Tugann an tAire Patrick O’Donovan ómós do Joe Duffy

“Mar an tAire atá freagrach as na Meáin, ba mhaith liom buíochas a ghabháil le Joe Duffy as a chuid oibre le blianta fada in RTÉ agus é ag dul ar scor inniu. Mar ghlór Liveline ó 1998, chuidigh sé le go leor comhráite tábhachtacha a thosú sa tír seo, chun guth a thabhairt dóibh siúd a bhí ag fulaingt agus dóibh siúd a bhí leochaileach. Chuidigh sé linn páirt a ghlacadh i chuimhneacháin bróid náisiúnta agus bróin náisiúnta, agus tá sé ina chuid leanúnach de shaol laethúil na mílte éisteoirí ar fud na tíre le blianta fada. Ó dhúshlán a thabhairt d’éagóracha, go dtí ceiliúradh a dhéanamh ar chuimhneacháin áthais gan srian, ar feadh 27 bliain ar Liveline agus thar 37 bliain le RTÉ, tá tiomantas Joe don chraoltóireacht seirbhíse poiblí gan staonadh.

“Cé go bhféadfadh sé a bheith ag éirí as an micreafón laethúil, is cinnte go leanfaidh a oidhreacht ag spreagadh.

“Guím gach rath air don todhchaí agus é ag dul ar scor inniu, agus gabhaim buíochas leis as a sheirbhís, agus cuirim mo mhianta ó chroí chuig a bhean chéile June agus a dteaghlach agus a gcairde. Go n-éirí an bóthar leat, a Joe.”