An tAire O’Donovan le bheith i láthair ag Cuimhneachán Idirnáisiúnta an Ghorta Mhóir 2026
- Foilsithe: 8 Bealtaine 2026
- An t-eolas is déanaí: 8 Bealtaine 2026
Dé Domhnaigh, an 10 Bealtaine, beidh an tAire Cultúir, Cumarsáide agus Spóirt, Patrick O’Donovan TD, i gceannas ar Chuimhneachán Idirnáisiúnta an Ghorta Mhóir 2026 in Cohasset, Massachusetts.
Reáchtáiltear Cuimhneachán Idirnáisiúnta an Ghorta Mhóir chun urraim a thabhairt d’íospartaigh an Ghorta Mhóir, agus chun aitheantas a thabhairt dá thionchar mór ar fud an domhain. Eagraítear searmanas 2026 i gcomhar le hArd-Chonsalacht na hÉireann i mBostún, leis an bpobal áitiúil Gael-Mheiriceánach agus leis an Roinn Gnóthaí Eachtracha agus Trádála.
Beidh spreagaitheasc ón Aire, taispeántais ó ealaíontóirí Éireannacha agus áitiúla, agus searmanas leagtha bláthfhleisce mar chuid den searmanas Stáit foirmiúil.
Ag labhairt dó faoin imeacht, dúirt an tAire Patrick O’Donovan, a thabharfaidh an spreagaitheasc:
"Is beag réigiún is féidir áit chomh suntasach sin i stair dhiaspóra na hÉireann a mhaíomh ná Massachusetts. Leis an nGorta Mór, díbríodh na mílte duine óna bpobail, óna dtalamh agus ón aon saol amháin a raibh aithne acu riamh air. Níl in Massachusetts ach ceann amháin de na pobail ar fud na Stát Aontaithe inar tháinig siad ar thearmann, ar chúnamh agus ar dheis. Inniu, gabhaimid buíochas nuair a fheicimid na hoidhreachtaí a cruthaíodh ar fud an stáit iontaigh seo."
"Tá sé thar a bheith feiliúnach freisin go dtarlaíonn an cuimhneachán seo anseo in Cohasset. Ní hamháin gur baile é ina bhfuil traidisiún domhain lonnaíochta Éireannaí, ach rinneadh fianaise ann freisin ar cheann de na tragóidí móra d’imirce an Ghorta Mhóir. Anseo in 1849, chuaigh an long Brig St. John go tóin poill le linn stoirme agus í ar amharc an chladaigh. D’ainneoin iarrachtaí cróga mhuintir na háite, cailleadh beagnach gach duine ar bord don fharraige. Is meabhrú é sin dúinn ar an riosca ollmhór a ghlac na fir, na mná agus na leanaí sin agus iad ag gealladh a saol agus a dtodhchaí do thrasnú an Atlantaigh, agus ar iarrachtaí calma an phobail anseo agus iad ag iarraidh a mhéid acu is féidir a shábháil.”
Since its establishment in 2008, the International Famine Commemoration has been hosted in cities around the world with strong Irish connections, including New York, Sydney, Liverpool and Toronto.
Nóta d’Eagarthóirí:
Cuireadh tús le Cuimhneachán Idirnáisiúnta an Ghorta Mhóir in 2008 agus reáchtáladh é ó shin i gcathracha ar nós Nua-Eabhrac, Sydney, Learphoill agus Toronto.
Is é searmanas 2026 an 14ú ceann de Chuimhneacháin Idirnáisiúnta an Ghorta Mhóir.
Beidh Cuimhneachán Náisiúnta an Ghorta Mhóir 2026 ar siúl an tseachtain dár gcionn i bPort Omna, Co. na Gaillimhe Dé Domhnaigh, an 17 Bealtaine 2026.