Fógraíonn an tAire Martin maoiniú do Mhionfhéilte Áitiúla agus do Mhionscoileanna Samhraidh
- Foilsithe: 21 Meitheamh 2021
- An t-eolas is déanaí: 11 Aibreán 2025
D’fhógair an tAire Turasóireachta, Cultúir, Ealaíon, Gaeltachta, Spóirt agus Meán, Catherine Martin T.D. leithdháileadh maoinithe €96,391 inniu do 28 imeacht chun tacú le Mionfhéilte Áitiúla agus Mionscoileanna Samhraidh a reáchtálfar ar fud na hÉireann in 2021.
Dearadh an scéim chun cabhrú le himeachtaí cultúrtha áitiúla nach mbeadh incháilithe faoi chritéir mhaoinithe d’imeachtaí níos mó cosúil leo siúd a dtacaíonn Fáilte Éireann, an Chomhairle Ealaíon agus forais dá samhail leo. Ba é an 23 Aibreán 2021 an dáta deiridh le haghaidh iarratas. Leithdháileadh maoiniú tar éis phróiseas iomaíoch iarratais, agus bhí uasdeontas €5,000 ar fáil.
Meascán de thionscnaimh ar líne agus d’imeachtaí ar an láthair atá sna tionscadail a mhaoineofar i mbliana. Freastalóidh lucht féachana ar na himeachtaí ar an láthair ag teacht le treoir ghinearálta sláinte poiblí. Tá sé mar aidhm ag an Roinn cur leis an ábhar cultúrtha a chabhraíonn an Roinn leis agus spás cultúrtha a chruthú a bheidh spéis ag daoine áitiúla agus an pobal níos leithne ann.
Tá liosta na n-iarratasóirí a gheobhaidh maoiniú thíos.
Ag labhairt inniu, dúirt an tAire Martin:
“Tá an-áthas orm tacú le Scéim na Mionfhéilte Áitiúla agus na Mionscoileanna Samhraidh i mbliana, le meascán d’imeachtaí ar líne agus ar an láthair. Cuireann an cultúr agus na healaíona go mór lenár saolta agus lenár bpobal.
Cuirfidh na himeachtaí seo eispéiris chultúrtha atá ag teastáil go géar uainn ar fáil do lucht féachana agus do chleachtóirí. Léirigh na heagraíochtaí a mhaoinítear faoin scéim seo teacht aniar agus solúbthacht iontach i bpleanáil a dtionscadal.”
Nótaí
| Iarratasóir | Cur síos ar an Tionscadal | Contae | Méid Maoinithe Molta | |
| Féile Cheoil Thraidisiúnta Bhaile an Tóchair | Sligeach | €2,666 | ||
| Seosamh McGabhann | Scoil Samhraidh a bheidh ar siúl go fíorúil. | Maigh Eo | €5,000 | |
| Ceantar Ardeaglas Leitir Ceannain | Dún na nGall | €4,000 | ||
| Féile Scannán Phort Láirge | Port Láirge | €2,600 | ||
| Scoil Samhraidh Cheoil Dhún na nGall | Dún na nGall | €4,000 | ||
| Shakefest 2021 | Uíbh Fhailí | €1,000 | ||
| Cumann Ealaíon Allingham | Dún na nGall | €4,000 | ||
| Leabharlanna Chathair Chorcaí | Corcaigh | €1,100 | ||
| Ceardaíocht agus Dearadh Chorcaí | Corcaigh | €3,500 | ||
| Músaem Scríbhneoirí Chiarraí | Ciarraí | €5,000 | ||
| Grúpa Ealaíon an Gheata | Féile Shamhain Chloich na Coillte 2021 | Corcaigh | €3,500 | |
| Ionad Ealaíon agus Oidhreachta Bhaile Átha an Rí | Gaillimh | €4,000 | ||
| Stiúideonna Theach an Chustaim | Maigh Eo | €2,500 | ||
| Iarsmalann Hunt | Luimneach | €4,000 | ||
| CCÉ an Ghoirt Chroim | Maigh Eo | €4,000 | ||
| CLG Creative Spark | Lú | €3,500 | ||
| Féile Amhránaíochta Dhrom Dhá Liag | Corcaigh | €4,000 | ||
| Cumann Yeats Shligigh | 62ú Scoil Samhraidh Idirnáisiúnta Yeats | Sligeach | €5,000 | |
| Swing Samhraidh an Chóibh | Corcaigh | €700 | ||
| Comhairle Pobail an Dúrais agus a Cheantar | Corcaigh | €4,000 | ||
| CLG Oidhreacht Bhaile Átha Í | Cill Dara | €4,000 | ||
| Spilt Milk Festival | Féile thrí lá de cheol, scannáin agus ealaín. | Sligeach | €5,000 | |
| Féile Imeallach na Gaillimhe | Gaillimh | €3,500 | ||
| Fondúireacht Mhíleata Oidhreacht na hÉireann | Cill Dara | €3,500 | ||
| Ionad Scannán Phort Láirge | Port Láirge | €4,000 | ||
| Forbairt Phobal Theach Solais | ÓMÓS - Féile Ealaíon agus Scannán | An Cabhán | €2,450 | |
| Féile Imeallach Bhéal an Átha | Maigh Eo | €5,000 | ||
| Comharghrúpa Leifir/Chluain Lao | Brightening Up Lifford 2021 - féile ceoil | Dún na nGall | €875 | |
| Iomlán | €96,391 |