Bailiúcháin
Ráiteas Straitéise 2025-2028 Sprioc 4: Córas cóir daingean inimirce
- Foilsithe: 20 Samhain 2025
- An t-eolas is déanaí: 20 Samhain 2025
Córas inimirce lena meallfar na daoine a theastaíonn ó Éirinn, a bheidh cóir d’iarratasóirí, agus a bheidh daingean maidir le forfheidhmiú ár ndlíthe.
Cuspóirí
- Cur chuige straitéiseach pleanáilte tras-Rialtais i leith na himirce a chomhlíonfaidh riachtanais shochaí agus gheilleagar na hÉireann.
- Seirbhísí inimirce agus cosanta idirnáisiúnta a bheidh éifeachtúil, gairmiúil agus bunaithe ar chórais dhigiteacha.
- Comhshocrú Aontais Eorpaigh maidir le hImirce agus Tearmann a bheidh curtha chun feidhme go hiomlán agus lena soláthrófar cur chuige comhtháite i leith imirce agus tearmann a bhainistiú ar fud an Aontais Eorpaigh.
- Athchóiriú a dhéanamh ar an raon sásraí um fhilleadh atá ar fáil chun an líon daoine a sheoltar ar ais chuig a dtíortha dúchais a mhéadú.
- Sásraí éifeachtacha um lánpháirtíocht agus rannpháirtíocht an phobail chun tacú le comhtháthú sóisialta agus chun gach cineál ciníochais sa tsochaí a chomhrac.
- Cóiríocht inbhuanaithe do dhaoine a mbeidh cosaint á lorg acu.
- Freagairt chomhtháite inbhuanaithe do dheireadh a chur leis an Treoir um Chosaint Shealadach.
Torthaí
- Straitéis náisiúnta imirce agus lánpháirtíochta a bheith foilsithe.
- Córas inimirce a bheidh níos freagrúla do riachtanais a úsáideoirí, agus tréimhsí ama laghdaithe le haghaidh cinntí a bheidh gairmiúil agus ar ardchaighdeán i gcónaí.
- Muinín a bheith ag an bpobal as ár gcórais maidir le hinimirce, le cosaint idirnáisiúnta agus le lánpháirtíocht.
- Forfheidhmiú éifeachtach ár ndlíthe inimirce, lena n-áirítear daoine atá i láthair go neamhdhleathach sa Stát a dhíbirt.
- Acmhainn mhéadaithe i gcóiríocht atá faoi úinéireacht an Stáit, agus spleáchas laghdaithe ar sholáthraithe tráchtála.
- Conairí éifeachtacha a bheith i bhfeidhm do mhuintir na hÚcráine ar deonaíodh cosaint shealadach in Éirinn dóibh.