Cruinniú na nÓg 2026 seolta ag an Aire O’Donovan agus ceiliúradh déanta ar cruthaitheachta ag OT Bhaile Átha Cliath, Gráinseach Ghormáin

• Breis is 1,300 imeacht cruthaitheach saor in aisce ar fud na tíre Dé Sathairn, an 6 Meitheamh
• Gach cineál léirithe chruthaithigh ó Ealaín Sráide agus Sorcas go Ceol agus Amharclannaíocht
• Daoine óga thuaidh agus theas le comhoibriú ar thionscadail chruthaitheacha Oileán Comhroinnte
• Imeachtaí amach san oíche do dhaoine 13-18 mbliana d’aois, le tacaíocht ón tionscnamh Geilleagar Oíche de chuid na Roinne
• Clár iomlán imeachtaí labhartha Gaeilge ar na hOileáin Árann

Inniu, sheol an tAire Patrick O’Donovan T.D. Cruinniú na nÓg 2026, Lá Náisiúnta Cruthaitheachta na hÉireann do pháistí agus do dhaoine óga, ag OT Bhaile Átha Cliath, Gráinseach Ghormáin. I mbliana, beidh Cruinniú na nÓg ar siúl Dé Sathairn, an 6 Meitheamh. Leis an gceiliúradh uile-oileáin seo, óstálfar breis is 1,300 imeacht saor in aisce ar fud an oileáin, agus an chruthaitheacht á ceiliúradh trí cheol, ealaín, sorcas, scéalaíocht, scannánaíocht agus a thuilleadh.

Is í Éire an t-aon tír ar domhan a bhfuil lá náisiúnta aici chun cruthaitheacht daoine óga a cheiliúradh. Iarrann Éire Ildánach ar dhaoine óga rud éigin nua a fhiosrú, an splanc chruthaitheach atá iontu a scaoileadh amach agus a bheith páirteach sa cheiliúradh uathúil cruthaitheachta agus léirithe seo.

• Bhí taibhiú speisialta ag seoladh an lae inniu, na healaíontóirí Garageland Galaxyz Aerial – banna ceoil de cheathrar as Baile Átha Cliath, agus ó thaibheoir aonair Eabha O’Keeffe, a bheidh ag casadh ‘We Own the Castle’ ag Caisleán Shoird, an 6 Meitheamh.
• I láthair ag an gceiliúradh bhí comhaltaí Youth Theatre Ireland, mar aon le hambasadóirí Youth Theatre Ireland Ella Jurascheck agus Sam Whelan; Megan Hogan, ambasadóir Waterford Walls; Sadhbh White agus Molly Noone, ambasadóirí Circus Explored, agus Robyn Faith Summerbell ó This Is Art! de chuid RTÉ.

Ag cur lena rath anuraidh, beidh imeachtaí oíche faoi stiúir na hóige ar siúl arís le haghaidh Cruinniú Déanach, le tacaíocht ón tionscnamh Geilleagar Oíche de chuid na Roinne, a chruthaigh daoine 13-18 mbliana d’aois agus é ceaptha dóibh, lena dtugtar cuireadh do dhaoine óga teacht chuig spásanna fáilteacha le haghaidh cruthaitheachta, caidrimh agus féinléiriú. I measc na n-imeachtaí tá ‘We Own the Castle’, féile cheoil óige ag Caisleán Shoird, Baile Átha Cliath, ‘Rebel Teen Social Hive’ i gCathair Chorcaí, agus ‘Youth Stage’ i bPáirc an Athar de Búrca i nGaillimh ina mbeidh tráth na gceist, micreafón oscailte, focal labhartha, ceol beo agus seiteanna DJ ó thallann óg 16-18 mbliana d’aois.

Agus Cruinniú na nÓg 2026 á fhógairt aige, dúirt an tAire O’Donovan:

Áirítear leis na buaicphointí:

• Circus Céilí – Imeacht mar chuid de Circus Explored, arna óstáil ag Irish Street Arts, Circus and Spectacle Network (ISACS), a thabharfaidh daoine óga agus teaghlaigh le chéile chun sorcas a cheiliúradh trí cheardlanna, taibhithe agus comhair chruthaitheacha nua.
• Rock the Block – Ceiliúradh ardfhuinnimh ceoil, damhsa agus cultúir sráide faoi stiúir na hóige a bheidh ar siúl sa Seandún i gCorcaigh.
• We Own the Castle – Féile cheoil bheo óige suite i dtimpeallacht stairiúil Chaisleán Shoird, áit a dtabharfar deis do thaibheoirí óga bheith i lár an aonaigh.
• The Walls Project – Le linn mhí na Bealtaine, tabharfar deis do dhaoine óga oibriú le healaíontóirí gairmiúla múrphictiúr le ceardlanna i 13 shuíomh, áit a ndéanfar dath, dearadh agus teicnící graifítí a fhiosrú chun saothair ealaíne phoiblí ar an mórchóir a chruthú.
• Tionóil Youth Theatre Ireland – Tiocfaidh 21 grúpa amharclannaíochta óige le chéile i gcúig mhol réigiúnacha chun comhar, taibhiú agus ceiliúradh a dhéanamh maidir lena gcruthaitheacht mar chuid de thionscadal Youth Theatre Ireland.
• This is Art! RTÉ 2026 – Tá comórtas iomráiteach náisiúnta ealaíne Éire Ildánach agus RTÉ ar ais agus ceardlanna agus taispeántais aige ar fud na tíre, ina n-oibríonn ealaíontóirí óga i gcomhar le mórchruthaitheoirí Éireannacha chun cruthaitheacht na hóige a thaispeáint agus a cheiliúradh.
• Na hOileáin Árann – Cuirfidh Comhairle Chontae na Gaillimhe deich n-imeacht as Gaeilge ar fáil ar Inis Mór, Inis Meáin agus Inis Oírr, lena n-áirítear scileanna sorcais, drámaíocht, léaráidí, mósáic, drumadóireacht, spraephéinteáil agus dioscó ciúin.

Tá RTÉ ag tacú le Cruinniú na nÓg trí fheachtas náisiúnta teilifíse, raidió, ar líne agus digiteach. Chun gach eolas a fháil, tabhair cuairt ar https://cruinniu.gov.ie

Nótaí don Eagarthóir

• Leis an gclár Éire Ildánach, tionscnamh uile-rialtais bunaithe ar an gcultúr faoi stiúir na Roinne Cultúir, Cumarsáide agus Spóirt, leagtar béim ar a thábhachtaí atá cruthaitheacht dhaonna ar mhaithe le folláine aonair, pobail agus sochaí.
• Tionscnamh de chuid an chláir Éire Ildánach, i gcomhar le 31 údarás áitiúil agus RTÉ, is ea Cruinniú na nÓg.
• Tosaíocht uile-rialtais is ea an tionscnamh Oileán Comhroinnte chun teagmháil a dhéanamh le gach pobal agus traidisiún polaitiúil chun comhdhearcadh a fhorbairt faoi thodhchaí chomhroinnte ar an oileán, agus Comhaontú Aoine an Chéasta mar bhonn taca faoi.