Tinte ealaíne a allmhairiú
- Foilsithe: 2 Feabhra 2021
- An t-eolas is déanaí: 16 Márta 2026
Cad is ceadúnas chun tinte ealaíne a allmhairiú ann
Ní féidir tinte ealaíne a allmhairiú isteach sa tír ach amháin faoi cheadúnas agus ní féidir iad a stóráil ná a dhíol ach amháin de réir an dlí maidir le pléascáin.
Tabhair faoi deara nach gceanglaítear ceadúnas allmhairiúcháin chun pléascóga Nollag a allmhairiú.
Conas iarratas a dhéanamh ar cheadúnas allmhairiúcháin
Ní fhéadfar ach tinte ealaíne F1 a allmhairiú. Beidh sé sin clóite ar an bpacáiste. Áirítear iad seo a leanas le tinte ealaíne a bhfuil aicmiú F1 acu:
- bladhmanna Bengal
- cipíní Bengal
- maidí Bengal
- gráinníní cnagarnaí
- millíní splancacha
- tinte ealaíne scairdeáin
- rothlóirí talún
- spréachairí láimhe
- spréachairí nach spréachairí láimhe iad
- cipíní nuaga
- pléiscíní cóisire
- tinte ealaíne péiste
- tinte ealaíne snaptha
- buamaí tábla
- pléascóga caithimh
Líon isteach an fhoirm atá i gceangal agus seol ar ais í chuig Aonad Arm Tine agus Pléascán na roinne trí seachtaine ar a laghad roimh dháta measta an chéad seachadta.
Ceadúnú agus Cigireachtaí Arm Tine agus Pléascán
- Seoladh:
- An Roinn Dlí agus Cirt, Gnóthaí Baile agus Imirce, 51 Faiche Stiabhna, Baile Átha Cliath 2, D02 HK52, D02 HK52
- Ríomhphost:
- Teileafón:
-
01 8592279
Níl aon cheadúnas allmhairiúcháin bailí ach amháin le haghaidh allmhairiú amháin. Chun an lóistíocht riachtanach lena mbaineann a éascú, féadfaidh níos mó ná seachadadh amháin a bheith i gceist le hallmhairiú aonair, chomh fada agus a dhéantar é laistigh de dhá mhí ó dháta measta an chéad seachadta, suas go dtí an meáchan comhlán atá sonraithe ar an gceadúnas.
Ní mór tinte ealaíne atá ar díol a stóráil in ‘Áitreabh Cláraithe’. I gcás allmhairiú lena dháileadh, ní gá faisnéis stórála a sholáthar ach amháin maidir leis an trádstóras dáileacháin ina stórálfar na tinte ealaíne ar dtús.