An Ceannasaí Beartais don Cheartas Coiriúil

Meitheal mhachnaimh na Roinne atá san fheidhm Bheartais. Oibríonn sí mar cheannaire smaointe, ag forbairt beartas fadtéarmach fianaise-bhunaithe trí thaighde agus trí anailís a dhéanamh ar fhaisnéis agus sonraí ón iliomad foinsí. Bíonn dearcadh réamhghníomhach straitéiseach aici ar fhoirmliú Beartais Dlí agus Cirt agus Comhionannais, agus ar athbhreithniú a dhéanamh air, agus cuireann sí ar chumas na Roinne comhairle den chéad scoth a thabhairt don Aire agus don Rialtas chun leas fadtéarmach na saoránach go léir.