Eolas d’Íospartaigh/do Mharthanóirí

Más íospartach foréigin baile nó ghnéasaigh thú agus má tá do scéal féin le hinsint agat, tá sé tábhachtach go mbeadh a fhios agat nach bhfuil tú i d’aonar. Bíonn cabhair agus tacaíocht ar fáil duit anseo i gcónaí. Nuair a bheidh tú réidh le do scéal a insint – éistfear leat, creidfear thú, agus tabharfar tacaíocht duit.

Tá sé ceart go leor mura bhfuil a fhios agat conas gníomhú. Féadfaidh sé go bhfuil tú gortaithe go fisiciúil, traochta ó thaobh mothúchán de, nó éiginnte faoi cad é an chéad rud eile atá le déanamh. Féadfaidh sé go bhfuil tú tugtha traochta ó bheag is fiú a bheith á dhéanamh díot de shíor, agus ó iompraíocht smachtúil, ar feadh na mblianta. Tá ábhar dóchais ann má tá tú anseo go bhfuil tú ag smaoineamh ar chabhair a lorg nó ar ar tharla duit a thuairisciú, ach nach bhfuil tú cinnte faoi cá háit le tosú. Más é sin an chaoi a mothaíonn tú, ansin bíodh a fhios agat gur féidir saoirse agus téarnamh ónar tharla a fháil agus nach gá duit é seo a dhéanamh leat féin.

Is féidir le tuilleadh eolais faoi chéimeanna is féidir leat a ghlacadh tar éis foréigin baile, ghnéasaigh nó inscnebhunaithe cuidiú chun tú a fhódú le linn tréimhse doilí. Tá sé tábhachtach a fhios a bheith agat gur próiseas é téarnamh ó fhoréigean baile, gnéasach agus inscnebhunaithe, agus go mbíonn cuma dhifriúil ar an bpróiseas do gach duine. Féadfaidh sé go dtógfaidh sé seachtainí, míonna, nó blianta — níl aon chlár ama ann don leigheas.

Cuimhnigh i gcónaí, má tá tú féin, nó aon duine eile, i mbaol láithreach, glaoigh ar 999 nó 112 nó téigh chuig do Stáisiún Gardaí áitiúil.