Beagnach €400k ceadaithe do réimse tograí pobail i nGaeltacht Dhún na nGall
- Foilsithe: 7 Nollaig 2023
- An t-eolas is déanaí: 30 Eanáir 2024
Tá fógartha ag Aire Stáit na Gaeltachta, Patrick O’Donovan T.D., inniu an 7 Nollaig go bhfuil deontais ceadaithe aige do 4 choiste i nDún na nGall chun tograí pobail agus seirbhísí luathbhlianta a fhorbairt.
In LPT Gaoth Dobhair, Rann na Feirste, Anagaire & Loch an Iúir, tá deontas suas le €47,320 ceadaithe do Choiste Forbartha Chnoc Fola chun obair athchóirithe a dhéanamh ar an ionad pobail. Anuas air sin, tá suas le €262,828 ceadaithe do Choiste Bainistíochta Scoil Bhríde chun foirgneamh a thógáil a bheas in úsáid mar naíonra.
In LPT an Ghaeltacht Láir, tá deontas suas le €10,941 ceadaithe do Choiste Forbartha Éadan Fhionn Fhraoich chun obair athchóirithe a dhéanamh ar an halla pobail agus tá suas le €81,328 ceadaithe do Cúram Leanaí an Chlocháin chun comhairleoirí a cheapadh ar mhaithe le pleananna a ullmhú d’fhorbairt ionad chúram leanaí agus naíonra.
Agus é ag labhairt faoi na tograí seo inniu, dúirt Aire Stáit O’Donovan:
“Is samplaí maithe iad na tograí seo den réimse chúnamh caipitil atá ar fáil faoi Chlár Tacaíochta Pobail agus Teanga mo Roinne do ghrúpaí agus eagraíochtaí Gaeltachta. Is idir obair athchóirithe, tógáil foirgnimh nua agus táillí gairmiúla atá mar ábhar na ndeontas seo agus beidh áiseanna don phobal i gcoitinne agus áiseanna sa bhreis don luathbhlianta mar thoradh ar na deontais. Is cúis áthais dom a bheith ábalta tacaíocht a thabhairt do na coistí seo i nGaeltacht Dhún na nGall.”
Nótaí don Eagarthóir
Tá an maoiniú seo ceadaithe faoi Chlár Tacaíochtaí Pobail agus Teanga. Tá níos mó eolais fán chlár sin ar fáil ag gov.ie - An Clár Tacaíochtaí Pobail agus Teanga (www.gov.ie)