Éileamh ar Tháillí Abhcóide: Achomharc chuig an gCúirt Dúiche nó chuig an Chúirt Chuarda

Éilíonn abhcóidí i gcásanna coiriúla táillí nuair a shannann an chúirt iad mar abhcóidí. Féadfaidh abhcóidí a fheidhmíonn mar abhcóidí sa Chúirt Dúiche nó in achomhairc chuig an gCúirt Chuarda na táillí sin a éileamh trí úsáid a bhaint as an bhfoirm ag bun an leathanaigh seo. Éilítear na táillí sin faoin Scéim Neamhreachtúil um Chúnamh Dlíthiúil Coiriúil don Chúirt Dúiche (Abhcóide).

Ní mór d’abhcóidí an fhoirm thíos a líonadh isteach, lena n-áirítear an fhaisnéis seo a leanas:

• ainm agus Uimhir an Deimhnithe um Chúnamh Dlíthiúil don duine ar deonaíodh an Deimhniú um Chúnamh Dlíthiúil (Cúirt Dúiche) (Abhcóide) dó nó di
• ainm agus suíomh na cúirte a dheonaigh an deimhniú um chúnamh dlíthiúil
• an dáta a deonaíodh an deimhniú um chúnamh dlíthiúil
• cás-uimhir na Cúirte Dúiche
• ainm an aturnae a sannadh de bhun an Deimhnithe um Chúnamh Dlíthiúil (Cúirt Dúiche)
• luaigh i dtéarmaí ginearálta an cúiseamh, nó na cúisimh, ar maidir leo a sannadh cúnamh dlíthiúil
• an táille abhcóide atá á héileamh – is táille aonair in aghaidh an cháis an táille is iníoctha
• dátaí na láithreas

Ní mór cuid a dó den fhoirm a bheith comhlánaithe ag Cléireach na Cúirte Dúiche, nó ag Cláraitheoir na Cúirte, de réir mar a bheidh, de chuid na cúirte inar éisteadh an cás, tar éis dó nó di na mionsonraí faoin gcás a comhlánaíodh i gcuid a haon a léamh.

Ní mór an deimhniú um chúnamh dlíthiúil (cúirt dúiche) (abhcóide) a bheith ag gabháil leis an éileamh sin ar tháillí.

Agus í comhlánaithe, ba cheart an fhoirm seo a chur ar aghaidh chuig: