Chlár Tosaíochtaí agus Beartais d'Uachtaránacht na hÉireann ar Chomhairle an Aontais Eorpaigh 2026 a Fhorbairt
- Foilsithe: 17 Samhain 2025
- oscailte le haghaidh aighneachtaí ó: 5 Samhain 2025
- dúnadh na haighneachtaí: 12 Nollaig 2025
- An t-eolas is déanaí: 13 Nollaig 2025
Tá an Comhairliúchán dúnta
- Teachtaireacht sheolta físe – an tAire Stáit um Ghnóthaí Eorpacha
- Conas aighneacht a dhéanamh
- Cosaint Sonraí
- Conas a úsáidfear an t-aiseolas
Ón 1 Iúil go dtí an 31 Nollaig 2026, glacfaidh Éire Uachtaránacht Chomhairle an Aontais Eorpaigh (AE). Tá an Rialtas ag lorg tuairimí ó gheallsealbhóirí intíre agus ó phobal na hÉireann maidir le forbairt thosaíochtaí agus chlár beartais Uachtaránacht na hÉireann.
Trí na comhairliúcháin seo, tá faoin Rialtas breathnuithe, moltaí agus machnaimh a bhailiú ar an gcaoi is fearr a fhéadfaidh Éire a ról Uachtaránachta a chomhlíonadh; a chinntiú go mbunófar clár beartais na hUachtaránachta ar mheonta éagsúla ó shochaí na hÉireann; agus saincheisteanna, téamaí agus réimsí beartais ar fud an AE a aithint ar cheart aird ar leith a thabhairt orthu le linn Uachtaránacht na hÉireann.
Teachtaireacht sheolta físe – an tAire Stáit um Ghnóthaí Eorpacha
Conas aighneacht a dhéanamh
Seoladh an comhairliúchán an 5 Samhain 2025 agus ba é an 12 Nollaig 2025 an spriocdháta chun aighneachtaí scríofa a fháil. Ba mhaith linn buíochas a ghabháil le cách as a dtuairimí agus a gcuid ionchuir sa phróiseas comhairliúcháin. Má bhíonn aon cheist agat, seol chuig EUPresidency2026Consultations@dfa.ie í.
Cosaint Sonraí
Ba mhaith linn d’aird a tharraingt ar ár bhFógra Príobháideachta Sonraí, ina mínítear conas agus cathain a bhailímid sonraí pearsanta, cén fáth a ndéanaimid amhlaidh, agus conas a láimhseálaimid an fhaisnéis seo. Mínítear ann, leis, do chearta maidir le bailiú faisnéise pearsanta agus conas na cearta sin a fheidhmiú. Féadfar sleachta gan ainm ó aighneachtaí aonair a áireamh i dtuarascálacha inmheánacha agus foilsithe. Cé go mbreithneoidh an Roinn go cúramach gach tuairim agus moladh a gheofar, níl fúithi freagra a thabhairt ar aighneachtaí aonair.
Gach freagra a gheofar ar an gcomhairliúchán seo, beidh sé faoi réir fhorálacha an Achta um Shaoráil Faisnéise 2014 (FOI), Rialacháin na gComhphobal Eorpach (Rochtain ar Fhaisnéis faoin gComhshaol) 2007-2014, agus an Achta um Chosaint Sonraí 2018.
Conas a úsáidfear an t-aiseolas
Breithneofar an t-aiseolas a gheofar ó aighneachtaí mar chuid d’fhorbairt thosaíochtaí agus chlár beartais Uachtaránacht na hÉireann. Ullmhóidh an Roinn Gnóthaí Eachtracha agus Trádála tuarascáil théamach achomair agus roinnfear í le Ranna Rialtais eile trí struchtúir chomhordaithe idir-rannacha ábhartha.
Foilseofar an tuarascáil théamach achomair, mar aon leis na haighneachtaí uile a fuarthas, ar leagan nuashonraithe den leathanach seo a luaithe a chríochnófar an próiseas comhairliúcháin.