“Tá ríméad orm an conradh fíor thábhachtach seo do sheirbhís lastais do Oileán Chléire, Inis Arcáin, Inis Uí Dhrisceoil agus Inis Fada a fhógairt.

“Is amach ó chósta Chontae Chorcaí atá an líon is mó oileáin a bhfuil pobail ina gcónaí orthu. Tá riachtanais éagsúla ag gach aon oileán ach tá na seirbhísí iompair ar cheann de na clocha is mó ar a bpaidrín acu ar fad. Is cuid lárnach den pholasaí Rialtais ‘Ár nOileáin Bheo’ seirbhís rialta a chinntiú do na pobail oileánda ar feadh na bliana ar chostas réasúnach. Tá mé thar a bheith sásta go ndéanfaidh an conradh nua seo cinnte go mbeidh seirbhís den scoth ag na hoileáin seo sna blianta atá romhainn.”

“Ó ceapadh mar Aire mé, tá tús áite tugtha agam dár n-oileáin. Tá cuairt tugtha agam ar chuid acu cheana féin agus tá súil agam cuairt a thabhairt orthu go léir le linn mo thréimhse mar Aire.”

“Cinnteoidh an conradh nua seo go mbeidh rochtain leanúnach ag pobail agus lucht gnó na n-Oileáin Thiar, amach ó chósta Chorcaí, ar sheirbhís lastas throm ar féidir brath air ar feadh 5 bhliana eile. Beidh an méadú ar líon na laethanta seolta ina bhuntáiste ar leith do phobail bheaga feirmeoireachta na n-oileán a bhraitheann go mór ar an tseirbhís seo agus iad ag bogadh beostoc ós na hoileáin go dtí an mórthír le linn an tséasúir mhargaidh”.

“Léiríonn an conradh nua seo tiomantas agus tacaíocht leanúnach an Rialtais d ’inbhuanaitheacht ár bpobal oileánda.”