Trádáil le haghaidh Tionchair: Infheistíocht €4 mhilliún chun tacú le fiontair shóisialta Fógartha ag an Aire Calleary agus ag an Aire Buttimer
- Foilsithe: 20 Bealtaine 2025
- An t-eolas is déanaí: 20 Bealtaine 2025
- Gheobhaidh 42 fiontar sóisialta maoiniú idir €15,000 agus €100,000.
- Gheobhaidh 83 fiontar sóisialta maoiniú idir €1,500 agus €15,000.
- Infheistíochtaí a rinneadh tríd den Scéim Fiontraíocht Shóisialta a Fhás faoi Chiste na gCuntas Díomhaoin.
D'fhógair an tAire Forbartha Tuaithe, Pobail agus Gaeltachta, Dara Calleary, agus an tAire Stáit sa Roinn Forbartha Tuaithe agus Pobail, Jerry Buttimer, inniu (Dé Máirt, 20 Bealtaine) infheistíocht €4 mhilliún chun tacú le fiontair shóisialta ar fud na tíre.
Is é cuspóir an chiste tacaíochtaí deontais chaipitil a chur ar fáil chun cabhrú le fiontair shóisialta ar fud na hÉireann a gcuspóirí sóisialta, comhshaoil nó eacnamaíocha a bhaint amach. Úsáidfear an maoiniú a chuirfear ar fáil le haghaidh oibreacha tógála, deisiúcháin, athchóirithe, nó chun innealra, feithiclí nó trealamh nua a cheannach.
I measc samplaí de na Fiontair Shóisialta a bhainfidh tairbhe as an scéim tá:
- Ionad Ealaíon Halla an Línéadaigh CTR - €96,989: Chun réimse uasghráduithe agus feabhsúchán a mhaoiniú, lena n-áirítear méadú ar inrochtaineacht agus oifig ticéad, teilgeoir agus scáileán nua a shuiteáil.
- Grúpa Lucht Siúil na Gaillimhe (ag trádáil mar Bounceback Recycling) - €90,357:Maoiniú chun trealamh ardchumais agus innealra iompair a cheannach chun cumas táirgthe na heagraíochta seo agus an t-éileamh ar sheirbhísí a leathnú.
- Cumann Pobail an Chraoslaigh CTR - €12,471: Maoiniú chun rampa rochtana, cathaoireacha, táblaí fillte, cistin, scáileán idirghníomhach, dallóga agus CCTV a shuiteáil agus suíomh gréasáin a fhorbairt chun tacú le fás.
- Benchspace Cork CTR - €78,187: Maoiniú chun trealamh déantúsaíochta digiteach a chur ar fáil do dhéantóirí cónaithe Benchspace agus a dtairiscint oiliúna, rud a mhéadóidh inrochtaineacht, líon na ndaoine a gheobhaidh tacaíocht agus ioncam.
- Ionad Carmichael do Ghrúpaí Deonacha - €11,418: Maoiniú chun trealamh fuaime nua a uasdátú, chun cur ar chumas na heagraíochta páirt a ghlacadh in imeachtaí nua sa phobal.
- Vantastic CTR - €74,573: Maoiniú chun dhá charr atá inrochtana do chathaoireacha rothaí a cheannach le haghaidh seirbhísí ar cíos, a chuirfidh seirbhís iompair inrochtana ar fáil do dhaoine a bhfuil deacrachtaí soghluaisteachta nó míchumas orthu.
Agus na leithdháiltí á bhfógairt aige, dúirt an tAire Calleary:
"Tá ríméad orm a dhearbhú inniu go mbainfidh 125 fiontar sóisialta tairbhe as an gCiste Fiontraíocht Shóisialta a Fhás DAF. Cuirfidh an maoiniú seo ar chumas fiontair shóisialta na seirbhísí ríthábhachtacha a chuireann siad ar fáil i bpobail ar fud na hÉireann a fhorbairt agus a leathnú go díreach.
“Tá meas iomlán agam ar an obair luachmhar atá déanta agus tá an obair luachmhar sin atá déanta ag fiontair shóisialta ar fud na tíre feicthe agam agus tá áthas orm a bheith in ann tacú leis na heagraíochtaí sin.
“Mar a léirítear i Suirbhé 2023 ar Fhiontair Shóisialta, tá éagsúlacht mhór le hearnáil na fiontraíochta sóisialta in Éirinn. Mar aitheantas air sin, cuireadh Ciste na gCuntas Díomhaoin atá ar fáil don Roinn seo in oiriúint go sonrach chun freastal bainteach le riachtanais éagsúla na n-eagraíochtaí, agus dhá shnáithe bainteach le maoiniú: ceann amháin le deontais suas le €15,000 agus an dara snáithe, do dheontais suas le €100,000, chun freastal ar riachtanais na n-eagraíochtaí sin a dteastaíonn infheistíocht níos mó uathu.
“Is é príomhchuspóir an Bheartais Náisiúnta Fiontraíochta Sóisialta a seoladh i mí Iúil seo caite ná cabhrú le fiontraíocht shóisialta láidir agus ardtionchair a fhorbairt agus a chothú in Éirinn. Is fianaise fhollasach é an maoiniú atá á fhógairt inniu ar thacaíocht leanúnach an rialtais don earnáil thábhachtach seo".
Agus an maoiniú á fhógairt inniu aige, dúirt an tAire Buttimer freisin:
"Is cúis mhór áthais dom an maoiniú seo a fhógairt a rachaidh chun tairbhe go díreach do 125 eagraíocht ar fud na tíre. Tá earnáil na fiontraíochta sóisialta in Éirinn ag fás i gcónaí agus tá ról níos tábhachtaí anois aici i saol sóisialta agus eacnamaíoch na tíre seo.Agus an maoiniú seo a fhógairt anseo inniu, táimid ag leanúint ar aghaidh ag tógáil ar an móiminteam sin agus á fhás.
“Tá tábhacht le fiontair shóisialta láidre dár bpobail áitiúla, agus tá ról lárnach acu chun poist a chruthú, aghaidh a thabhairt ar dhúshláin shóisialta, agus sochaí níos cuimsithí a chothú. Cuirfidh an maoiniú seo tacaíocht phraiticiúil ar fáil d'fhiontair shóisialta chun cabhrú leo a chinntiú gur féidir leo a gcuid áiseanna agus an trealamh a theastaíonn uathu chun tacú lena bpobail a fheabhsú agus a fhorbairt.
“Bhí an-éileamh ar an Scéim seo agus léiríonn sé sin go soiléir an riachtanas atá ann infheistíocht leanúnach a dhéanamh agus tacú leis na Fiontair Shóisialta."
Tá liosta de na Fiontair Shóisialta a moladh faoi Shnáithe A den Chiste Fiontraíocht Shóisialta a Fhás leagtha amach in Aguisín A.
