An tSeirbhís Chúirteanna

Is Gníomhaireacht Stáit neamhspleách a bunaíodh leis an Acht um Sheirbhís Chúirteanna, 1998, chun na cúirteanna a bhainistiú agus chun tacú leis na breithiúna í an tSeirbhís Chúirteanna.

Is iad seo a leanas a príomhfheidhmeanna:

• na cúirteanna a bhainistiú
• tacú leis na breithiúna
• faisnéis a sholáthar don phobal faoin gcóras cúirteanna agus
• foirgnimh chúirte agus saoráidí a sholáthar d’úsáideoirí cúirte.

Tráth éigin inár saol, is dócha go mbeidh ar gach duine dínn dul chun na cúirte ar chúis amháin nó ar chúis eile. D’fhéadfadh go n-iarrfaí orainn suí ar ghiúiré nó fianaise a thabhairt i gcás cúirte, nó d’fhéadfaimis cás a thionscnamh le haghaidh cúitimh i ndiaidh timpiste.

Tá sé mar aidhm leis an leabhrán seo a mhíniú conas a oibríonn an córas cúirteanna, agus cé na nithe ar féidir leat a bheith ag súil leo má bhíonn ort dul chun na cúirte choíche.