Conairí a Thógáil le Chéile: An Straitéis um Athimeascadh Ceartais Choiriúil trí Fhostaíocht, 2025-2027

Is í an Roinn Dlí agus Cirt a d’fhorbair Conairí a Thógáil le Chéile: An Straitéis um Athimeascadh Ceartais Choiriúil trí Fhostaíocht, 2025-2027, i gcomhar le Seirbhís Phríosúin na hÉireann agus leis an tSeirbhís Phromhaidh, agus i gcomhairle le príomh-gheallsealbhóirí, lena n-áirítear Ranna Rialtais, gníomhaireachtaí, agus daoine a bhfuil taithí fhíorshaoil acu ar an gcóras ceartais choiriúil agus a raibh bacainní rompu maidir leis an athimeascadh.

Tá sé mar aidhm leis an straitéis, a seoladh ar an 7 Samhain 2024, idirghabhálacha éifeachtacha a sholáthar chun a chinntiú go bhfuil na tacaíochtaí agus na deiseanna cuí ar fáil dóibh siúd atá tar éis scor de chionta a dhéanamh, agus dóibh siúd atá ag lorg seasmhachta chun gur féidir leo bogadh ar shiúl ó shaol lena mbaineann cionta a dhéanamh, ionas go mbeidh seans níos fearr ann go n-éireoidh lena gcuid iarrachtaí.

Cuireadh tús leis an straitéis um Chonairí a Thógáil le Chéile i 2025, lena n-áirítear Coiste Comhairleach um Fhostaíocht Ceartais Choiriúil a bhunú chun maoirseacht a dhéanamh ar dhul chun cinn maidir le gníomhartha. Bunaíodh Líonra Fostóirí Ceartais Choiriúil chun gníomhaireachtaí iomchuí agus fostóirí a thabhairt le chéile chun na deiseanna agus na dúshláin a bhaineann le daoine a bhfuil ciontuithe coiriúla orthu a fhostú. Tarraingíonn sé cur chuige réitigh fadhbanna chuige féin chun aghaidh a thabhairt ar na dúshláin a aithnítear.

An Straitéis um Chonairí a Thógáil le Chéile

• Grafaic Eolais faoi Chonairí a Thógáil le Chéile

Tuarascálacha Bliantúla