Tá liosta de na Fiontair Shóisialta a moladh faoi Shnáithe B den Chiste Fiontraíocht Shóisialta a Fhás leagtha amach in Aguisín B.
Nótaí d'eagarthóirí:
Fiontair Shóisialta
Is gnólachtaí iad na fiontair shóisialta arb é a bpríomhchuspóir tionchar sóisialta, sochaíoch nó comhshaoil a bhaint amach. Dála gnólachtaí eile, baineann fiontair shóisialta a gcuspóirí amach trí thrádáil in earraí agus seirbhísí ar bhonn leanúnach. Mar sin féin, déantar barrachas a ghineann fiontair shóisialta a athinfheistiú go hiomlán nó go príomha chun na croíchuspóirí sóisialta a bhaint amach.
Is minic a oibríonn siad chun tacú le grúpaí faoi mhíbhuntáiste amhail daoine atá dífhostaithe go fadtéarmach, daoine faoi mhíchumas, lucht siúil, srl., nó chun aghaidh a thabhairt ar shaincheisteanna amhail bochtaineacht bia, tithíocht shóisialta, nó cúrsaí comhshaoil.
Beartas Náisiúnta
Is é Trádáil le haghaidh Tionchair an dara Beartas Náisiúnta um Fhiontraíocht Shóisialta in Éirinn. Sheol DRCD é i mí Iúil 2024.
Tá sé mar aidhm ag an mbeartas nua seo cur leis an obair a rinneadh leis an gcéad bheartas, agus mionsonraí á gcur ar fáil ar 57 Gníomhaíocht Bheartais faoi na cúig Phríomhchuspóir seo:
1) Feasacht ar Fhiontraíocht Shóisialta a Fhorbairt
2) Fiontraíocht Shóisialta a Fhás agus a Chothú
3) Tacú leis an Aistriú Glas
4) Rannpháirtíocht Náisiúnta agus Idirnáisiúnta
5) Tomhas Tionchair
Ciste na gCuntas Díomhaoin
Cuireann Achtanna na gCuntas Díomhaoin, 2001-2012, mar aon leis an Acht um Polasaithe Árachais Saoil Neamhéilithe, 2003, creat ar fáil chun cuntais neamhéilithe a riar in institiúidí creidmheasa (i.e. bainc, cumainn foirgníochta agus An Post) agus polasaithe árachais saoil neamhéilithe i ngnóthais árachais.
Is é príomhchuspóir na reachtaíochta sealbhóirí cuntais nó polasaí a athaontú lena gcistí in institiúidí creidmheasa nó i ngnóthais árachais agus ceanglaítear ar na comhlachtaí sin céimeanna a ghlacadh chun úinéirí cuntais díomhaoin agus polasaithe árachais saoil neamhéilithe a shainaithint agus teagmháil a dhéanamh leo.
Mar sin féin, d'fhonn na cistí nár úsáideadh i gcuntais díomhaoin agus i bpolasaithe neamhéilithe a úsáid chun an éifeacht is fearr a bhaint astu, tugadh isteach leis an reachtaíocht scéim freisin chun cistí a eisíoc nach dócha go n-aiséileofar iad ó chuntais díomhaoin agus ó pholasaithe neamhéilithe chun críocha beart chun cabhrú le:
- forbairt phearsanta agus shóisialta daoine atá faoi mhíbhuntáiste eacnamaíoch nó sóisialta;
- forbairt oideachais daoine atá faoi mhíbhuntáiste oideachais; nó
- daoine faoi mhíchumas.
Oibríonn Fiontair Shóisialta ar go leor bealaí chun cabhrú le daoine sna catagóirí seo.
AGUISÍN A
Ciste Fiontraíocht Shóisialta a Fhás DAF 2024/2025
Snáithe A
|
Ainm an Fhiontair Shóisialta |
Contae |
Méid an Mhaoinithe |
Cuspóir an Mhaoinithe |
|
Cuideachta Chlub Seoltóireachta Chill Dalua faoi Theorainn Ráthaíochta |
An Clár |
€11,350.00 |
Maoiniú chun córas fuinnimh gréine ag Club Seoltóireachta Chill Dalua a shuiteáil chun costais leictreachais a laghdú agus inbhuanaitheacht a chur chun cinn, agus athinfheistíocht a chumasú i dtionscnaimh phobail agus tacaíocht do bhaill faoi mhíbhuntáiste. |
|
Comharchumann Pobail an Chláir Thoir |
An Clár |
€3,736.00 |
Maoiniú chun uasghrádú a dhéanamh ar chórais ríomhaireachta atá as dáta trí chrua-earraí agus bogearraí a chur ar fáil. |
|
Cork New Life Media T/A Life FM |
Corcaigh |
€15,000.00 |
Maoiniú chun uasghrádú a dhéanamh ar an gcóras téimh agus ar an mbonneagar ríomhaireachta |
|
Ionad Pobail Bhaile Mhistéala CTR |
Corcaigh |
€14,200.00 |
Maoiniú chun córas nua CCTV digiteach a shuiteáil. |
|
IRD Dhúiche Ealla CTR |
Corcaigh |
€15,000.00 |
Maoiniú chun bothán iniompartha a cheannach do chupáin in-athúsáidte le haghaidh féilte ar fud na tíre |
|
Iontaobhas Pobail Pháirc na hEaglaise CTR |
Corcaigh |
€14,800.00 |
Maoiniú chun Caifé Gairdín Pháirc na hEaglaise a fhorbairt, leithris foirne agus seomraí feistis a thógáil agus cuisniú nua atá tíosach ar fhuinneamh a cheannach. |
|
Comhairle an Ghóilín agus Cheantar an Phobail |
Corcaigh |
€4,301.00 |
Maoiniú chun an t-ionad pobail agus an oifig a phéinteáil. |
|
Coiste Chairde le Chéile Teoranta |
Dún na nGall |
€5,000.00 |
Maoiniú chun athchóiriú a dhéanamh ar an urlár chun sábháilteacht a fheabhsú, doirse dóiteáin nua a chur ar fáil chun comhlíonadh na gcaighdeáin sábháilteachta a chinntiú, na ballaí agus na doirse a athphéinteáil chun timpeallacht níos fáiltí agus níos tarraingtí a chur ar fáil. |
|
Cuideachta Fhondúireacht Riachtanas Speisialta Bluestack faoi Theorainn Ráthaíochta |
Dún na nGall |
€9,968.00 |
Maoiniú chun obair a dhéanamh ar an talamh, oibreacha comharthaíochta a dhéanamh agus cuisneoirí a cheannach, sreabhadh custaiméirí a fheabhsú, níos mó spáis stórála bia a cheadú agus réimse níos leithne táirgí a thairiscint. |
|
Cuideachta Bainistíochta Ionad Fóillíochta Bhéal Átha Seanaidh faoi Theorainn Ráthaíochta |
