Scéim um Bonneagar Caithimh Aimsire Lasmuigh

Cuirtear cistiú ar fáil faoin Scéim um Bonneagair Caithimh Aimsire Lasmuigh le bonneagar nua caithimh aimsire lasmuigh a fhorbairt. Cuirtear tacaíocht ar fáil freisin leis an deisiú, an chothabháil, an feabhsú nó an cur chun cinn riachtanach a dhéanamh ar an mbonneagar caithimh aimsire lasmuigh atá i gceantair thuaithe ar fud na hÉireann cheana féin.

Tacaítear faoin scéim seo le gníomhaíochtaí caithimh aimsire lasmuigh, cosúil le siúl, siúlóireacht, rothaíocht, cadhcáil agus coisíocht. Is áisiúil úsáid a bhaint as acmhainní na tuaithe a chuireann le stíl mhaireachtála shláintiúil ghníomhach. Tacaítear le hacmhainn gheilleagrach agus turasóireachta an cheantair do phobail áitiúla agus do chuairteoirí turasóireachta araon.

Tá iarratais á nglacadh faoi scéim 2026/2027 faoi láthair.

Tá achoimre ar an scéim iomlán le fáil anseo:

Is féidir teacht ar shonraí faoi thionscadail a maoiníodh faoi scéim roimhe seo a fháil anseo.

Soláthraítear maoiniú faoin Scéim Infreastruchtúr Áineasa Allamuigh mar seo a leanas:

• Deisiú/forbairt/cur chun cinn agus margaíocht ar scála beag.
• Maoiniú suas le €40,000 ag ráta 90% den chúnamh.
• Is féidir le gach údarás áitiúil uasmhéid de *6 iarratas a chur isteach.
• Is féidir le gach cuideachta forbartha áitiúil suas le 3 iarratas ar a mhéad a chur ar aghaidh.

*I gcás ina bhfuil limistéar Gaeltachta agus/nó Oileán amach ón gcósta ag údarás áitiúil, ceadófar dóibh iarratas breise amháin faoi bheart 1 a chur isteach suas le luach €40,000, agus ní mór é seo a mharcáil go soiléir mar Ghaeltacht nó Oileán.

• Deisiú/uasghrádú agus forbairt conairí/áiseanna nua ar scála meánmhéide.
• Maoiniú suas le €200,000 ag ráta 90% den chúnamh.
• Is féidir le gach údarás áitiúil suas le 3 iarratas ar a mhéad a chur ar aghaidh.
• Is féidir iarratas amháin ar a mhéad a chur isteach in aghaidh na cuideachta forbartha áitiúla nó an chomhlachta Stáit.

• Deisiú/uasghrádú agus forbairt conairí/áiseanna straitéiseacha nua ar scála mór
• Maoiniú suas le €500,000 ag ráta 90% den chúnamh
• Is féidir le húdaráis áitiúla agus comhlachtaí stáit iarratas amháin a chur isteach faoin mBeart seo.

• Tionscadail a fhorbairt go mion trína mbeifear ábalta iad a thabhairt chuig caighdeán ag a mbeifear ábalta iarratas a dhéanamh faoi Bheart 1, Bheart 2 nó faoi Bheart 3.
• Is féidir le húdaráis áitiúla suas le ceithre iarratas tosaíochta a chur isteach le luach iomlán €100,000 faoin mBeart seo. Más ann do dhóthain éilimh agus spéise, is féidir leo iarratas breise amháin a chur isteach le haghaidh conairí marcaíochta/cosáin mharcaíochta suas le €50,000. Is féidir le húdaráis áitiúla a bhfuil Gaeltacht agus/nó Oileán amach ón gcósta acu iarratas breise amháin a chur isteach faoin mBeart seo suas le €50,000.
• Is féidir le cuideachtaí forbartha áitiúla suas le trí iarratas tosaíochta a chur isteach le luach iomlán €70,000.
• Is féidir le comhlachtaí stáit iarratas amháin suas le €50,000 a chur isteach.

Má bhíonn aon cheisteanna eile agat, déan teagmháil le ORIS@drcdg.gov.ie