Plean Oiriúnaithe Earnála do Líonraí Cumarsáide

Sainaithníodh na Líonraí Cumarsáide sa Chreat Náisiúnta um Oiriúnú 2024 mar cheann de na hearnálacha nach mór plean oiriúnaithe earnála a ullmhú di. Ar an ábhar sin, ullmhaíodh SAP na Líonraí Cumarsáide de réir riachtanas Chuid 6 de na hAchtanna um Athrú Aeráide agus Forbairt Ísealcharbóin (2015 agus 2021).

Cruthaíonn SAP na Líonraí Cumarsáide creat chun tacú le hearnáil na cumarsáide agus í a threorú agus monatóireacht a dhéanamh uirthi chun fís a bhaint amach go ndéanfaí oiriúnú ar líonraí cumarsáide na hÉireann a chinnteoidh gur féidir leo leanúint de thacaíocht a thabhairt do shochaí agus geilleagar bríomhar in éadan an athraithe aeráide. Tá na spriocanna seo a leanas ag an SAP:

• Is í an chéad sprioc ná feabhas a chur ar thuiscint agus ar fheasacht na hearnála ar na tionchair a bhíonn ag an athrú aeráide ar líonraí cumarsáide, agus comhoibriú níos fearr a chur chun cinn idir geallsealbhóirí, lena n-áirítear príomhghrúpaí trasearnála, e.g. earnáil an líonra leictreachais.
• Is í an dara sprioc ná sainaithint rioscaí agus acmhainneachtaí tosaíochta na hearnála a láidriú trí thabhairt faoi níos mó fiosrúchán. Sainaithnítear sa phlean cá bhfuil bearnaí sonraí faoi láthair i dtéarmaí sonraí réamh-mheastacháin aeráide íos-scálaithe ábhartha nó i dtéarmaí tacair sonraithe gheospásúla mhionsonraithe lena dtugtar tuairisc ar bhonneagar líonra. Tá gá leis an bpéire chun measúnaithe riosca mionsonraithe a dhéanamh.
• Is í an tríú sprioc ná forbairt acmhainneachtaí oiriúnaithe na hearnála a spreagadh, e.g. trí T&F ábhartha don earnáil a bhaineann le seasmhacht a chur chun cinn.
• Is í an ceathrú sprioc ná an earnáil a ullmhú, a chuid úsáideoirí san áireamh, d’aon damáiste líonra agus briseadh seirbhísí bainteach le guaiseanna aeráide a d’fhéadfadh tarlú.

Agus SAP na Líonraí Cumarsáide á ullmhú, cuireadh tuarascáil theicniúil faoi na rioscaí a d’fhéadfadh a bheith ag baint le Teas Uafásach i dtaobh trealamh teileachumarsáide áirithe a chur i dtoll a chéile:

Foilseofar tuarascálacha teicniúla eile a bheidh á gcur i dtoll a chéile le linn shaolré an SAP seo ar an leathanach seo chomh maith