Dún na nGall |
€11,300.00 |
Maoiniú chun áiseanna soghluaisteachta a cheannach agus a shuiteáil a chruthóidh áis inrochtana do chách. Áirítear leis sin caighdeáin rialála seomraí feistis do dhaoine faoi mhíchumas a chomhlíonadh. |
|
Tionscadal White Oaks Acorn |
Dún na nGall |
€13,221.00 |
Maoiniú chun athneartú a dhéanamh ar an siopa feirme orgánach, uasghráduithe a dhéanamh ar fhoirgnimh, agus soilsiú a chur sa ghairdín chun deiseanna a chur ar fáil le haghaidh rannpháirtíocht shóisialta. |
|
Ionad Pobail & Acmhainní Cholgan Teoranta |
Dún na nGall |
€15,000.00 |
Maoiniú chun córas rochtana ar dhoras uathoibríoch a cheannach agus a shuiteáil agus an córas CCTV a uasghrádú chun inrochtaineacht, slándáil agus sábháilteacht a fheabhsú don phobal agus don ionad. |
|
Músaem Míleata an Dúin Riabhaigh CTR |
Dún na nGall |
€9,675.00 |
Maoiniú chun ardaitheoir nua cathaoireacha rothaí a shuiteáil i bhfoirgneamh Saldanha Svuít sa Dún Riabhach. Feabhsóidh an maoiniú sin rochtain do dhaoine faoi mhíchumas, rud a chinnteoidh gur féidir le gach cuairteoir féachaint ar thaispeántais agus tabhairt faoi imeachtaí na háise. |
|
Comharchumann Forbartha Pobail Mhagh Teoranta |
Dún na nGall |
€15,000.00 |
Maoiniú chun feabhas a chur ar éifeachtúlacht fuinnimh i spás gníomhaíochta de chuid Pháirc Phobail Mhagh chun inbhuanaitheacht a fheabhsú, costais reatha a laghdú agus ioncam féideartha a mhéadú. |
|
Athchóiriú Iarnróid Chontae Dhún na nGall CTR (Músaem Iarnróid Dhún na nGall) |
Dún na nGall |
€14,600.00 |
Maoiniú chun éifeachtúlacht fuinnimh na háise a fheabhsú trí phainéil ghréine a shuiteáil a laghdóidh billí fuinnimh agus a choinneoidh an eagraíocht inbhuanaithe ó thaobh an chomhshaoil de. |
|
Mol Pobail Ros na Cille CTR |
Dún na nGall |
€6,515.00 |
Maoiniú chun ríomhairí glúine agus printéir léasair a cheannach, rud a leathnóidh na seirbhísí a chuireann Mol Pobail Ros na Cille ar fáil. Cabhróidh an maoiniú freisin le córas micreafóin agus fuaime iniompartha a cheannach a úsáidfear le haghaidh imeachtaí éagsúla. |
|
Cumann um Fhorbairt Phaiteagó agus Thulaigh Uí Thiomáin CTR |
Dún na nGall |
€14,664.00 |
Maoiniú chun feabhas a chur ar ghníomhaíochtaí áineasa a thairgeann Ionad an Tearmainn a fhreastalóidh ar dhaoine óga agus scothaosta sa phobal. |
|
MUILEANN COIRCE LEITIR CUIDEACHTA FAOI THEORAINN RATHAIOCHTA |
Dún na nGall |
€14,965.00 |
Maoiniú chun oibreacha talún a dhéanamh, chomh maith le lomaire faiche agus oifig a cheannach, chun inrochtaineacht a fheabhsú agus cothabháil níos fearr a dhéanamh ar an bhfiontar sóisialta. |
|
Cumann Pobail an Chraoslaigh CTR |
Dún na nGall |
€12,471.00 |
Maoiniú chun rampa rochtana, cathaoireacha, táblaí fillte, cistin, scáileán idirghníomhach, dallóga agus CCTV a cheannach agus suíomh gréasáin a fhorbairt chun tacú le fás. |
|
St Joseph's Boys AFC Company Limited by Guarantee |
Baile Átha Cliath |
€14,959.00 |
Maoiniú chun teilgeoir a cheannach chomh maith le trealamh ceangailte chun cur ar chumas an fhiontair shóisialta imeachtaí agus rannpháirtíochtaí foghlama idirghníomhacha gairmiúla a chur ar fáil gan costais shuntasacha gach bliain. |
|
Sunflower Recycling Limited by Guarantee |
Baile Átha Cliath 1 |
€13,950.00 |
Maoiniú chun feithicil mhór a cheannach don tseirbhís athchúrsála a chuirfidh ar chumas an fhiontair shóisialta níos lú bailithe a dhéanamh agus oibriú níos éifeachtaí. |
|
Together FM CTR |
Baile Átha Cliath 10 |
€14,842.00 |
Maoiniú chun feabhsuithe a dhéanamh ar áiseanna craolacháin Together FM, rud a chuirfidh ar a gcumas a líonra pobail a fhás agus níos mó daoine agus grúpaí áitiúla a mhealladh. Beidh tarchuradóir craolacháin agus aeróg le ceannach, mar aon leis an trealamh TF riachtanach agus gléasanna leictreonacha eile atá riachtanach do chraoladh FM. |
|
Comharchumann Craolacháin Áitiúil Bhaile Átha Cliath Theas Teoranta |
Baile Átha Cliath 14 |
€1,936.00 |
Maoiniú chun uasghrádú a dhéanamh ar threalamh craolacháin Dublin South FM, lena n-áirítear micreafóin agus seastáin nua, chun cáilíocht fuaime a fheabhsú agus cumas an stáisiúin freastal ar an bpobal áitiúil a fheabhsú. |
|
Fiontar Pobail Fhothair Chardain CTR |
Baile Átha Cliath 24 |
€13,069.00 |
Maoiniú chun trealamh cistine nua agus uasghrádaithe a cheannach, mar shampla miasniteoir, lena n-áirítear suiteáil agus meicníocht tráchtála don seomra reoiteora agus don chuisneoir. |
|
Cuideachta Tionscadail Capall Óige Fhothair Chardain Teoranta le Ráthaíocht |
Baile Átha Cliath 24 |
€14,500.00 |
Maoiniú chun capaill nua a cheannach agus seirbhísí na heagraíochta a chothabháil. |
|
PsyCare Ireland: |
Baile Átha Cliath 3 |
€15,000.00 |
Maoiniú chun veain a cheannach agus grafaicí a chur uirthi, a chuirfidh feabhas ar lóistíocht agus ar infheictheacht sheirbhísí laghdaithe díobhála PsyCare Ireland, go háirithe i dtaca le himeachtaí ceoil agus féilte na hÉireann. |
