167 nGarda ar promhadh curtha chuig rannáin ar fud na tíre

Fianaíodh 100 fear agus 67 mbean inniu agus cuirfidh Coimisinéir an Gharda Síochána iad isteach i rannáin de chuid an Gharda Síochána ar fud na tíre. Imscarfar 104 Gharda ar promhadh ar fud Réigiún Cathrach Bhaile Átha Cliath, cuirfear 21 Gharda ar promhadh chuig Réigiún an Deiscirt, cuirfear 31 Gharda ar promhadh chuig Réigiún an Oirthir agus cuirfear 11 Gharda ar promhadh chuig Réigiún an Iarthuaiscirt.

Chomh maith leis sin, tá breis agus 200 Garda nua faoi oiliúint le dul isteach i gColáiste an Gharda Síochána an tseachtain seo chugainn.

Reáchtáladh dhá fheachtas earcaíochta sa bhliain 2025, agus rinne breis agus 11,100 duine iarratas ar dhul isteach sa Gharda Síochána. Tá an Garda Síochána i mbun teagmháil le poistphoiblí i ndáil le comórtas earcaíochta eile a sceidealú agus a sheoladh i mbliana. Cinnteoidh sé sin go mbeidh earcaigh nua ag teacht isteach sa Choláiste ar an Teampall Mór go seasta.

Léigh tuilleadh anseo