Comhairliúchán poiblí ar an togra le haghaidh rialacháin maidir le híocaíocht dhéanach in idirbhearta tráchtála a chomhrac

Tá an Roinn Fiontar, Trádála agus Fostaíochta ag lorg tuairimí na ngeallsealbhóirí ar thogra an AE le haghaidh rialacháin maidir le híocaíocht dhéanach in idirbhearta tráchtála a chomhrac.

Tá sé beartaithe ag an AE rialachán a chur in ionad Threoir 2011/7/CE maidir le híocaíocht dhéanach in idirbhearta tráchtála (an Treoir um Íocaíocht Dhéanach) a chomhrac.

Tá an togra dírithe ar aghaidh a thabhairt ar easnaimh sa Treoir a sainaithníodh trí staidéir agus trí chomhairliúcháin le geallsealbhóirí san athbhreithniú ar an gcreat rialúcháin reatha.

Tá an rialachán nua seo á mholadh ag an gCoimisiún agus é mar aidhm aige smacht íocaíochta na n-údarás poiblí, na gcuideachtaí móra agus na FBManna a fheabhsú, agus gnólachtaí a chosaint ó éifeachtaí diúltacha moilleanna íocaíochta in idirbhearta tráchtála trí, cosc ​​a chur ar íocaíocht dhéanach a bheith ann, cothroime idir páirtithe a chur chun cinn in idirbhearta tráchtála, íocaíochtaí tráthúla a éascú agus córais sásaimh a neartú.

Ciallóidh an togra athruithe suntasacha ar na rialacha reatha a bhfuil sé mar aidhm acu aghaidh a thabhairt ar na heasnaimh a shainaithnítear sa Treoir:

• uasteorainn téarma íocaíochta 30 lá le haghaidh idirbheart gnó-le-gnó agus idirbhearta idir comhlachtaí poiblí agus gnó (Airteagal 3)
• aon téarmaí conarthacha a sháraíonn na rialacha a leagtar amach sa rialachán (Airteagal 9) a chur ar neamhní
• níl aon cheart tarscaoilte chun ús a íoc agus cúiteamh as íocaíochtaí déanacha (Airteagal 5)
• fanfaidh ús ar íocaíocht dhéanach ag an ráta tagartha móide 8 bpointe céatadáin (Airteagal 6) agus cúiteamh ar tháille chomhréidh de €50 in aghaidh an idirbhirt tráchtála (Airteagal 8) i leith costais aisghabhála
• ag sonrú cineál na gceanglas cur chun feidhme agus forghníomhaithe do na ballstáit (mar shampla, comhlachtaí forfheidhmithe sonracha a ainmniú (Airteagal 13), roghanna idirghabhála (Airteagal 16))
• i gconarthaí oibreacha poiblí a thagann faoi raon feidhme na dTreoracha um sholáthar poiblí, ní mór don phríomhchonraitheoir cruthúnas ar íocaíocht thráthúil a sholáthar d’fhochonraitheoirí (Airteagal 4)
• na ballstáit chun infhaighteacht agus rochtain FBManna ar uirlisí bainistíochta creidmheasa, oiliúint litearthachta airgeadais a éascú agus úsáid uirlisí digiteacha ag FBManna le haghaidh íocaíochtaí tráthúla a chothú (Airteagal 17)

Iarrtar tuairimí ó gheallseabhóirí agus ó pháirtithe leasmhara tráth nach déanaí ná 5pm Dé Máirt, 14 Samhain 2023.

Ba cheart ‘Togra le haghaidh Rialacháin an AE maidir le hÍocaíochtaí Déanacha a Chomhrac’ a mharcáil ar aighneachtaí agus ba cheart iad a sheoladh ar ríomhphost chuig accesstofinance@enterprise.gov.ie

Tá tuilleadh eolais ar fáil ag:

• Thogra le haghaidh rialachán AE maidir le híocaíocht dhéanach in idirbhearta tráchtála a chomhrac
• Impact Assessment (PDF)
• Q&A