|
Ionad Carmichael do Ghrúpaí Deonacha |
Baile Átha Cliath 7 |
€11,418.00 |
Maoiniú chun trealamh fuaime a uasdátú, agus cur ar chumas na heagraíochta tabhairt faoi imeachtaí nua sa phobal, mar shampla imeachtaí scoile samhraidh, taispeántais ealaíne agus cainteanna spéise speisialta. |
|
CHANGE CLOTHES CRUMLIN CUIDEACHTA FAOI THEORAINN RÁTHAÍOCHTA |
Baile Átha Cliath 8 |
€9,000.00 |
Maoiniú chun trealamh a cheannach agus cabhrú le leathnú seirbhísí deisiúcháin agus athúsáide éadaí Change Clothes Crumlin. |
|
Venture Out Wilderness Project CTR |
Gaillimh |
€15,000.00 |
Maoiniú chun canúnna agus éadaí do mhná a bhíonn amuigh faoin aer a cheannach, a chuirfidh feabhas ar chláir reatha Venture Out, a leathnóidh na tairiscintí seirbhíse, agus a ghinfidh ioncam breise do phobail faoi mhíbhuntáiste. |
|
Cuideachta Chumann Halla Paróiste Bhaile Conaola |
Gaillimh |
€15,000.00 |
Maoiniú chun uasghrádú a dhéanamh ar na córais soilsithe agus fuaime i halla pobail Bhaile Conaola. |
|
Cuideachta Forbartha Pobail Cheantar Bhéal Átha na Sluaighe faoi Theorainn Ráthaíochta |
Gaillimh |
€15,000.00 |
Maoiniú chun Ionad Fiontraíochta Bhéal Átha na Sluaighe a fheabhsú: Uasghráduithe Slándála, Inbhuanaitheachta agus Saoráidí. |
|
Cuideachta Athnuachana Ceantair an Chlocháin faoi Theorainn Ráthaíochta |
Gaillimh |
€11,385.00 |
Maoiniú chun feabhsúcháin leictreachais agus uasghrádú a dhéanamh ar an áis, mar shampla ar dhoirse agus ar fhuinneoga, rud a fhágfaidh go mbeidh éifeachtúlacht fuinnimh feabhsaithe agus laghdú ar chostais reatha fhoriomlána. |
|
An Mheitheal Comhshaoil, Comharchumann Teoranta ag trádáil mar An Mheitheal Rothar |
Gaillimh |
€9,000.00 |
Maoiniú chun trealamh a cheannach chun an eagraíocht a fhás agus a cumas seachadta seirbhíse a mhéadú. |
|
NEWKD |
Ciarraí |
€12,258.00 |
Maoiniú chun oibreacha tógála a dhéanamh agus rochtain a thabhairt ar chúl an fhoirgnimh, áit a leathnóidh an eagraíocht go luath amach anseo, leathnú ar thairiscint seirbhíse agus inrochtaineacht. |
|
Grúpa Gníomhaíochta Sóisialta na Rátha Móire CTR |
Ciarraí |
€15,000.00 |
Maoiniú chun uasghrádú agus feabhas a chur ar an seomra aclaíochta pobail. |
|
CUMANN POBAIL SLÁINTE AGUS LEASA DHAIRBHRE CTR |
Ciarraí |
€6,296.00 |
Maoiniú chun Able Table agus cathaoireacha a cheannach, cruthóidh sé sin timpeallacht níos compordaí agus níos inrochtana a chuirfidh cuimsiú sóisialta chun cinn agus a spreagfaidh rannpháirtíocht níos mó san ionad. |
|
Cúram Faoisimh Chiarraí CTR |
Ciarraí |
€6,287.00 |
Maoiniú chun printéir ilfheidhmeach, táibléid agus ríomhairí glúine a cheannach, rud a chuirfidh feabhas suntasach ar éifeachtúlacht riaracháin agus ar sheachadadh seirbhíse Chúram Faoisimh Chiarraí. |
|
Breaking Through CTR |
Cill Dara |
€4,975.00 |
Maoiniú chun uasghrádú agus nuachóiriú a dhéanamh ar láithreán gréasáin na heagraíochta, slándáil a neartú agus riosca haiceála a laghdú agus luas a fheabhsú trí óstáil agus taisceadh. |
|
St Canice's Community Action |
Cill Chainnigh |
€3,960.00 |
Maoiniú chun trealamh a cheannach le haghaidh oiliúna, costais oibriúcháin, agus rannpháirtíocht an phobail i dtaca le seirbhísí grianghrafadóireachta inacmhainne. |
|
Comhairle Pobail an Ospidéil CTR |
Luimneach |
€15,000.00 |
Maoiniú chun éifeachtúlacht fuinnimh a fheabhsú, fuinneoga a athsholáthar. |
|
Seirbhísí Tuaithe Bhealach Eabhra CTR |
Luimneach |
€15,000.00 |
Maoiniú chun an cúigiú cró cearc agus trealamh riachtanach a cheannach, agus rochtain do chathaoireacha rothaí a fheabhsú le haghaidh táirgeadh agus inrochtaineacht fheabhsaithe. |
|
Ionad Pobail Chnoc an Chairn CTR |
Luimneach |
€8,901.00 |
Maoiniú chun an chistin a athchóiriú, lena n-áirítear tíliú, péinteáil, agus aonaid cistine, doirteal agus fearais eile a athsholáthar. |
|
Ionad Taibhithe Chill Mocheallóg T/A Amharclann Gheata na mBráthar |
Luimneach |
€15,000.00 |
Maoiniú chun trealamh TF riachtanach a cheannach d'Amharclann Gheata na mBráthar. |
|
Cumann Staire agus Caomhnaithe Chnoc Áine CTR |
Luimneach |
€8,489.00 |
Maoiniú chun an taobh istigh d'Eaglais Naomh Eoin, Cnoc Áine, a athmhaisiú. |
|
Narrative 4 Cuideachta faoi Theorainn Ráthaíochta |
Luimneach |
€4,800.00 |
Maoiniú chun an taobh amuigh d'Ionad Clár Narrative 4 a athphéinteáil agus a athchóiriú, chun cur leis an gcuma, infheictheacht agus cumas níos mó rannpháirtíochta pobail agus cíosanna a mhealladh. |
|
Cuideachta Ionad Meán Dhún Dealgan faoi Theorainn Ráthaíochta |
Lú |
€9,750.00 |
Maoiniú chun trealamh riachtanach agus áiseanna uasghrádaithe a cheannach chun feabhas a chur ar Ionad Meán Dhún Dealgan |
|
Oidhreacht Chairlinn CTR |
Lú |
€14,959.00 |
Maoiniú chun uasghrádú a dhéanamh ar an gcóras fuaime in Ionad Oidhreachta Chairlinn, cáilíocht fuaime a fheabhsú do léirithe beo agus d'imeachtaí cultúrtha, agus ar an gcaoi sin rannpháirtíocht an lucht féachana a mhéadú agus tacú le hinbhuanaitheacht airgeadais. Is é an aidhm leis an bhfeabhsú sin réimse níos leithne taibheoirí agus cuairteoirí a mhealladh, rud a threiseoidh ról an Ionaid mar mhol cultúrtha sa réigiún. |
|
Cuideachta Chlub Spóirt Pobail Bhéal Átha hÉin Teoranta le Ráthaíocht |
Maigh Eo |
€9,478.00 |
Maoiniú chun ríomhaire agus printéir nua a cheannach chun éifeachtúlacht riaracháin a fheabhsú agus cáilíocht na n-ábhar bolscaireachta don ionad pobail a fheabhsú. |
|
Seirbhísí Sóisialta Chaisleán an Bharraigh CTR |
Maigh Eo |
€13,248.00 |
Maoiniú chun tráidirí inbhuanaithe inathúsáidte agus miasniteoir nua a cheannach, lena n-áirítear oibreacha pluiméireachta. |
|
Cuideachta Forbartha Pobail Achadh Mór Teoranta |
Maigh Eo |
€14,848.00 |
Maoiniú chun trealamh cothabhála don pháirc uile-aimsire a cheannach, a mhéadóidh cumas úsáide go 95% agus a thacóidh le níos mó ná 25 cumann spóirt áitiúil. |
|
Ná Fág Aon Rian, Éire |
Maigh Eo |
€14,782.00 |
Maoiniú chun sraith uirlisí digiteacha a cheannach a chuirfidh feabhas ar chumas oibríochtúil agus for-rochtana Ná Fág Aon Rian, Éire. Áirítear leis sin barra físchomhdhála, táibléid láidre, dhá ríomhaire glúine, agus Go Pro a cheannach. |
|
Seirbhísí Cúram, Cill Chomain, Cuideachta Faoi Theorainn Rathaiochta |
Maigh Eo |
€6,437.15 |
Maoiniú chun uasghrádú a dhéanamh ar throscán reatha in ionad pobail na heagraíochta. |
|
Raidió Pobail Chaisleán an Bharraigh FM Cuideachta faoi Theorainn Ráthaíochta |
Maigh Eo |
€9,296.00 |
Maoiniú chun stiúideo podchraolta a chur ar fáil atá in ann fuaim agus físeán ardchaighdeáin a tháirgeadh. |
|
Clubtheach na Dolmaine CTR |
Maigh Eo |
€13,015.00 |
Maoiniú chun painéil PV gréine a shuiteáil agus cabhrú le costais leictreachais a laghdú. |
|
Grúpa Tacaíochta Crann CTR |
An Mhí |
€7,392.00 |
Maoiniú chun córas ríomhaireachta atá as dáta a uasghrádú chun sonraí airgeadais a bhainistiú, idirbhearta a phróiseáil, agus tuarascálacha a chruthú. |
|
Fiontraíocht Pobail Bhaile na Lorgan CTR |
Muineachán |
€15,000.00 |
Maoiniú chun uasghrádú a dhéanamh ar choire atá ann cheana ionas go mbeidh sé níos éifeachtaí ar fhuinneamh, a chuirfidh timpeallacht níos fáiltí agus níos teo ar fáil do thionóntaí agus d'úsáideoirí seirbhíse an ionaid. |
|
Cumann Forbartha an Triúcha T/A Truagh Spirit CTR |
Muineachán |
€10,462.00 |
Maoiniú chun oigheann gaile a cheannach a chuirfidh ar a gcumas acmhainn a gcistine lónadóireachta a mhéadú, agus a chuirfidh ar chumas an fhiontair shóisialta an tseirbhís béilí ar rothaí a fhás, a bhfuil méadú ar a éileamh sa cheantar áitiúil agus sa cheantar máguaird. |
|
Ionad Spóirt agus Áineasa Crinkle CTR |
Uíbh Fhailí |
€14,982.00 |
Maoiniú chun Rampa Rochtana do Dhaoine faoi Mhíchumas a fhorbairt ar an bpáirc imeartha ilspóirt. |
|
Cuideachta Forbartha Pobail an Mhuclaigh faoi Theorainn Ráthaíochta |
Uíbh Fhailí |
€13,284.00 |
Maoiniú chun cathaoireacha a athsholáthar agus sábháilteacht san áis a mhéadú don líon méadaitheach daoine scothaosta a úsáideann an tseirbhís. |
|
Cumann Áineasa Chlóirthigh agus an Cheantair (t/a Linn Snámha Pobail Chlóirthigh) CTR |
Uíbh Fhailí |
€7,500.00 |
Maoiniú chun feabhsúcháin a dhéanamh ar an áis linn snámha, mar shampla roinnteoirí lána, meicníocht teannas roinnteora, spriongaí lána roinnte agus ríleanna stórála deighilteoir lána ionas go mbeidh an linn snámha in ann feabhas a chur ar an tairiscint reatha agus é a leathnú. |
|
Ionad Acmhainní Pobail agus Teaghlaigh an Chlóirthigh, Cuideachta faoi Theorainn Ráthaíochta |
Uíbh Fhailí |
€9,788.00 |
Maoiniú chun infheictheacht agus aeistéitic bhealach isteach an tSiopa Acmhainní a fheabhsú agus bonn custaiméirí agus brabúis a mhéadú chun athinfheistiú i seirbhísí eile a thairgeann an eagraíocht. |
|
Ionad Pobail Ail Finn Teoranta |
Ros Comáin |
€8,898.00 |
Maoiniú chun coincréit a shuiteáil ar limistéar iontrála an tseomra chruinnithe phobail, rud a fheabhsóidh sábháilteacht agus a fhásfaidh an fiontar sóisialta agus a mbeidh gníomhaíocht mhéadaithe mar thoradh air. |
|
Mol Pobail an Bhealaigh |
Ros Comáin |
€15,000.00 |
Maoiniú chun painéil ghréine a shuiteáil agus éifeachtúlacht fuinnimh na heagraíochta a fheabhsú. |
|
Grúpa Gníomhaíochta Thuilsce T/A Ionad Cuairteoirí Ráth Cruachan CTR |
Ros Comáin |
€14,301.00 |
Maoiniú chun rochtain soghluaisteachta fheabhsaithe a shuiteáil ag Ionad Cuairteoirí Ráth Cruachan. |
|
Ciste Forbartha Contae Ros Comáin CTR |
Ros Comáin |
€7,987.00 |
Maoiniú chun feabhas a chur ar an gcóras slándála agus ar an áis sealaíochta deisce sa mhol. |
|
Cumann Oidhreachta agus Ginealais Chontae Shligigh |
Sligeach |
€4,853.00 |
Maoiniú chun trealamh TFC a fheabhsú agus sábháilteacht agus inbhuanaitheacht bunachar sonraí a sholáthar. |
|
Cherryswan CTR |
Sligeach |
€15,000.00 |
Maoiniú chun cothabháil riachtanach a dhéanamh ar urlár an halla agus a chinntiú go bhfuil sé inrochtana do gach úsáideoir. |
|
Cuideachta Chomhairle na Seirbhíse Sóisialaí Shligigh faoi Theorainn Ráthaíochta |
Sligeach |
€14,869.00 |
Maoiniú chun an t-aistriú chuig miasa in-athúsáidte a dhéanamh don tseirbhís Béilí ar Rothaí a chruthóidh éifeachtúlacht fuinnimh agus acmhainní chun an fiontar sóisialta a chothú trí chaiteachas a laghdú agus an tionchar ar an gcomhshaol a laghdú i soláthar na seirbhíse Béilí ar Rothaí. |
|
Ox Mountain Development Co. Ltd. |
Sligeach |
€13,775.00 |
Maoiniú chun oigheann dlúth a cheannach agus an biachlár a fheabhsú chun roghanna bia te a thairiscint. |
|
Ionad Pobail Bhuiríos Ó Luigheach |
Tiobraid Árann |
€15,000.00 |
Maoiniú chun Córas Painéal Gréine a shuiteáil ag Ionad Pobail Bhuiríos Ó Luigheach agus éifeachtúlacht fuinnimh a fheabhsú agus costais a laghdú. |
|
Cuideachta Ionad Áineasa Pobail an Chaonónaigh Uí Aodha faoi Theorainn Ráthaíochta |
Tiobraid Árann |
€11,559.00 |
Maoiniú chun córas rochtana leictreonach a chur ar fáil do chustaiméirí chomh maith le doirse nua um shábháilteacht ó dhóiteán agus ríomhaire nua chun freastal ar an gcóras nua. |
|
Feirm Phobail Chloch Shiurdáin CTR |
Tiobraid Árann |
€15,000.00 |
Maoiniú chun cleachtais ullmhúcháin ithrigh agus cleachtais bhainistíochta a chur ar fáil d'fheirmeacha pobail. Trí uirlisí níos éifeachtaí agus níos neamhdhíobhálaí ó thaobh an chomhshaoil de a thabhairt isteach, féachann an tionscadal le hastaíochtaí carbóin a laghdú, éifeachtúlacht a fheabhsú, torthúlacht ithreach a fhorbairt agus bia áitiúil a mhéadú. |
|
Cumann Forbartha an Phoirt Nua CTR |
Tiobraid Árann |
€3,885.00 |
Maoiniú chun teilgeoir agus scáileán a cheannach, an córas solais agus fuaime a uasghrádú agus trucail le haghaidh pailléad a cheannach. Feabhsóidh sé sin an tairiscint seirbhíse agus laghdóidh sé spleáchas ar chíosanna agus éascóidh sé an fiontar sóisialta earraí troma a bhogadh a theastaíonn le haghaidh |
|
Caifé agus Siopa Pobail na Maighne CTR |
Tiobraid Árann |
€11,315.00 |
Maoiniú chun trealamh lónadóireachta a cheannach, i.e. Oigheann Merrychef a thacóidh le cumas an chaifé atá á reáchtáil ag an bpobal. |
|
Treo Phort Láirge CTR |
Port Láirge |
€12,500.00 |
Maoiniú chun uasghrádú a dhéanamh ar na spásanna pobail laistigh agus lasmuigh chun spás inbhuanaithe agus dinimiciúil a chruthú ar féidir leis dul in oiriúint do |
|
Ciste Forbartha Cheapach Choinn CTR |
Port Láirge |
€7,635.00 |
Maoiniú chun trealamh glantacháin agus cothabhála riachtanach a cheannach chun éifeachtúlachtaí a mhéadú. |
|
Cuideachta Pobail an Tuairín Teoranta |
Port Láirge |
€12,608.00 |
Maoiniú chun córas PA a cheannach agus feabhsúcháin a dhéanamh ar rannóg TF na heagraíochta chun an fiontar a dhéanamh níos inbhuanaithe agus níos éifeachtaí. |
|
The Shona Project |
Port Láirge |
€4,842.35 |
Maoiniú chun ríomhairí glúine agus trealamh nua a cheannach chun éifeachtúlacht oibríochtúil na heagraíochta a fheabhsú, rud a chuirfidh ar a gcumas oideachas níos fearr a chur ar chailíní ar fud na hÉireann agus iad a chumhachtú. |
|
Cuideachta Chúram Scothaosta Dhún Garbháin faoi Theorainn Ráthaíochta |
Port Láirge |
€11,907.00 |
Maoiniú chun painéil ghréine a shuiteáil agus éifeachtúlacht fuinnimh na heagraíochta a fheabhsú. |
|
Cuideachta Pháirc Conláiste Lár na Tíre faoi Theorainn Ráthaíochta |
An Iarmhí |
€9,519.00 |
Maoiniú chun trealamh riachtanach a cheannach leis an gcuma ar thailte na páirce a fheabhsú, mar shampla lomaire faiche, bearrthóir fáil, sábh agus druilire casúir. |
|
Ionad Cúraim Lae Naomh Aodhán Faoi Theorainn Ráthaíochta |
Loch Garman |
€3,536.00 |
Maoiniú chun innealra agus trealamh nua agus uasghrádaithe a fháil, lena n-áirítear bearrthóir fáil agus lomaire faiche le suí air. Chomh maith le maoiniú a dhéanamh ar dheic nua. |
|
Fiontair Festina Lente CTR |
Cill Mhantáin |
€14,495.00 |
Maoiniú chun an áis a fheabhsú agus cabhrú le níos mó seirbhísí eachaí a chur ar fáil. |
|
Ionad Cuairteoirí Ghleann Crí |
Cill Mhantáin |
€11,164.00 |
Chun cothabháil riachtanach a mhaoiniú ar áiseanna cistine chun cabhrú le fás agus inbhuanaitheacht Ionad Cuairteoirí Ghleann Crí. |
AGUISÍN B
Ciste Fiontraíocht Shóisialta a Fhás DAF 2024/2025
Snáithe B
|
Ainm an Fhiontair Shóisialta |
Contae |
Méid an Mhaoinithe |
Cuspóir an Mhaoinithe |
|
The Big Idea House |
Ceatharlach |
€96,670.20 |
Maoiniú chun uasghrádú riachtanach a dhéanamh ar ardán nuálach edtech na heagraíochta a éascóidh a mhéadú chun i bhfad níos mó daoine óga a mhealladh, agus fócas ar dhaoine ó chúlraí faoi mhíbhuntáiste. |
|
Common Knowledge Centre for Sustainable Living CTR |
An Clár |
€93,006.51 |
Maoiniú chun uasghrádú a dhéanamh ar shábháilteacht riachtanach agus ar chomhtháthú fuinnimh in-athnuaite an Ionaid. |
|
Hometree CTR |
An Clár |
€91,763.94 |
Maoiniú chun áiseanna agus trealamh a uasghrádú, feabhas a chur ar chláir rannpháirtíochta pobail do ghrúpaí faoi mhíbhuntáiste, agus feithicil nua a fháil chun éifeachtúlacht oibríochtúil a fheabhsú. Tacóidh sé freisin le tionscnaimh inbhuanaitheachta agus cuirfidh sé maolán teagmhas ar fáil do chostais gan choinne. |
