Próiseas Comhairliúcháin do Ráiteas Straitéise 2025-2028

Tá an Roinn Cultúir, Cumarsáide agus Spóirt ag ullmhú a dréacht-Ráiteas Straitéise don tréimhse trí bliana idir 2025 agus 2028 faoi láthair.

Comhthéacs

Sa Ráiteas Straitéise leagtar amach spriocanna agus cuspóirí na Roinne atá ríthábhachtach chun an misean seo a sheachadadh don tréimhse atá le teacht, mar aon leis na straitéisí chun iad a bhaint amach. Tá ár Ráiteas Straitéise do 2024-2025 ar fáil anseo. Tá Ráiteas Straitéise 2024-25 d’fhoirmíocht na Roinne roimhe seo ar fáil anseo, agus tá Ráiteas Straitéise 2024-25 don Roinn Comhshaoil, Aeráide agus Cumarsáide inar ionchorpraíodh an fheidhm Cumarsáide faoi Sprioc Straitéiseach #4 ar fáil anseo.

Aighneachtaí

Mar chuid den phróiseas seo táimid ag dul i gcomhairle le páirtithe leasmhara agus ag lorg tuairimí maidir le ceisteanna straitéiseacha atá le breithniú agus an Ráiteas Straitéise á ullmhú. Chun go bhféadfar breithniú iomlán a dhéanamh ar na hionchuir a fhaightear, seol d’aighneacht le do thoil i ríomhphost chuig strategy@ccs.gov.ie roimh 5pm, an 9 Lúil 2025.

Saoráil Faisnéise

Tabhair faoi deara go bhfuil freagraí ar an chomhairliúchán seo faoi réir fhorálacha an Achta um Shaoráil Faisnéise 2014. Ba cheart do pháirtithe aon fhaisnéis atá rúnda nó íogair ó thaobh tráchtála a léiriú go soiléir ina n-aighneachtaí. Mar sin féin, ba cheart do pháirtithe tabhairt faoi deara go bhfuil na freagraí go léir ar an chomhairliúchán faoi réir na nAchtanna SF ina n-iomlán agus go bhféadfadh go bhfoilseofar iad ar shuíomh gréasáin na Roinne Cultúir, Cumarsáide agus Spóirt. Déanfaidh an Roinn aon eolas pearsanta a bhaint amach sula bhfoilseofar an freagra.