“Tá áthas orm go bhfuil ar chumas mo Roinne maoiniú a chur ar fáil do Chomhchoiste Náisiúnta na gColáistí Gaeilge thar tréimhse trí bliana eile. Déanann mo Roinn infheistíocht bhliantúil os cionn €6m in earnáil na gcoláistí Gaeilge trí fhoirdheontais do theaghlaigh aitheanta faoi Scéim na bhFoghlaimeoirí Gaeilge. Níl ceist ar bith faoin tábhacht a bhaineann le hearnáil na gcoláistí Gaeilge don Ghaeilge agus don Ghaeltacht. Bhí lúchair orm tiomántas an Rialtais don earnáil a léiriú an tseachtain seo caite nuair a d’fhógair mé ardú deontais do na teaghlaigh agus na Coláistí cónaithe a choinníonn na scoláirí le héifeacht ó thus an tsamhraidh seo. Tá ról lárnach ag CONCOS mar gheallsealbhóir ó thaobh cur chun cinn na hearnála, dár ndóigh, leis an obair luachmhar, riachtanach atá idir lámha acu. Tá áthas orm, dá réir, go bhfuil ar chumas mo Roinne a bheith ábalta tacú leis an obair sin agus leis an earnáil i gcoitinne arís an tseachtain seo. Agus muid ag druidim le deireadh an tseisiúir seo, ba mhaith liom an deis a thapú le tréaslú le gach duine atá ag obair san earnáil, na teaghlaigh Gaeltachta, lucht na gcoláistí, na tiománaithe bus agus na pobail agus coistí áitiúla a chuireann áiseanna ar fáil. Bhí rannpháirtíocht ag an iolamad daoine agus eagraíochtaí áitiúla sa séisiúr ráthúil a bhí againn sa Ghaeltachta i mbliana agus tá moladh mór ag dul do gach duine a bhí bainteach leis.”