Ciste Aitheantais Pobail

Tá sé mar aidhm ag an gCiste Aitheantais Phobail tacú le forbairt bonneagair agus áiseanna pobail don phobal ar fad mar aitheantas ar an obair atá á déanamh ag pobail ar fud na tíre maidir le fáilte a chur roimh líon suntasach daoine a thagann ón Úcráin agus ó thíortha eile agus iad a óstáil.

Dírítear maoiniú go sonrach ar thionscadail atá lonnaithe i gcathracha, i mbailte agus i sráidbhailte a óstálann Tairbhithe Cosanta Sealadaí agus/nó Iarratasóirí ar Chosaint Idirnáisiúnta, lena n-áirítear bailte a aithnítear don chlár um thithe a thógáil go tapa. Tá sé mar aidhm ag an gCiste tacú le forbairt áiseanna a úsáidfidh gach ball den phobal amach anseo. Tá sé ar leithligh ina chuspóirí agus ina raon feidhme ó aon sruthanna maoinithe poiblí eile a bhfuil sé mar aidhm acu tacú le forbairt riachtanais seirbhíse poiblí a eascraíonn as an líon suntasach daoine a thagann ón Úcráin agus ó thíortha eile.

Is féidir faisnéis faoi thionscadail a leithdháiltear maoiniú dóibh a fháil anseo: Ciste Aitheantais Phobail - Leithdháiltí Maoinithe

Tugadh isteach an Ciste Aitheantais Phobail in 2023 chun aitheantas a thabhairt do na hiarrachtaí ollmhóra a dhéanann pobail chun fáilte a chur roimh dhaoine a thagann go hÉirinn agus iad a thacú. Trí leithdháileadh 2023, ceadaíodh maoiniú €50 milliún do thart ar 900 tionscadal chun tacú le cathracha, bailte agus sráidbhailte ar fud na tíre. Bunaithe ar na tionchair leanúnacha ar phobail ar fud na tíre agus an gá atá ann tacú leis na pobail seo chun fáilte a chur roimh dhaoine nua, tá €50 milliún breise á sholáthar faoin Chiste Aitheantais Phobail 2024.

Rannpháirtíocht an Phobail

Tá sé ríthábhachtach go bhforbrófar an togra maoinithe a chuireann gach údarás áitiúil isteach bunaithe ar phlé díreach le pobail atá buailte agus i gcomhairle leis na Ceantair Bhardasacha, leis an gCoiste Forbartha Pobail Áitiúil agus leis na Fóraim Fhreagartha Pobail áitiúla. Ba cheart go mbeadh tograí comhsheasmhach freisin le Pleananna Eacnamaíocha agus Pobail Áitiúla.

Caithfidh an togra a léiriú freisin go bhfuil an maoiniú dírithe ar na cathracha, na bailte agus na sráidbhailte sin ina bhfuil an leibhéal is airde de dhaoine nua lonnaithe agus ina bhfuil gá soiléir le hinfheistíocht aitheanta.

Tionscadail Incháilithe

Déanfar Ciste Aitheantais Pobail 2024 a leithdháileadh bunaithe ar líon na ndaoine i ngach limistéar údaráis áitiúil.

Beidh na tionscadail a bheidh le maoiniú de chineál caipitil, soláthrófar iontu sochair mheántéarmacha agus fhadtéarmacha do na pobail ina bhfuil siad lonnaithe, agus beidh siad in ann a sheachadadh i rith 2025 agus 2026. Ní mór íosmhéid caiteachais 50% den leithdháileadh a thabhú in 2025. Gheobhaidh tionscadail incháilithe maoiniú le haghaidh costais chaipitil, ach ní le haghaidh aon chostais oibríochtúla nó reatha leanúnacha.

Is é €50,000 an t-íosleibhéal maoinithe do thionscadal aonair agus uasmhéid €500,000 á chur i bhfeidhm. Ní féidir tionscadail níos lú a chur le chéile chun an tairseach íosta €50,000 a chomhlíonadh – cé gur sholáthair scéim 2023 maoiniú d’infheistíocht bheag i gclubanna agus i bpobail (e.g. le haghaidh trealaimh bheag), dírítear scéim 2024 ar thionscadail a bhfuil scála agus tionchar níos mó acu.

