Ard-Rúnaí Jacqui McCrum

Ceapadh Jacqui McCrum ina Ard-Rúnaí ar an Roinn Cosanta i mí Lúnasa 2020. Is í an chéad bhean a ceapadh ina hArd-Rúnaí ar an Roinn. Sa ról atá aici, gníomhaíonn sí mar phríomhchomhairleoir beartais don Aire Cosanta agus mar Oifigeach Cuntasaíochta don chaiteachas Cosanta uile. Tá sí ina chomhalta de Bhord Comhairleach na hOifige Náisiúnta um Sheirbhísí Comhroinnte.

Roimh a ceapachán, bhí McCrum ina Leas-Rúnaí sa Roinn Gnóthaí Fostaíochta agus Coimirce Sóisialaí, ina hArd-Stiúrthóir agus ina hOifigeach Cuntasaíochta in Oifig an Ombudsman, in Oifigí an Choimisinéara Faisnéise agus an Choimisinéara um Fhaisnéis Chomhshaoil, sa Choimisiún um Chaighdeáin in Oifigí Poiblí, sa Choimisiún Reifrinn agus sa Choimisiún um Cheapacháin Seirbhíse Poiblí. Bhí sí ina Leas-Ombudsman um Sheirbhísí Airgeadais chomh maith. Chaith sí formhór a gairme i seirbhísí airgeadais i Londain agus i mBaile Átha Cliath. Tá cónaí uirthi i dTuaisceart Chontae Bhaile Átha Cliath, tá sí pósta le Maurice agus beirt pháistí aici, Cameron agus Freya.

Tá Dioplóma ó Institiúid na Stiúrthóirí i mBainistíocht Cuideachtaí ag McCrum; Dioplóma Gairmiúil ó UCD/IPA i gCearta an Duine agus sa Chomhionannas; Teastas ó Dhlí-Chumann na hÉireann sa Dlí agus i gCleachtas Pinsean; is Idirghabhálaí deimhnithe í (Fondúireacht Idirghabhála na hÉireann); Teastas Iarchéime i nGnó Inbhuanaithe ó Ollscoil Cambridge agus Dioplóma i Staidéir Montessori ó Ionad Montessori Londain.