Ainmníonn an Rialtas ceapacháin chun na hArd-Chúirte

Tá áthas ar Shéamus Ó Ceallacháin, an tAire Dlí agus Cirt, Gnóthaí Baile agus Imirce, a fhógairt gur aontaigh an Rialtas leis an Uasal Mark Dunne, Abhcóide Sinsir, agus leis an Uasal Micheál O’Connell, Abhcóide Sinsir, a ainmniú mar Ghnáth-Bhreithiúna den Ard-Chúirt.

Líonfaidh ainmniúchán amháin folúntas atá ann cheana agus beidh an dara hainmniúchán ag brath ar fholúntas a bheith ag teacht chun cinn an 27 Nollaig 2025.

Tháinig an folúntas atá ann cheana chun cinn mar gheall ar ardú céime an Bhreithimh Onóraigh Alexander Owens chun na Cúirte Achomhairc an 29 Meán Fómhair 2025.

Tá an dara folúntas, a bhfuiltear ag súil go réasúnach leis, le teacht chun cinn mar gheall ar scor sceidealaithe an Bhreithimh Mary Ellen Ring an 27 Nollaig 2025.

Rinne an Rialtas na bearta is gá chun an tUachtarán Ní Chonghaile a chur ar an eolas go foirmiúil faoi na hainmniúcháin de réir an chleachtais bhunreachtúil.

Críoch...///

• De réir airteagail 13.9 agus 35.1 den Bhunreacht, déanann an tUachtarán ceapacháin breithiúna, ag gníomhú dó nó di ar chomhairle an Rialtais.

Mionsonraí beathaisnéiseacha beaga:

An tUas. Mark Dunne, Abhcóide Sinsir

• Cuireadh oideachas air sa Choláiste Ollscoile, Baile Átha Cliath, agus i gCumann Onórach Óstaí an Rí.
• Glaodh chun an Bharra air sa bhliain 1998.
• Glaodh chun Barra na Sinsear air sa bhliain 2019.
• Áiríodh lena dhlí-chleachtas den chuid is mó an Dlí Riaracháin, an Dlí Tráchtála/Seansaireacht, Réiteach Díospóidí, an Dlí Coiteann Ginearálta, Athbhreithniú Breithiúnach agus an Dlí Torta agus Díobhála Pearsanta.

An tUas. Micheál O’Connell, Abhcóide Sinsir

• Cuireadh oideachas air i gColáiste na Tríonóide, Baile Átha Cliath, agus i gCumann Onórach Óstaí an Rí.
• Glaodh chun an Bharra air sa bhliain 1999.
• Glaodh chun Barra na Sinsear air sa bhliain 2018.
• Áiríodh lena dhlí-chleachtas den chuid is mó an Dlí Tráchtála/Seansaireacht, Cleachtas Ginearálta, Tíolacadh agus an Dlí Maoine.