Tá raon feidhme ag údaráis áitiúla an maoiniú a infheistiú bunaithe ar a riachtanais áitiúla féin mar a aithnítear trí chur chuige “ón mbun aníos” agus bunaithe ar an rannpháirtíocht phobail dá dtagraítear thuas.

Mar sin féin, seo a leanas na cineálacha tionscadal atá incháilithe le haghaidh maoinithe:

• forbairt, feabhsú nó athchóiriú áiseanna pobail nó cultúrir lena n-áirítear limistéir súgartha, cosáin siúil, páirceanna, gairdíní pobail/céadfacha, cuibhrinn, agus limistéir áineasa;
• forbairt, feabhsú nó athchóiriú áiseanna clubanna agus spóirt áitiúla lena n-áirítear áiseanna amhail linnte snámha pobail, seomraí feistis, leithris, áiseanna digiteacha amhail cláir scóir/eolais srl.;
• feabhsú ar áiseanna scoile/paróiste atá oscailte lena n-úsáid ag an bpobal ar fad tar éis uaireanta scoile;
• ceannach trealaimh do chlubanna áitiúla, féilte, imeachtaí pobail agus eagraíochtaí e.g. trealamh ceoil, ealaíon nó spóirt;
• bonneagar iompair amhail ceannach feithiclí pobail, scáthláin bus agus cláir eolais a ghabhann leo; (ní mór aon fheithicil a mhaoinítear a bheith i riocht maith agus gan a bheith níos sine ná 5 bliana d'aois)
• tionscadail a chabhraíonn le dul i ngleic le foirgnimh ag titim as a chéile agus/nó cuspóirí forbartha eacnamaíochta agus pobail áitiúla níos leithne;
• ceannach agus athchóiriú foirgneamh folamh nó tréigthe le húsáid ag an bpobal i gcás ina n-aithnítear gá soiléir.
• Ceannach talún agus oibreacha gaolmhara chun áiseanna pobail a fhorbairt amhail limistéir súgartha/MUGAanna nó páirceanna baile/gairdíní pobail, limistéir áineasa etc. (ní mór ach don údarás áitiúil na ceannacháin a riaradh).

Amchlár don Seachadadh

Difríocht thábhachtach sa Chiste Aitheantais Pobail 2024 seo ná bogadh ón gcur chuige bunaidh inar sheol údaráis áitiúla liosta aonair tionscadal isteach lena gceadú. Chun aghaidh a thabhairt ar athruithe i líon agus i suíomhanna na ndaoine nua a tháinig isteach le linn 2024, ní mór do gach údarás áitiúil 20% ar a laghad dá leithdháileadh a chur in áirithe le haghaidh togra a chur isteach faoin tríú deis iarratais. Seo a leanas na deiseanna iarratais:

2024 - Tionscadail a ceadaíodh faoi Chéim 1

I mí Lúnasa 2024, fógraíodh maoiniú €16.5 milliún chun 185 thionscadal a sheachadadh ar fud na tíre faoi Chéim 1.

Tacóidh an infheistíocht mhór le raon éagsúil tionscadal amhail uasghráduithe ar áiseanna spóirt, ionaid phobail, páirceanna, cosáin siúil agus clóis súgartha.

Is féidir sonraí faoi na hiarratais ar éirigh leo a fháil sa doiciméad seo:

2024 - Tionscadail a ceadaíodh faoi Chéim 2

Is féidir sonraí faoi na hiarratais ar éirigh leo a fháil sa doiciméad seo:

2024 - Tionscadail a ceadaíodh faoi Chéim 3

Ceisteanna agus Iarratais

Déanfaidh údaráis áitiúla an Ciste a riaradh ag leibhéal an chontae. Is féidir ceisteanna faoi thionscadal a sheoladh chuig d’údarás áitiúil, tá sonraí ar fáil anseo.

Is féidir níos mó sonraí faoin gCiste Aitheantais Phobail a léamh ag na naisc seo a leanas:

Seo a leanas leithdháilte 2024 de réir contae:

Is féidir na tionscadail ar éirigh leo faoin gCiste Aitheantais Phobail a léamh ag an nasc seo a leanas:

Ciste Aitheantais Phobail - Liosta Iarratasóirí ar Éirigh leo

Is féidir aon cheist faoin gCiste Aitheantais Phobail a sheoladh i ríomhphost chuig crf@drcdg.gov.ie