Príomhoifigeach, Comhoibriú Thuaidh-Theas

Freagracht ag leibhéal an Phríomhoifigigh as monatóireacht a dhéanamh ar shocruithe rialachais san Fhoras Teanga (comhdhéanta d’Fhoras na Gaeilge agus Gníomhaireacht na hUltaise) a bunaíodh i ndiaidh Chomhaontú Aoine an Chéasta, as seachadadh na bpacáistí maoinithe a comhaontaíodh in éineacht le comhaontú Ré Nua, Cur Chuige Nua, as ionchur na Roinne in obair Chomhairle na Breataine–na hÉireann agus as comhoibriú Thuaidh-Theas in earnáil na dteangacha i gcoitinne. Tá an té atá sa ról faoi láthair i gceannas freisin ar Rannán na nOileán faoi Chomhaontú Seirbhíse leis an Roinn Forbartha Tuaithe agus Pobail.