Le bliain anuas, tá comhairliúcháin phoiblí déanta ag an Roinn Comhshaoil, Aeráide agus Cumarsáide maidir le DRS, agus fuarthas freagraí fabhracha.

Is é is aidhm don DRS anseo in Éirinn go príomha méadú a dhéanamh ar an ráta gabhála aon úsáide amháin, Teireataláit Phoileitléine (PET) agus coimeádáin dí alúmanaim.

Tá sé i gceist leis na Rialacháin a shínigh an tAire, go háirithe, go mbainfear amach na spriocanna bailithe ar leithligh do bhuidéil phlaisteacha atá i dTreoir (AE) 2019/904 de chuid Pharlaimint na hEorpa agus ón gComhairle den 5 Meitheamh 2019 i dtaca leis an tionchar atá ag táirgí plaisteacha áirithe ar an gcomhshaol a laghdú agus maidir leis na spriocanna athchúrsála le haghaidh alúmanaim a bunaíodh le Treoir (AE) 2018/852 de Pharlaimint na hEorpa agus ón gComhairle lena leasaítear Treoir 94/62/CE maidir le pacáistiú agus dramhaíl ó phacáistíocht, d’fhonn aisghabháil agus athchúrsáil dramhaíola pacáistíochta a chur chun cinn.