|
Benchspace Cork CTR |
Corcaigh |
€78,187.82 |
Maoiniú chun trealamh déantúsaíochta digiteach a chur ar fáil do dhéantóirí cónaithe Benchspace agus a dtairiscint oiliúna, rud a mhéadóidh inrochtaineacht, líon na ndaoine a gheobhaidh tacaíocht agus ioncam. |
|
Comhairle Pobail Charraig Thuathail CTR |
Corcaigh |
€36,306.13 |
Maoiniú chun painéil ghréine agus soilse LED atá tíosach ar fhuinneamh a cheannach agus a shuiteáil. |
|
Ionad Pobail Leitir Ceanainn CTR |
Dún na nGall |
€72,816.93 |
Maoiniú chun uasghrádú a dhéanamh ar an ollphuball reatha ionas go mbeidh foirgneamh modúlach buan ann le húsáid mar spás pobail ilfheidhmeach i gcaitheamh na bliana. |
|
Ionad Dharndál-Belcamp CTR |
Baile Átha Cliath |
€42,195.00 |
Maoiniú chun feithicil nua a cheannach a bheidh feistithe go hiomlán le haghaidh tascanna cothabhála tí, chun an tseirbhís Handy Helpers' a leathnú agus ceantair bhreise i dTuaisceart Bhaile Átha Cliath a bhaint amach. |
|
Vantastic CTR |
Baile Átha Cliath |
€74,573.60 |
Maoiniú chun dhá charr atá inrochtana do chathaoireacha rothaí a cheannach le haghaidh seirbhísí ar cíos, chun seirbhísí iompair inrochtana a chur ar fáil do dhaoine a bhfuil deacrachtaí soghluaisteachta acu nó míchumas orthu. |
|
Foodcloud |
Baile Átha Cliath |
€97,000.00 |
Maoiniú chun flít veaineanna cuisnithe a léasú, ionas go mbeidh FoodCloud in ann bia breise a thabhairt amach d’Eagraíochtaí Pobail agus Deonacha ar bhealach sábháilte. |
|
An Cumann Fiontraíochta Pobail CTR |
Baile Átha Cliath |
€83,365.68 |
Maoiniú chun an spás atá ann cheana laistigh den ionad a athchóiriú ina n-áiseanna ilúsáide. |
|
Action Community & Enterprise CTR |
Baile Átha Cliath |
€89,797.75 |
Maoiniú chun fuinneoga agus doirse déghloinithe a shuiteáil, athruithe a dhéanamh ar na seomraí folctha agus teaschaidéal a shuiteáil. |
|
Iompar Pobail Inrochtana ar an Taobh Theas CTR |
Baile Átha Cliath |
€97,000.00 |
Maoiniú chun mionbhus 15 shuíochán atá oiriúnaithe a cheannach chun freastal ar phaisinéirí cathaoireacha rothaí atá ina gcónaí leo féin, chomh maith le seirbhís inrochtana a chur ar fáil do dhaoine scothaosta i dtithe altranais agus do dhaoine faoi mhíchumas. |
|
Speedpak CTR |
Baile Átha Cliath |
€44,035.09 |
Maoiniú chun inrochtaineacht a uasghrádú, lena n-áirítear oibreacha seachtracha talún, doirse uathoibríocha, ceaintín athdheartha chun freastal ar úsáideoirí cathaoireacha rothaí, soilsiú LED agus meaisín lipéadaithe agus comhairimh uathoibrithe. |
|
Gluaiseacht Lucht Siúil na Gaillimhe (ag trádáil mar Bounce Back Recycling & Upcycling) CTR |
Gaillimh |
€90,357.44 |
Maoiniú chun trealamh ardchumais agus innealra iompair a cheannach chun cumas táirgthe na heagraíochta seo agus an t-éileamh ar sheirbhísí a leathnú. |
|
Gairdín Bhríde CTR |
Gaillimh |
€59,170.00 |
Maoiniú chun dromchla nua a chur ar an gcarrchlós agus siúlbhealach nua do choisithe a thógáil. |
|
Ionad Pobail an Bhaile Bháin CTR |
Gaillimh |
€19,691.00 |
Maoiniú chun painéil ghréine a shuiteáil agus éifeachtúlacht fuinnimh a mhéadú. |
|
Sorcas Pobail na Gaillimhe Teoranta |
Gaillimh |
€97,000.00 |
Maoiniú chun veain agus mionbhus a cheannach agus rochtain iompair a fheabhsú do dhaoine óga faoi mhíbhuntáiste. Beidh tionchar buan ag an maoiniú sin ar an bpobal agus cuirfidh sé cuimsiú sóisialta chun cinn. |
|
Ionad Acmhainní Pobail agus Teaghlaigh Thoirc CTR |
Ciarraí |
€57,533.61 |
Maoiniú chun veain a cheannach chomh maith le 15 bhosca bruscair ar shíntiús carthanais, geata rochtana nua agus páirceáil a chur ar fáil. |
|
Sensational Kids CTR |
Cill Dara |
€30,025.38 |
Maoiniú chun trealamh a uasghrádú a chuirfidh feabhas ar a gcumas seirbhísí teiripe inacmhainne a chur ar fáil do leanaí a bhfuil riachtanais bhreise acu. |
|
Cuideachta Líonra Pobail Chontae Chill Dara CTR |
Cill Dara |
€60,718.12 |
Maoiniú chun na hoibreacha uasghrádaithe agus feabhsaithe foirgníochta a dhéanamh atá riachtanach chun sruth fiontraíochta inbhuanaithe de Mhol Athúsáide Péinte a chruthú, fostaíocht a chur chun cinn agus réitigh inbhuanaithe a chur ar fáil don phobal. |
|
Comharchumann Cumarsáide Pobail Chill Chainnigh Teoranta |
Cill Chainnigh |
€48,560.14 |
Maoiniú chun an cumhdach atá ann cheana a bhaint agus díon inslithe, taobh-phainéil agus earraí uisce báistí a shuiteáil chun an fiontar sóisialta a chothú. |
|
Scéim Promhaidh agus Nasctha Luimnigh CTR |
Luimneach |
€44,620.00 |
Maoiniú chun veain a cheannach ionas gur féidir leis an eagraíocht a cuid díolacháin a mhéadú trí sheirbhís bailithe agus seachadta a thairiscint dá gcustaiméirí dá bhfiontar troscán agus gairneoireachta araon. |
|
Grúpa Seirbhísí Pobail Mhuire Lourdes |
Luimneach |
€86,085.56 |
Maoiniú chun uasghráduithe riachtanacha a dhéanamh, lena n-áirítear coimeádán ilchuspóireach le haghaidh oideachais inrochtana, doirse nua sábháilteachta dóiteáin, córas ceamara slándála uasghrádaithe, suíocháin atá oiriúnach do chách, comhlaí sábháilteachta, urlár neamhsciorrach, agus leithris inrochtana. |
|
Ionad Áineasa & Pobail Áth Dara CTR |
Luimneach |
€62,352.57 |
Maoiniú chun Comharthaíocht Dhigiteach a chur ar fáil, chomh maith le feithicil chothabhála fóntais ar chumhacht cadhnraí agus leathnú Cadhnraí PV Gréine le daingniú agus uathoibriú leictreach. |
|
Cumann Forbartha Pobail ACM Teoranta |
Luimneach |
€64,999.70 |
Maoiniú chun an díon agus na simléir ar Ionad Pobail Theach na Sionainne a athchóiriú chun éifeachtúlachtaí fuinnimh a mhéadú agus inúsáidteacht agus inmharthanacht fhadtéarmach ionad pobail Theach na Sionainne a chinntiú. |
|
An tIonad Forbartha agus Faisnéise Fostaíochta (An Longfort) CTR |
An Longfort |
€57,178.59 |
Maoiniú chun feithicil nua a ritheann ar Ola Glasraí Hidreachóireáilte a cheannach, chomh maith le haonad aerchóirithe/téimh nua. |
|
Comhairle Pobail Mhuirtheimhne Mór CTR |
Lú |
€36,576.76 |
Maoiniú chun tarmac a chur ar an gcabhsa, troscán agus ceamaraí slándála a cheannach chun feabhas a chur ar rochtain, áiseanna agus slándáil an fhoirgnimh. |
|
Ionad Ealaíon Halla an Línéadaigh CTR |
Maigh Eo |
€96,989.33 |
Maoiniú chun réimse uasghráduithe agus feabhsúchán a dhéanamh, lena n-áirítear; inrochtaineacht ar leithris custaiméirí, urláir nua, athchóiriú ar an siopa caife, limistéar stórála, oifig na dticéad, teilgeoir agus scáileán nua a shuiteáil, chomh maith le huasghrádú a dhéanamh ar a gcórais TF reatha, agus comharthaíocht bhreise a chur ar fáil. |
|
CLG Ionad Cúraim Naomh Colmáin |
Maigh Eo |
€62,165.36 |
Maoiniú chun cosáin sheachtracha an fhoirgnimh a athchóiriú ar mhaithe le rochtain a éascú. Umar breosla a athsholáthar agus gineadóir nua a cheannach, doirse nua a chur ag na bealaí amach chun tosaigh agus ar chúl an fhoirgnimh. |
|
The Father Patrick Peyton C.S.C. Cuideachta Cuimhneacháin CTR |
Maigh Eo |
€82,139.60 |
Maoiniú chun fuinneoga agus doirse a iarfheistiú chun inbhuanaitheacht a fheabhsú, chomh maith leis an bhfoirgneamh atá ann cheana a iarfheistiú chun éifeachtúlacht fuinnimh a fheabhsú. |
|
Geilleagar Sóisialta na Mí Theas CTR |
An Mhí |
€66,103.56 |
Maoiniú chun 2 fheithicil nua, ríomhaire deisce nua, córas glantacháin gáitéar ardteicneolaíochta SkyVac, agus dhá lomaire faiche a cheannach. |
|
Forbairt Pobail Mhullach Meata agus Chorr Thí Talmhan Teoranta |
Muineachán |
€64,338.16 |
Maoiniú chun limistéar stórála iniompartha (bothán iniompartha/struchtúr coimeádán) agus veain a cheannach. |
|
Cuideachta Forbartha Áitiúil Comhtháite Uíbh Fhailí - Offaly Healthy Homes - (OLDC agus OHH) |
Uíbh Fhailí |
€53,814.63 |
Maoiniú chun veain leictreach a cheannach atá feistithe le seilfeanna stórála, ionas go mbeidh siad in ann seirbhís mhéadaithe a sholáthar do na daoine is imeallaithe sa phobal. |
|
The Melting Pot Community Society Ltd. |
Ros Comáin |
€39,668.15 |
Maoiniú chun veain leictreach agus Stáisiún Cumhachta Iniompartha agus bosca Cambro a cheannach. |
|
Forbairt Fiontraíochta Bhaile idir Dhá Abhainn (Sligeach) Teoranta |
Sligeach |
€95,802.05 |
Maoiniú chun cosáin oiriúnacha do chathaoireacha rothaí a shuiteáil ar fud na páirce, chomh maith le gairdín céadfach do dhaoine a bhfuil uathachas orthu a shuiteáil chun cuimsitheacht a fheabhsú i dtaca le daoine a bhfuil riachtanais bhreise acu. |
|
Forbairt na Scríne agus an Droma Aird CTR |
Sligeach |
€25,421.76 |
Maoiniú chun Córas Fótavoltach Gréine a shuiteáil san fhoirgneamh atá ann cheana. |
|
Ionad Acmhainní Teaghlaigh na Mílaoise CTR |
Tiobraid Árann |
€45,007.03 |
Maoiniú chun veain leictreach agus stáisiún luchtaithe nua a cheannach a úsáidfear chun seirbhís níocháin a chur ar fáil don phobal. |
|
Ionad Acmhainní Teaghlaigh BRILL CTR |
Port Láirge |
€27,031.96 |
Maoiniú chun trealamh nua gairdín a fháil atá dírithe ar tháirgiúlacht agus cumas méadaithe chun freastal níos fearr ar an bpobal agus ar úsáideoirí seirbhíse. |
|
Lafcadio Hearn Japanese Gardens |
Port Láirge |
€96,515.00 |
Maoiniú chun limistéar seirbhíse caifitéire nua a chruthú, an deasc fáiltithe san ionad a athrú agus a bhogadh agus doirse sleamhnáin ar stíl na Seapáine a chur isteach. |
|
Cuideachta Iarnróid Phort Láirge agus Ghleann na Siúire CTR |
Port Láirge |
€97,000.00 |
Maoiniú chun síneadh nua a thógáil le haghaidh teach féinghluaiste, chomh maith le hoibreacha gaolmhara. |
|
Forbairt Áitiúil Loch Garman |
Loch Garman |
€70,439.46 |
Maoiniú chun 2 veain a cheannach, chomh maith le huirlisí garraíodóireachta chun tacú le fás foriomlán an fhiontair shóisialta. |
|
An tIonad Stairiúil Náisiúnta 1798 CTR |
Loch Garman |
€86,790.75 |
Maoiniú chun ardaitheoir riachtanach a bhaint amach agus ceann nua a chur isteach chun freastal ar chuairteoirí a bhfuil teorannú fisiciúil orthu agus seirbhísí a chur ar fáil dóibh. |