Iarratas ar fhaisnéis faoi chionta in aghaidh linbh nó duine shoghonta a choimeád siar a thuairisciú

Déan iarratas ar theacht chun bheith i do dhuine forordaithe nó i d’eagraíocht fhorordaithe chun faisnéis faoi chionta in aghaidh leanaí agus daoine soghonta a choimeád siar a thuairisciú.

Soláthraíonn daoine forordaithe nó eagraíochtaí forordaithe anaithnideacht d’íospartaigh nach mian leo cion a thuairisciú don Gharda Síochána agus cinntíonn siad nach gcuirtear ina luí ar íospartaigh gan cóireáil nó teiripe a lorg i ndáil le haon díobhálacha nó dochar a bhain dóibh.

Ní mór d’eagraíocht seirbhísí a sholáthar do leanaí nó do dhaoine soghonta ar bhain díobháil nó dochar dóibh de dheasca drochúsáid fhisiciúil nó ghnéasach. Ní mór na seirbhísí sin a bheith bainteach leo seo a leanas:

• fadhbanna pearsanta, sóisialta nó síceolaíocha a réiteach, trí bhíthin treorach nó comhairliúcháin nó ar shlí eile
• cúram a thabhairt do dhaoine a bhfuil gá acu le cosaint, treoir nó tacaíocht, ar seirbhísí iad a n-éilítear ar dhuine a sholáthraíonn iad scil nó breithiúnas a fheidhmiú i ndáil leo

Chun go bhforordófaí catagóir daoine nó aicme daoine, ní foláir dóibh a bheith ag soláthar seirbhísí do leanaí nó do dhaoine soghonta ar bhain díobháil nó dochar dóibh de dheasca mí-úsáid fhisiciúil nó ghnéasach.

Maidir le daoine a sholáthraíonn seirbhísí níos ginearálta, amhail seirbhísí riaracháin, seirbhísí cóiríochta cónaithe, seirbhísí baile nó seirbhísí lónadóireachta, ní mheasfaí iad a bheith incháilithe.

Féadfaidh eagraíocht iarratas a dhéanamh ar theacht chun bheith forordaithe trí Chuid A den iarratas thíos a chomhlánú. Féadfaidh duine laistigh d’eagraíocht iarratas a dhéanamh ar theacht chun bheith ina dhuine forordaithe trí Chuid B den iarratas thíos a chomhlánú. Seol d’iarratas comhlánaithe chuig: