Is oscailte anois atá suirbhé náisiúnta ar líne ar shábháilteacht pobail

Cliceáil anseo chun tuilleadh faisnéise a fháil faoin suirbhé sin agus chun páirt a ghlacadh ann.

Sheol Séamus Ó Ceallacháin TD, an tAire Dlí agus Cirt, Gnóthaí Baile agus Imirce, an chéad suirbhé náisiúnta ar shábháilteacht pobail inniu.

Is é atá i gceist le sábháilteacht pobail ná daoine a bheith sábháilte agus a bheith ag meas go bhfuil siad sábháilte ina bpobail. Níl sé de fhreagracht ar an nGarda Síochána ina aonar. Ina ionad sin, teastaíonn gach duine a bheith páirteach i sábháilteacht pobail. Leis an gcur chuige sin, tugtar an pobal agus raon soláthraithe seirbhíse poiblí le chéile chun saincheisteanna a bhaineann le sábháilteacht pobail a shainaithint agus freagairt dóibh ar bhealach réamhghníomhach comhtháite.

Ba mhaith linn gach cearn d’Éirinn a dhéanamh níos fearr, níos sábháilte agus níos síochánta do chách. Tá an chéad Straitéis Náisiúnta le haghaidh Sábháilteacht Pobail a Fheabhsú de chuid na hÉireann riamh á forbairt ag an Oifig Náisiúnta um Shábháilteacht Pobail, arb oifig de chuid na Roinne Dlí agus Cirt, Gnóthaí Baile agus Imirce í, mar chuid den Acht um Póilíneacht, Slándáil agus Sábháilteacht Pobail, 2024.

Tá sé mar aidhm leis an Straitéis Náisiúnta le haghaidh Sábháilteacht Pobail a Fheabhsú freagairt do na riachtanais agus na hábhair imní atá ag pobail agus cabhrú le seirbhísí poiblí agus le pobail obair le chéile ar bhealach comhtháite chun pobail a dhéanamh níos sábháilte.

Tá an suirbhé seo ceaptha chun tacú le daoine den phobal a dtuairimí a thabhairt maidir le sábháilteacht pobail chun bonn eolais a chur faoi fhorbairt na straitéise. Tá an suirbhé seo ar oscailt do gach duine atá ina gcónaí i bPoblacht na hÉireann.

Cliceáil anseo chun tuilleadh faisnéise a fháil faoin suirbhé sin agus chun páirt a ghlacadh ann.