Iarratas a Dhéanamh ar Chead Crannchuir

Le Ceadanna Crannchuir, ceadaítear crannchuir suas le luach uasta duaise is ionann agus €5,000 a chur chun cinn.

Féadfaidh cur chun cinn crannchuir faoi Chead a bheith:

• le leas eagraíochtaí pobail, clubanna spóirt, agus carthanas
• le leas an tionscnóra

Áirítear le crannchur gach comórtas ar airgead nó ar luach airgid ina ndéantar buillí faoi thuairim nó meastacháin ar imeachtaí amach anseo nó ar imeachtaí san am atá thart nach bhfuil a dtorthaí faighte amach fós nó nach eol iad go forleathan fós. Is cion é crannchur a chur chun cinn gan chead.

Áirítear iad seo a leanas le cineálacha crannchur:

• raifilí
• tarraingtí
• scuaibín
• biongó

De ghnáth, is ar bhonn fisiciúil nó ar bhonn talamhbhunaithe a sheoltar crannchuir a chuirtear chun cinn faoi Chead. Mar sin féin, níl aon toirmeasc ann ar an gcrannchur a chur chun cinn ar líne.

Teorainneacha le geallta

Féadfar ticéid le haghaidh crannchuir a chuirtear chun cinn faoi chead a dhíol ar €10 ar a mhéad in aghaidh an ticéid.

Teorainneacha le duaiseanna

Is socraithe ag méid uasta €5,000 atá an ciste duaise iomlán le haghaidh crannchur faoi chead. Tá feidhm ag an teorainn sin is cuma cé acu a chuirtear an crannchur chun cinn ar bhonn seachtainiúil nó a chuirtear chun cinn é ar bhonn tréimhsiúil eile.

Ní mór iarratas ar Chead Cearrbhachais a dhéanamh chuig Ceannfort an Gharda Síochána don dúiche ina bhfuil gnáthchónaí ar an duine atá ag cur an chrannchuir chun cinn. Maidir leis an iarratas:

• ní mór é a dhéanamh ar an bhfoirm shonraithe
• ní mór an táille fhorordaithe, más ann, a bheith ag gabháil leis (níl aon táille ann faoi láthair)
• ní mór é a dhéanamh chuig Ceannfort an Gharda Síochána sa dúiche lena mbaineann tráth nach lú ná 60 lá roimh an gcéad lá ar a bhfuil sé beartaithe an crannchur lena mbaineann an t-iarratas a chur chun cinn

Déanfaidh an Ceannfort cinneadh i dtaobh an ndeonófar nó an ndiúltófar an t-iarratas ar Chead laistigh de 28 lá ó dháta fála an iarratais.

Léigh tuilleadh faisnéise faoi conas a dhéantar measúnú ar na hiarratais agus faoi na coinníollacha a bhfuil feidhm acu.

Níl aon táille ann faoi láthair as iarratas a dhéanamh ar Chead Crannchuir.

Foirm iarratais ar Chead Crannchuir.