Iarratas a dhéanamh ar chothabháil a aisghabháil ón gcoigríoch

Féadfaidh tú iarratas a dhéanamh ar íocaíochtaí tacaíochta a aisghabháil ón gcoigríoch má tá an féichiúnaí ina chónaí nó ina cónaí i dtír den Aontas Eorpach (AE) nó i dtír a chuir a hainm le Coinbhinsiún na Náisiún Aontaithe maidir le cothabháil nó le Coinbhinsiún na Háige maidir le cothabháil 2007.

Léigh liosta iomlán de na tíortha atá ag glacadh páirt i gCoinbhinsiún na Náisiún Aontaithe.

Léigh liosta iomlán de na tíortha atá ag glacadh páirt i gCoinbhinsiún na Háige 2007.

Laistigh den Aontas Eorpach, tá Rialachán i bhfeidhm chun aisghabháil íocaíochtaí tacaíochta a éascú. Beidh duine a bhfuil ordú a tugadh i gcúirt Éireannach aige nó aici le haghaidh cothabháil a íoc in ann aisghabháil an mhéid sin a lorg i dtír eile den Aontas Eorpach (seachas an Danmhairg).

Gníomhaíonn an rannán um Oibríochtaí agus Soláthar Seirbhíse mar Údarás Lárnach in Éirinn le haghaidh cothabháil a aisghabháil ón gcoigríoch.

Tá an tseirbhís chéanna ar fáil dóibh sin i mBallstáit eile atá ag iarraidh aisghabháil cothabhála ó fhéichiúnaí atá ina chónaí nó ina cónaí in Éirinn.

Is féidir leat freisin amharc ar fhoirmeacha iarratais i ndáil le cothabháil a aisghabháil idir tíortha den Aontas Eorpach agus na foirmeacha sin a íoslódáil.

Féadfaidh aon duine ar mian leis nó léi iarratas a dhéanamh ar chothabháil lasmuigh den dlínse seo iarratas a dhéanamh tríd an Údarás Lárnach in Éirinn, ar choinníoll gur páirtí i gCoinbhinsiún na Náisiún Aontaithe nó i gCoinbhinsiún na Háige 2007 í an tír ina bhfuil an féichiúnaí ina chónaí nó ina cónaí nó go bhfuil an féichiúnaí ina chónaí nó ina cónaí san Aontas Eorpach.

Más rud é go mbíonn aon cheisteanna agat nó gur mian leat iarratas a dhéanamh ar ordú cothabhála a bhunú nó a fhorfheidhmiú, is féidir foirm iarratais a fháil trí theagmháil a dhéanamh leis an Údarás Lárnach in Éirinn tríd an ríomhphost, thar an teileafón nó i scríbhinn: