Conas Cead Cónaithe Éireannach a fháil

Is é is Cead Cónaithe Éireannach ann ná do dheimhniú clárúcháin. Tabharfar Cead Cónaithe Éireannach duit nuair a chláraíonn tú le Seachadadh Seirbhíse Inimirce (ISD).

Cuirtear in iúl ar Chead Cónaithe Éireannach:

• gur cláraíodh do chead inimirce chun fanacht in Éirinn
• an cineál ceada inimirce atá agat, mar shampla uimhir stampa

Ní cárta aitheantais é an Cead Cónaithe Éireannach – is deimhniú clárúcháin é. Níl sé bailí ar aon chúis seachas chun a dheimhniú go bhfuil tú cláraithe le hinimirce in Éirinn.

Ní mór duit do Chead Cónaithe Éireannach a iompar leat i gcónaí agus é a thabhairt ar aird d’oifigeach inimirce nó do chomhalta den Gharda Síochána (na póilíní) má iarrtar amhlaidh. Áirítear leis sin aon uair a fhágann tú an tír nó a thagann tú ar ais chuici.

Más saoránach nach saoránach den Aontas Eorpach/den Limistéar Eorpach Eacnamaíoch nó den Eilvéis thú agus más mian leat fanacht in Éirinn ar chúis ar bith ar feadh níos mó ná 90 lá, ní mór duit iarratas a dhéanamh ar chead inimirce agus, má éiríonn leat, ní mór duit clárú ansin.

Má éiríonn le do chlárúchán, eiseofar Cead Cónaithe Éireannach chugat.

Chun clárú, ní mór duit:

• a bheith i do náisiúnach nach náisiúnach den Aontas Eorpach/den Limistéar Eorpach Eacnamaíoch nó den Eilvéis
• a bheith 16 bliana d’aois nó níos sine
• coinne a chur in áirithe chun clárú go pearsanta

Más mian leat fanacht in Éirinn tar éis an dáta éaga atá ar do Chead Cónaithe Éireannach, ní mór duit iarratas a dhéanamh ar do chead inimirce a fhadú agus do chlárúchán a athnuachan. Má éiríonn leat, tabharfar Cead Cónaithe Éireannach nua duit.

Cosnaíonn Cead Cónaithe Éireannach €300 in aghaidh an duine gach uair a chláraíonn tú agus a athnuann tú.

Is féidir freisin go mbeidh ort íoc as Cead Cónaithe Éireannach nua má tá do chárta reatha caillte nó goidte.

Gheobhaidh tú do chárta Ceada Cónaithe Éireannaigh leis an bpost laistigh de thréimhse idir 10 lá oibre agus 15 lá oibre, a bheag nó a mhór, ó d’iarratas a phróiseáil.

Tá liosta de cheisteanna coitianta faoin bpróiseas Ceadanna Cónaithe Éireannacha ar fáil anseo: Ceisteanna Coitianta

Suirbhé ar sheirbhísí faisnéise

Aimsitheoir Seirbhísí Cúnaimh

Aiseolas ar Bhacainní Margaidh Aonair